Batumelebi | ტურნირი ბათუმელებმა მოიგეს ტურნირი ბათუმელებმა მოიგეს – Batumelebi
RU | GE  

ტურნირი ბათუმელებმა მოიგეს

ბათუმში სამი დღის მანძილზე მიმდინარეობდა წარსულში ცნობილი კალათბურთელების, ვალერი ალთაბაევისა და ალექსანდრე კილაძის ხსოვნისადმი მიძღვნილი ტრადიციული, საერთაშორისო ტურნირი კალათბურთში 1998 წელს დაბადებულ ჭაბუკთა შორის. შეჯიბრი მეოთხე წელია ტარდება. წელს მასში მონაწილეობა მიიღეს გუნდებმა აზერბაიჯანიდან (ორი გუნდი), სომხეთიდან და თურქეთიდან. საქართველოს კი ბათუმის სასპორტო სკოლის ნაკრები გუნდი წარმოადგენდა (მწვრთნელი ლაშა ოჩხიკიძე).

 

სამდღიანი დაძაბული ბატალიების შემდეგ ტურნირის ჩემპიონი გახდა ბათუმის სპორტსკოლის ნაკრები გუნდი, მეორე ადგილზე თურქეთის „ანკარა“ გავიდა, მესამე ადგილი კი აზერბაიჯანელებს ხვდათ წილად. აღსანიშნავია, რომ ტურნირის ბომბარდირის წოდება ბათუმელმა ლევან ბაბილოძემ მოიპოვა. დანარჩენი ნომინაციები კი სტუმრებმა გადაინაწილეს. საუკეთესო თავდამსხმელისა და ტექნიკური კალათბურთელის პრიზი აზერბაიჯანელებმა დაისაკუთრეს, საუკეთესო მცველისთვის დაწესებული ჯილდო სომხეთის წარმომადგენელს გადაეცა, რაც შეეხება თურქებს, მათმა მოთამაშემ მაყურებლის სიმპათიის პრიზი დაიმსახურა.

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე