Batumelebi | მურმან დუმბაძე: ხელისუფლება პროვოკაციებს გვიწყობს მურმან დუმბაძე: ხელისუფლება პროვოკაციებს გვიწყობს – Batumelebi
RU | GE  

მურმან დუმბაძე: ხელისუფლება პროვოკაციებს გვიწყობს

ნათია ზოიძე

 

კოალიცია „ქართული ოცნების“  ბათუმის ოფისში უკანონოდ შესახლებულ მოქალაქეებთან დაკავშირებით საგანგებო განცხადება გააკეთეს.

 

მურმან დუმბაძის განცხადებით  მოქალაქეებმა უკანონოდ დაიკავეს საცხოვრებელი ფართები აჭარის ტერიტორიაზე. კერძოდ,  ხელვეჩაურის რაიონში მდებარე სამხედრო ნაწილში, ბათუმში, მეტაქსას ქუჩაზე,  ბაზრის ტერიტორიაზე, გოროდოკის და თამარის   დასახლებაში.  „სრული პასუხისმგებლობით ვაცხადებთ,  რომ შესახლებული მოქალაქეები არანაირ კავშირში არ არიან „ქართულ ოცნებასთან“ და რომც  იყვნენ დაკავშირებული, უკანონოდ ქონების დაკავების უფლება არავის აქვს.“ – განაცხადა მურმან დუმბაძემ. 

 

კოალიცია მოუწოდებს სამრთლდამცავებს იმოქმედონ კანონის ფარგლებში და აღკვეთონ უკნონობა. 

 

 

სამართალდამცავების  მხრიდან ამ ფაქტზე რეაგირების არქონას მურმან დუმბაძე ხელისუფლებას უკავშირებს  და  ამბობს რომ „ეს მათი (ხელისუფლების) ეს პროვოცირებული და წახალისებულია.“ 

 

„ტაქსით, ღორჯომის ხეობიდან, მოქალაქე თავისით არ ჩამოვიდოდა და იქ არ შევიდოდა“ – აცხადებს დუმბაძე. მისი ინფორმაციით მეეზოვეებსაც კი მისცეს რეკომენდაციები, რომ არ დაასუფთაონ ქალაქის ქუჩები.   

 

 

მურმან დუმბაძე  განუმარტავს მოქალაქეებს, რომ მიუხედავად იმისა, რომ ხელისუფლების ცვლილება მოხდა, ჯერჯერობით   მთავრობის  გადაბარების პროცესი მიმდინარეობს და ამიტომ ყოველგვარ უკანონობაზე პასუხისმგებლობა   ჯერ კიდევ მოქმედმა ხელისუფლებამ უნდა აიღოს.   

 

ნეტგაზეთის მასალების სხვა გამოცემებში გადაბეჭდვის წესი
ნათია ზოიძე