სამედიცინო მომსახურება უფასოდ – აქცია ბათუმში

9-11 ივნისს აჭარის ონკოლოგიურ ცენტრსა და რესპუბლიკურ ფსიქონევროლოგიურ კლინიკურ საავადმყოფოში ექიმთა ლიგის ორგანიზებით სამედიცინო აქციები გაიმართება.

ბათუმის მერიის პრესსამსახურის განცხადებით, ღონისძიება ბათუმის მერიის მხარდაჭერით ხორციელდება და ბათუმის მცხოვრებლებს შესაძლებლობა მიეცემათ უსასყიდლოდ მიიღონ მაღალკვალიფიციური ექიმების სამედიცინო მომსახურება.

ბათუმის მერიის ინფორმაციით, 9 ივნისს ადგილობრივი ექიმებისათვის ჩატარდება ტრენინგი თემებზე: ხველის თანამედროვე მენეჯმენტი და მისი მართვის პრინციპები, ასევე კუჭ-ნაწლავის ტრაქტის დაავადებათა მართვის თანამედროვე მენეჯმენტი.

10 ივნისს კი ლიგის ორგანიზებით ჩატარდება მოსახლეობის უფასოდ გასინჯვის აქცია შემდეგი დაავადებების მიხედვით:

  • პულმონოლოგია,
  •  გასტროენტეროლოგია,
  • ალერგოლოგია,
  • კომპიუტერული სპირომეტრია,
  • დერმატოლოგია,
  • ორთოპედ-ტრავმატოლოგია
  • რევმატოლოგია.

ხოლო 11 ივნისს ექიმთა ლიგის დამფუძნებელი და მედიცინის აკადემიური დოქტორი, პროფესორი ბარბარე ბეზარაშვილი რესპუბლიკურ ფსიქონევროლოგიურ კლინიკურ საავადმყოფოში განახორციელებს პაციენტების მიღებას შემდეგი მიმართულებებით:

  • ალერგოლოგია-ბრონქული ასთმა,
  • ალერგიული რინიტი,
  • ალერგიული კონიუქტივიტი,
  • ჭინჭრის ციება,
  • კვინკეს შეშუპება,
  • ატოპიური დერმატიტი და სხვა ალერგოზები,
  • კომპიუტერული სპირომეტრია.

 

 

 

 

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com