Batumelebi

საკონსტიტუციო სასამართლომ არაკონსტიტუციურად ცნო საქართველოს საარჩევნო კოდექსის ის ნორმები, რომლებიც ადგენდა 73 ერთმანდატიანი მაჟორტარული საარჩევნო ოლქის განსაზღვრის წესს. კერძოდ, სადავო ნორმების თანახმად, საპარლამენტო არჩევნებისათვის თითოეული მუნიციპალიტეტი, თბილისის გარდა, წარმოადგენდა ერთმანდატიან მაჟორიტარულ ოლქს, ხოლო თბილისში იქმნებოდა 10 მაჟორიტარული საარჩევნო ოლქი.

საკონსტიტუციო სასამართლომ მიუთითა, რომ მაჟორიტარული საარჩევნო ოლქების საზღვრების დადგენისას მხედველობაში უნდა იქნეს მიღებული მუნიციპალიტეტებში რეგისტრირებული ამომრჩევლების რაოდენობა, ხოლო სახელმწიფოს ძალისხმევა მიმართული უნდა იყოს, შეძლებისდაგვარად, თანაბარი საარჩევნო ოლქების ჩამოყალიბების უზრუნველსაყოფად.

მოსარჩელეების მოსაზრებით, მაჟორიტარულ საპარლამენტო არჩევნებში ამომრჩეველთა ხმები არ იყო თანაბარი ძალის მქონე. კერძოდ, საარჩევნო ოლქებში არ იყო რეგისტრირებული თანაბარი რაოდენობის ამომრჩეველი. აქედან გამომდინარე, სხვადასხვა ოლქებში რეგისტრირებულ ამომრჩევლებს არ ჰქონდათ შესაძლებლობა, რომ თანაბარი გავლენა მოეხდინათ არჩევნების შედეგებზე.

მაგალითად, საბურთალოს საარჩევნო ოლქში რეგისტრირებული 128 545 ამომრჩეველი ირჩევდა ერთ მაჟორიტარ დეპუტატს, იმ დროს, როდესაც, ყაზბეგის საარჩევნო ოლქში ერთ მაჟორიტარ დეპუტატს ირჩევდა მხოლოდ 5 810 ამომრჩეველი. ამდენად, ყაზბეგის ამომრჩევლის ხმა 22-ჯერ უფრო წონადი იყო, ვიდრე საბურთალოს საარჩევნო ოლქის ამომრჩევლის ხმა, რაც აშკარად მეტყველებდა სისტემის დისკრიმინაციულობაზე. მოსარჩელეები მიიჩნევდნენ, რომ ამომრჩეველთათვის არათანაბარი შესაძლებლობების მინიჭება, ერთი მხრივ, ეწინააღმდეგებოდა საქართველოს კონსტიტუციით გარანტირებულ თანასწორობის უფლებას, ხოლო, მეორე მხრივ, – საარჩევნო უფლებას. საქართველოს საკონსტიტუციო სასამართლომ მიუთითა საყოველთაო საარჩევნო უფლების მნიშვნელობაზე და განმარტა, რომ იგი, თავისთავად, არ მოითხოვს რომელიმე კონკრეტული საარჩევნო სისტემის მოდელის ჩამოყალიბებას, თუმცა აუცილებელია, არსებულმა საარჩევნო სისტემამ უზრუნველყოს ხალხის ნების თავისუფალი და თანასწორი ასახვა სახელმწიფო ხელისუფლების ორგანოების ფორმირების პროცესში. საქართველოს პარლამენტი უფლებამოსილია, თავად განსაზღვროს როგორც პროპორციული, ისე მაჟორიტარული საარჩევნო სისტემის მოდელები და თავისებურებები იმ პირობით, რომ ამ პროცესში დაცული იქნება საქართველოს მოქალაქეთა კონსტიტუციური უფლებები და თავისუფლებები. საკონსტიტუციო სასამართლოს განმარტებით საარჩევნო პროცესის ადმინისტრირებისას, წარმოიშობა ფაქტობრივი სირთულეები და, შესაძლოა, შეუძლებელი აღმოჩნდეს საარჩევნო ოლქების იმგვარი გადანაწილება, რომ ამომრჩევლების ხმებს აბსოლუტურად იდენტური „წონა“ ჰქონდეს. თუმცა, ხელისუფლება უნდა ცდილობდეს, რომ ასეთი უთანასწორობა მინიმუმამდე იქნეს დაყვანილი. ამასთანავე, სასამართლომ არ გამორიცხა, რომ გარკვეული რეგიონების სპეციფიკიდან გამომდინარე, კანონმდებელმა შემოიტანოს ტერიტორიული წარმომადგენლობის ელემენტები, ასევე, საარჩევნო ოლქების მუნიციპალურ ერთეულებზე მიბმა, შესაძლოა საარჩევნო ოლქების საზღვრებით მანიპულირების საფრთხის პრევენციასაც ისახავდეს მიზნად, თუმცა ამან არ უნდა გამოიწვიოს იმგვარი უთანასწორობა, რომ გარკვეულ ტერიტორიულ ერთეულებში რეგისტრირებული ამომრჩევლების ხმების გავლენა ზომაზე მეტად შემცირდეს. საქართველოს საკონსტიტუციო სასამართლომ დაადგინა, რომ სადავო ნორმების მიღებით საქართველოს პარლამენტმა საარჩევნო ოლქები მექანიკურად დაუკავშირა მუნიციპალიტეტებს, ისე, რომ არ გაითვალისწინა მუნიციპალიტეტებში რეგისტრირებული ამომრჩევლების რაოდენობა. საარჩევნო ოლქებში რეგისტრირებული ამომრჩევლების რაოდენობის შესწავლის შედეგად დადგინდა, რომ სხვადასხვა საარჩევნო ოლქში რეგისტრირებული იყო ამომრჩეველთა მკვეთრად განსხვავებული რაოდენობა. შესაბამისად, საარჩევნო ოლქები და მანდატები იმგვარად იყო გადანაწილებული, რომ ერთ ოლქში რეგისტრირებული ამომრჩევლის ხმა რამდენჯერმე უფრო მეტად „ფასობდა“ ვიდრე – მეორე ოლქში რეგისტრირებული ამომრჩევლის, რამაც გამოიწვია მნიშვნელოვანი გადახრა ხმათა თანაბრობის პრინციპიდან და არათანაზომიერად დაამცრო ამომრჩეველთა დიდი ნაწილის გავლენა საარჩევნო პროცესებზე. ყოველივე ზემოაღნიშნულის გათვალისწინებით, საკონსტიტუციო სასამართლომ საქართველოს საარჩევნო კოდექსის სადავოდ გამხდარი ნორმები არაკონსტიტუციურად ცნო საქართველოს კონსტიტუციის მე-14 მუხლთან (თანასწორობის უფლება) და 28-ე მუხლის პირველ პუნქტთან (საყოველთაო საარჩევნო უფლება) მიმართებით.

