Batumelebi | მოსახლეობას სახლში კანალიზაცია შეუვიდა მოსახლეობას სახლში კანალიზაცია შეუვიდა – Batumelebi
RU | GE  

მოსახლეობას სახლში კანალიზაცია შეუვიდა

ლელა დუმბაძე

 

ბათუმში, აღმაშენებლის 12 ნომერში, საკანალიზაციო ჭა გაიჭედა, ჭაში დაგროვილმა მასამ კი მოსახლეობის სველ წერტილებში ამოხეთქა.

„ათი დღის წინაც მსგავსი მდგომარეობა იყო. სარდაფში იყო გაჭედილი სისტემა და მე თვითონ გავაწმენდინე, მაგრამ ახლა ცენტრალური მილია გაჭედილი და მასას არ ატარებს. ვრეკავ „ბათუმის წყალში“ და არავინ მოდის“-აცხადებს, ბადრი ცინარიძე. მის სააბაზანოში საკანალიზაციო სისტემიდან ამოხეთქილი წყლის გუბე, ამ წუთებშიც დგას.

`ერთი კვირის წინ, ეზოში ამოხეთქა ჭამ და საშინელი მდგომარეობა გვქონდა. მოვიდნენ და მოაწესრიგონ, ქუჩაში თხრიან რაღაცას და როგორც ჩანს გასასვლელი დააზიანეს. მოვიდნენ და გვიშველონ. დღის ბოლომდე აუცილებლად უნდა მოგვიგვარონ ეს პრობლემა~-ამბობს, ვახტანგ ხმალაძე.

„ბათუმის წყალში“ ტექნიკურ სამსახურში აცხადებენ, რომ ინფორმაცია შესაბამის სამსახურში გადაცემულია და ზომებს დღის ბოლომდე მიიღებენ.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე