“მულტიკულტურული ინტეგრაცია აჭარაში” – ამ პროექტის ფარგლებში დაგეგმილი შეხვედრა ქედის მუნიციპალიტეტის სოფელ მახუნცეთის ცენტრში 4 აგვისტოს ჩატარდება. არასამთავრობო ორგანიზაცია „თავისუფალ ჟურნალისტთა სახლის“ ინფორმაციით, შეხვედრის თარიღი მოსალოდნელი ამინდის გამო შეცვალეს.
მუსიკალურ პერფომანსს ბენდი “ერთად” ქედის მუნიციპალიტეტის სოფელ მახუნცეთის ცენტრში ნაცვლად 29 ივლისისა, ჩაატარებს 4 აგვისტოს, 16:00 საათზე.
პერფორმანსი მზადდება პროექტის ფარგლებში – „მულტიკულტურული ინტეგრაცია აჭარაში“, რომელსაც „თავისუფალ ჟურნალისტთა სახლი“, ფონდი „ღია საზოგადოება-საქართველოს“ მხარდაჭერით ახორციელებს.
ღონისძიების ორგანიზატორთა თქმით, შეხვედრის მიზანია, პროექტის ფარგლებში შექმნილი მუსიკალური პროდუქტის პოპულარიზაცია რეგიონის მასშტაბით, რათა აჩვენონ აუდიტორიას, რამდენად მცირეა განსხვავება სხვადასხვა ეროვნების ადამიანებს შორის.