კონფერენციის მიზანია, ხელი შეუწყოს მოზარდთა ცნობიერების ამაღლებას ცხოვრების ჯანსაღი წესისა და ჯანმრთელობის დაცვის საკითხებთან დაკავშირებით.

კონფერენციაზე წარმოდგენილი იქნება შემდეგი თემები:

• სწორი კვება
• წყალი
• თამბაქო
• C ჰეპატიტი

კონფერენციის ფარგლებში პრეზენტაციებს წარმოადგენენ: ბათუმის №1, N2, საჯარო სკოლების, ჭარნალის საჯარო სკოლის, ქობულეთის N6 საშუალო სკოლის, წმ. ანდრია პირველწოდებულის სახელობის სკოლის VII – XI კლასის მოსწავლეები.

კონფერენციის მონაწილეებს გადაეცემათ სუვენირები და სამახსოვრო საჩუქრები.

კონფერენციის მხარდამჭერები არიან: აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო, აჭარის ავტონომიური რესპუბლიკის განათლებისა და კულტურის სამინისტრო, ბათუმის, ქიბულეთისა და ხელვაჩაურის განათლების რესურსცენტრები.

კონფერენციის ორგანიზატორია აჭარის ავტონომიური რესპუბლიკის სსიპ საზოგადოებრივი ჯანდაცვის ცენტრი.

ჟურნალისტი ზვიად ქორიძე ერთ-ერთი მათგანია, ვინც საკონსტიტუციო სასამართლოში კანონის იმ ნორმას ასაჩივრებს, რომლის საფუძველზე შს სამინისტრო მოქალაქეებს ფარულად უსმენს.

„ჩვენ გვაქვს იმის პრაქტიკა, რომ ქვეყანაში მოსამართლის ნებართვის გარეშე იწერდნენ მოქალაქეების სატელეფონო საუბრებს, ეცნობოდნენ მიმოწერებს, რომელიც ელექტრონული ფოსტით ან სოციალური ქსელებით ვრცელდებოდა. ეს ფაქტია. როგორ უნდა განადგურდეს ფარული ჩანაწერები, აი ესეც გვინდოდა, რომ ყოფილიყო დაცული და მიახლოებული ევროპულ სტანდარტებთან. ჩვენ მიგვაჩნია, რომ ახალი კანონით მოქალაქეების კონსტიტუციით გარანტირებული უფლება არ არის გათვალისწინებული “, _ ამბობს ზვიად ქორიძე.
ზვიად ქორიძის თქმით, შს სამინისტროს კანონით აქვს ფარული თვალთვალის უფლება, ხოლო პერსონალურ მონაცემთა დაცვის ინსპექტორს, რომელიც ვალდებულია ეს პროცესი გააკონტროლოს, ამის არანაირი მექანიზმი არ გააჩნია: „აი, აქ არის საკანონმდებლო ხარვეზი, რომელიც რისკის ქვეშ აყენებს მოქალაქეების პირადი ცხოვრების ხელშეუხებლობის უფლებას. ამიტომ მიგვაჩნია, რომ ეს საკანონმდებლო ჩანაწერი კონსტიტუციასთან შეუსაბამოა”.

