თომა მჭედლიძე: 2010 წლამდე არავითარი შეხება არ მქონდა რაგბთან, ჩემთვის ვვარჯიშობდი ქუთაისში, თუმცა ზვიად გოგისვანიძემ მირჩია, სერიოზულად მომეკიდებინა ხელი ამ საქმისათვის. მითხრა, მონაცემები გაქვსო, რეკომენდაციაც გამიწია ბათუმურ კლუბთან და ახლა უკვე „ბათუმთან“ სამწლიანი კონტრაქტი მაკავშირებს, ანუ 2013 წლამდე „ბათუმის“ წევრი ვარ. შერკინების ბურჯია ჩემი პოზიცია ანუ როგორც მორაგბეთა ენაზე იტყვიან, პირველ ნომრად ვთამაშობ.
კახა უჩავა: თომასგან განსხვავებით ჩემი კარიერა უფრო მდიდარია. 1995 წელს დავიწყე რაგბის თამაში რუსთავის „აზოტში“, მერე იყო არმიის სპორტული კლუბი, „დათვები“, „აკადემია“, ერთი წელი საფრანგეთის კლუბ „მისაში“ ვითამაშე, იყო რუმინული „კონსტანცა“ და რუსული „ჩიტა“. ვიყავი საქართველოს როგორც ახალგაზრდული, ასევე ეროვნული ნაკრების წევრი. ახლა კი ისევ ბათუმში ვარ, ერთწლიანი კონტრაქტი მაკავშირებს ზღვისპირულ გუნდთან. მერე კი ვნახოთ, არ არის გამორიცხული ისევ „ბათუმში“ დავრჩე.
– „ბათუმი“ წელს დაბრუნდა უმაღლეს ლიგაში, მიუხედავად გუნდის მონდომებისა, დღემდე მხოლოდ სამი თამაში მოიგეთ და მხოლოდ მეშვიდე ადგილზე ხართ. როგორ ფიქრობთ, რა აკლია გუნდს?
კახა უჩავა: მე წელს შევუერთდი „ბათუმს“, კარგი, შეკრული, ამხანაგურია გუნდია. სამწუხაროდ, შეთამაშება გვაკლია, თორემ ძალ-ღონეს ნამდვილად არ ვიშურებთ დასახულის მისაღწევად. გუნდს აშკარად აქვს პოტენციალი და მჯერა, რომ ყველაფერი მალე დალაგდება. მართალია, გვაქვს გარკვეული ტექნიკური ხარვეზები, მაგრამ არა ისეთი, რომლის აღმოფხვრა არ შეიძლებოდეს.
თომა მჭედლიძე: პირველ რიგში აღვნიშნავ იმას, რომ გასულ წელთან შედარებით, როდესაც პირველ ლიგაში გამოვდიოდით, ბევრი რამ შეიცვალა. გუნდი მოთამაშეთა დიდმა ნაწილმა დატოვა, ახალწვეულებთან კი ჯერჯერობით, ასე იოლად ვერ მოვახერხეთ შეთამაშება. კახამ სწორად აღნიშნა, გვაქვს ტექნიკური წუნიც, მაგრამ ვარჯიშებზე ყველა ბოლომდე იხარჯება და დარწმუნებული ვარ, ეს ნაკლიც მალე აღმოიფხვრება, თან ნუ დაგავიწყდებათ, რომ ეს უმაღლესი ლიგაა, კონკურენტებიც საკმაოდ ძლიერები არიან.
– ჩემპიონატის დაწყებამდე „ბათუმის“ თავკაცები აღნიშნავდნენ, რომ მთავარი მიზანი უმაღლეს ლიგაში დარჩენა იყო…
კახა უჩავა: გუნდის პოტენციალს თუ გავითვალისწინებთ, მხოლოდ უმაღლეს ლიგაში დარჩენა არ დაგვაკმაყოფილებს. წელს ჩვენი მიზანი ექვსეულში მოხვედრაა და დარწმუნებული ვარ, ამის ძალა შეგვწევს.
– შანსები როგორია?
თომა მჭედლიძე: შანსები რა თქმა უნდა გვაქვს და ძალიან კარგიც. ჩემპიონატის დაწყებიდან დღემდე თვალი რომ გადავავლოთ, ბიჭები უფრო უკეთ ვუგებთ ერთმანეთს მოედანზე, ნელ-ნელა ვეწყობით ერთმანეთს. მართალია, სატურნირო ცხრილში ჯერ მხოლოდ მეშვიდე ადგილზე ვართ, მაგრამ ჯერ პირველი წრე არ დასრულებულა, წინ კი მეორე წრეც გველოდება.
