კონკურსი – აჭარის დასაქმების სააგენტომ პროფესიული მომზადება-გადამზადების პროგრამა დაიწყო

დასაქმების სააგენტომ  პროფესიული მომზადება/გადამზადების პროგრამა დაიწყო.  სააგენტოს ცნობით, პროექტის ფარგლებში მომზადდება 80 და გადამზადდება 25 მოქალაქე.

მომზადების პროგრამით სარგებლობა შეუძლია აჭარაში მცხოვრებ, პროფესიული მომზადების მსურველ, შრომითი ქმედუნარიანობის ასაკის მქონე პირს, ხოლო გადამზადების პროგრამით – აჭარაში მცხოვრებ პროფესიული გადამზადების მსურველ, შრომითი ქმედუნარიანობის ასაკის მქონე პირს, რომელსაც გააჩნია მინიმუმ ერთწლიანი სამუშაო გამოცდილება კონკრეტულ პროფესიაში.

პროფესიული მომზადება:

• დაბალი ძაბვის ელექტრიკოსი
• მიღება-განთავსების სპეციალისტი
• ფილამწყობი
• ბართენდერი
• თაბაშირ-მუყაოს კონსტრუქციების მემონტაჟე
• რესტორნის სერვისმენეჯერი
• სასტუმრო საქმის სპეციალისტი
• მზარეული
• მებათქაშე
• სამაცივრო მოწყობილობების ტექნიკოსი
• სარესტორნო საქმისმწარმოებელი
• შემდუღებელი

პროფესიული გადამზადება:

• დაბალი ძაბვის ელექტრიკოსი
• მძიმე სამშენებლო ტექნიკის ოპერატორი
• მზარეული
• ამწის მემანქანე
• შემდუღებელი

საბუთების მიღება 29 იანვარს დაიწყება. პროგრამაში ჩართვის მსურველი პირი უნდა დარეგისტრირდეს დასაქმების სააგენტოს მონაცემთა ბაზაში და შეავსოს პროფესული მომზადება/გადამზადების განაცხადის ფორმა.

რეგისტრაციისას მოქალაქემ უნდა იქონიოს: პირადობის დამადასტურებელი მოწმობა (აუცილებელია), პროფესიის შესაბამისი სამუშაო გამოცდილების არსებობის შემთხვევაში – გამოცდილების დამადასტურებელი დოკუმენტი.

სააგენტოს ცნობით, მოსარგებლეებს კონკურსის გზით შეარჩევენ.

პროექტის პრეზენტაცია

ნეტგაზეთის მასალების სხვა გამოცემებში გადაბეჭდვის წესი


ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com