“პერსონალურ მონაცემთა დაცვის ინსპექტორი”, ანუ ახალი სამთავრობო უწყება 2013 წელს შეიქმნა საქართველოში. მისი მოვალეობაა მოქალაქეთა პირადი მონაცემების ხელშეუხებლობის დაცვა. თუმცა, პერსონალურ მონაცემთა დაცვის ინსპექტორის ძალაუფლება არ არის საკმარისი შინაგან საქმეთა სამინისტროს მიერ ელექტრონულ კომუნიკაციებზე სისტემატური უკანონო თვალთვალის შესაჩერებლად – ეს პოზიცია აქვს არასამთავრობო სექტორს.
პერსონალურ მონაცემთა დაცვის ინსპექტორი თამარ ქალდანი თანამდებობაზე პრემიერ-მინისტრის ბრძანებით დაინიშნა (2013 წლამდე ის ფონდი “ღია საზოგადოება საქართველოს” აღმასრულებელი დირექტორის მოადგილე იყო-ავტ). “საინტერესო ის არის, რომ პერსონალურ მონაცემთა დაცვის ინსპექცია რა მექანიზმითაც აკონტროლებს შინაგან საქმეთა სამინისტროს, ეს სისტემა შექმნილია შინაგან საქმეთა სამინისტროს მიერ, – ამბობს ლიკა საჯაია, „საერთაშორისო გამჭვირვალობა-საქართველოს” საპარლამენტო მდივანი.

ლიკა საჯაიას ინფორმაციით, პერსონალურ მონაცემთა დაცვის ინსპექტორი ყველა ქვეყანაში არის მაკონტროლებელი, საქართველოში კი ეს უწყება პროცესის მონაწილეა: „ყველა განვითარებულ ქვეყანაში [ევროპის უმრავლესობაში] სამართალდამცავი მიდის სასამართლო განჩინებით კომუნიკაციის კომპანიაში და კომპანია უშვებს მას მოსმენებზე. ანუ ე.წ. მოსმენების გასაღები ყველგან კომუნიკაციების კომპანიებს აქვთ. შვეიცარიაში არსებობს დამოუკიდებელი სტრუქტურა, რომელიც არ აწარმოებს გამოძიებას, არ არის სახელმწიფო სტრუქტურა და მის ხელშია გასაღები. შს სამინისტრო არის დაინტერესებული მხარე, რაც უფრო მეტი ინფორმაცია ექნება, მით უფრო მარტივად გახსნის დანაშაულს. არ ვისაუბროთ იმაზე, რომ შეიძლება სხვა მიზნებისთვის გამოიყენონ ფარული ჩანაწერები, მაგალითად, შანტაჟისთვის. არც ერთ დემოკრატიულ ქვეყანაში არაა მოსმენების გასაღები იმის ხელში, ვინც პროფესიულად არის დაინტერესებული, რომ მიიღოს რაც შეიძლება მეტი ინფორმაცია. ეს ჰგავს იმას, მგელს ცხვარი მივაბაროთ”.

“ახალგაზრდა იურისტთა ასოციაციის” იურისტის გიორგი გოცირიძის აზრით, არ შეიძლება გასაღები ჰქონდეს უწყებას, რომელიც დაინტერესებულია დანაშაულის გახსნით: `ეს ინტერესი აიძულებს მას უკანონო ქმედებას. მას სულ ექნება ცდუნება ნახოს მეტი, გააკონტროლოს მეტი დანაშაულის გახსნისთვის”.

გიორგი გოცირიძეც ეთანხმება ლიკა საჯაიას და ამბობს, რომ ფარული მოსმენის უფლება უნდა ჰქონდეს დამოუკიდებელ უწყებას, რომელსაც გამოძიების ინტერესი არ აქვს. ასეთ უწყებად ვახტანგ ხმალაძე კომუნიკაციის ეროვნულ კომისიას მოიაზრებდა, მაგრამ კანონპროექტი პარლამენტის უმრავლესობამ დაიწუნა.