კახა უჩავა: ამ ეტაპზე სატურნირო მდგომარეობის გათვალისწინებით, საკმაოდ დაძაბული მდგომარეობაა, ნებისმიერ გუნდს შეუძლია სიურპრიზის შემოთავაზება და გამონაკლისი არც ჩვენ ვართ. პირადად ჩვენ ყველა თამაშზე მობილიზებულები გავდივართ. კარგი იქნება იღბალიც თუ ჩვენსკენ იქნება, თორემ რამდენიმე ისეთი თამაში წავაგეთ, ნამდვილად რომ არ იყო წასაგები.
– ყველა სპორტსმენის მიზანი ეროვნულ ნაკრებში მოხვედრაა, კახა შენ ეროვნულში გითამაშია…
კახა უჩავა: თუ მწვრთნელი გამომიძახებს, მზად ვარ, ჩემს გუნდს გამოვადგე. ამ ეტაპზე „ბათუმიდან“ მხოლოდ გიორგი ბეგაძეა ნაკრების წევრი, მაგრამ ეს სულაც არ ნიშნავს, რომ სხვებისთვის „ბორჯღალოსანთა“ კარი დახურულია. ყველაფერი თავად სპორტსმენზეა დამოკიდებული, თუ რამდენად წარმოაჩენს თავს.
თომა მჭედლიძე: გეთანხმები, ყველა სპორტსმენის მიზანი ნაკრებში მოხვედრაა. იმედია, მივიქცევ მწვრთნელთა ყურადღებას.
– რაგბი და ჩხუბი განუყრელი თემაა. ხშირად ჩხუბობთ მოედანზე?
თომა მჭედლიძე: ეგ ორი ცნება ერთმანეთისგან განუყრელია. თუმცა ეს იმას არ ნიშნავს, რომ ყველა თამაშზე ვჩხუბობთ მორაგბეები.
კახა უჩავა: რაც ყველაზე მთავარია, გამორიცხულია რაგბში მოედანზე ჩხუბი მოხდეს და ის შემდეგ მოედნის გარეთ გაგრძელდეს. თამაშის დასრულების შემდეგ კვლავ მეგობრები ვართ.
„რთული თამაში გველის, მაგრამ გამარჯვებისთვის ვიბრძოლებთ. ბელარუსის ნაკრები ძლიერი გუნდია და კარგი ფეხბურთელებიც ჰყავს. ფინეთში დაძაბული მატჩი ჩავატარეთ. იქ ერთი შეცდომა გოლად დაგვიჯდა. შევეცდებით, მსგავსი რამ აქ აღარ დაგვემართოს“, – განაცხადა ეროვნული ნაკრების თავკაცმა თემურ ქეცბაიამ. ერთი საინტერესო დეტალი, დღესვე იმართება მატჩი ესპანეთსა და საფრანგეთს შორის, ერთ-ერთის გამარჯვების შემთხვევაში (რა თქმა უნდა თუ საქართველოს ნაკრებიც მოიგებს), ჩვენი გუნდი მიმდინარე წელს ჯგუფში მეორე ადგილზე დაასრულებს. ესპანეთსა და საფრანგეთს 6-6 ქულა აქვს და პირველ-მეორე ადგილებზე არიან, საქართველოს ნაკრები 4 ქულით მესამე პოზიციაზეა.
მეკარეები: ნუკრი რევიშვილი (კრასნოდარი, რუსეთი), როინ კვასხვაძე (ზესტაფონი), ომარ მიგინეიშვილი (ტორპედო, ქუთაისი);
ამ სათაურს არაფერი საერთო არ აქვს ცნობილ მუსიკალურ კლიპთან, სადაც რაჭის სიყვარულზე მღერიან, მაგრამ ბათუმელი ნუგზარ ბოლქვაძისათვის რაჭა უდავოდ დასამახსოვრებელი იქნება, ვინაიდან ონში გამართულ ზურაბ მაისურაძისა და გიორგი სხირტლაძის სახელობის საერთაშორისო ტურნირზე თავისუფალ ჭიდაობაში ჭაბუკთა შორის ბათუმელმა ფალავანმა, რომელიც 46 კგ. წონით კატეგორიაში ასპარეზობდა, ფინალამდე ყველა მეტოქე დაამარცხა, გადამწყვეტ შეხვედრაში კი რუსთაველ სპორტსმენს დაეჭიდა და ორ სეტში მოუგო, რითაც ოქროს მედალს დაეუფლა. 29 კგ. წონით კატეგორიაში ვერცხლის მედალს დასჯერდა გუგა შეშელიძე, რომელმაც ფინალი ამბროლაურელ მოჭიდავესთან დათმო. რამაზ თურმანიძემ (32 კგ.) და ზურა ირემაძემ (50 კგ.) ბრინჯაოს მედლები მოიპოვეს.
