ტურიზმის დეპარტამენტის ინფორმაციით, აჭარაში ახალი ტურისტული მარშრუტის „ჩირუხი-ხიხანი-გოდერძი“ – მარკირება მიმდინარეობს.
ახალი მარშრუტი ალპურ ზონაშია და მასზე მოგზაურობისას ტურისტი ულამაზეს ტბებს, ჩანჩქერებს, ციხეებსა და იაილებს გაივლის.
„ჟინვალის ჩანჩქერი, შრატიანის ტბა, სარიჩაირის იაილები, ყარაგოლის ტბა, თეთრობის იაილები, ხიხანის ციხე, ალპური ბოტანიკური ბაღი – მცირე ჩამონათვალია იმ ტურისტული ადგილებისა, რომელთა ნახვაც ტურისტს მარშრუტზე შეუძლია,“-ამბობენ ტურიზმის დეპარტამენტში.
მათივე ინფორმაციით, მარშრუტის პოპულარიზაციის მიზნით გიდებისა და ტურისტული სააგენტოებისთვის მოეწყო ინფოტური, რომლის მონაწილეებმაც თავად გაიარეს მარშრუტი და გაეცნენ მასზე არსებულ ღირსშესანიშნაობებს, ტურისტულ პროდუქტებსა და სერვისებს.