ბათუმის მერია თეატრალური და სახვითი ხელოვნების სფეროში მომუშავე პირებს ერთ პროექტს დაუფინანსებს. მერიის ინფორმაციით, დაფინანსდება მინიმუმ ხუთი პროექტი. პროგრამის მთლიანი ბიუჯეტი 35 ათასი ლარია.
კონკურსის პირობების მიხედვით წარმოდგენილი უნდა იყოს მხოლოდ ერთი პროექტი. „პროექტები, რომლებიც წარმოდგენილი იქნება საქართველოს ცენტრალური, ავტონომიური, ადგილობრივი ხელისუფლების ორგანოების, ან მათ მიერ შექმნილი იურიდიული პირებისა და თუ ორგანიზაციების მიერ, არ განიხილება,“ – ნათქვამია მერიის განცხადებაში.
მერია ერთ პროექტში 7 ათას ლარს გადაიხდის. კონკურსში მონაწილე პირებმა სხვა ოფიციალურ დოკუმენტებთან ერთად უნდა წარადგინონ შემოქმედებითი მოღვაწეობის ამსახველი აუდიო-ვიზუალური მასალა CD სახით; ოფიციალური მოწვევა საერთაშორისო კულტურულ პროექტებში მონაწილეობის მისაღებად და სარეკომენდაციო წერილი ორგანიზაციისაგან ან კერძო პირისგან.