თუ საკონსტიტუციო სასამართლო დააკმაყოფილებს არასამთავრობო ორგანიზაციებისა და მოქალაქეების ერთი ნაწილის სარჩელს, მაშინ კანონი მოსმენებისა და ფარული მიყურადების შესახებ გაუქმდება, პარლამენტი კი იძულებული იქნება, მოსმენების უფლება სხვა უწყებას მიანიჭოს.
„საერთაშორისო გამჭვირვალობის” საპარლამენტო მდივანი ლიკა საჯაია „ბათუმელებთან” ამბობს, რომ არის ორი მთავარი საკითხი, რასაც საკონსტიტუციო სასამართლოში ასაჩივრებენ: 1. კანონის ნორმა, რაც შინაგან საქმეთა სამინისტროს აძლევს შესაძლებლობას მობილური კომპანიებისა თუ ინტერნეტპროვაიდერებიდან იღებდეს ინფორმაციას შეუზღუდავად. 2. მონაცემთა ბანკები. შინაგან საქმეთა სამინისტრო, მონაცემთა ბანკში შენახულ ყველა ინფორმაციას – აბონენტის მიერ განხორციელებული ყველა ზარი, რამდენი ხანი ან სად ისაუბრა, რომელ საიტებზე შევიდა და სად იმყოფება – აკოპირებს ყოველგვარი ნებართვის გარეშე. მას სასამართლო ნებართვა მაშინ სჭირდება, თუ ამ ინფორმაციის გამოყენება უნდა სასამართლოში”.

არსებული კანონით კონკრეტული სამართალდამცავის კეთილსინდისიერებაზეა დამოკიდებული, ვის მოუსმენენ და ვის – არა. ეს იმას ნიშნავს, რომ არამხოლოდ დანაშაულში „ეჭვმიტანილი“ ადამიანის, არამედ ნებისმიერი პირის პირად ინფორმაციაზე წვდომის კანონიერი უფლება აქვს შს სამინისტროს: “ინფორმაცია უდევთ უჯრაში. სიტყვაზე თუ ვენდობით, ამ ინფორმაციას სასამართლო ნებართვის გარეშე არ იყენებენ”.
საკონსტიტუციო სასამართლოში პარლამენტს სახალხო დამცველიც უჩივის. უჩა ნანუაშვილის მოადგილე ნათია კაციტაძე „ბათუმელებთან” ამბობს, რომ საკონსტიტუციო სასამართლოში სახალხო დამცველი ელექტრონული კომუნიკაციების შესახებ კანონის ჩანაწერს ასაჩივრებს: „ვფიქრობთ, რომ სამართალდამცავი უწყებების მიერ მონაცემების შენახვა ორი წლის ვადით არის პრობლემური, ვინაიდან ის არღვევს პირადი ცხოვრების ხელშეუხებლობის უფლებას”.

„ბათუმელების”  ხელთ არსებული დოკუმენტის თანახმად, საქართველოში ფარულ თვალთვალზე პირველი ინსტანციის სასამართლოებმა შარშან 2 555 შუამდგომლობა განიხილეს, 2015 წლის ოთხ თვეში კი – 753. ეს სტატისტიკა რედაქციას უზენაესმა სასამართლომ მოაწოდა. “ეს ძალიან დიდი ციფრია. როცა მოსმენების კანონზე ვმუშაოდით, ევროპელმა კონსულტანტებმა გვითხრეს, რომ, მაგალითად, გერმანიაში წელიწადში 200-მდე შუამდგომლობაა ფარული მიყურადების ნებართვის მისაღებად”, – ამბობს ლიკა საჯაია.

პარლამენტის მიერ მიღებული კანონის მიხედვით, საგამოძიებო უწყებებს აქვთ უფლება, ნებისმიერ ადამიანს უთვალთვალონ ფარულად. იმავე კანონის თანახმად, საგამოძიებო უწყება ვალდებულია ერთი წლის განმავლობაში უთხრას ადამიანს, რომ მას ფარულად უთვალთვალებდნენ. ასეთი ფაქტი – როცა ადამიანს აცნობეს, რომ მას ფარულად უთვალთვალებდნენ, ჯერჯერობით, არ ყოფილა. ბათუმის საქალაქო სასამართლოს პრაქტიკაში არც ისეთი საქმე ყოფილა, რომ მოქალაქეს საგამოძიებო უწყებების ფარული მიყურადება გაესაჩივრებინოს. ამას ერთი ახსნა აქვს -შეუძლებელია მოქალაქემ სასამართლოს გზით დაადასტუროს, რომ მას უთვალთვალებდნენ.

პროექტი – „იგრძენი ბათუმის გულისცემა“  – ევროპის კომისიის „ერასმუს+-ის“ და აჭარის სპორტისა და ახალგაზრდობის საქმეთა დეპარტამენტის მხარდაჭერით ხორციელდება.

„იგრძენი ბათუმის გულისცემა“ ახალგაზრდული გაცვლითი პროგრამაა, რომელიც იმართება ევროპის კომისიის „ერასმუს+-ის“ პროგრამის ფარგლებში და მასში საქართველოსთან ერთად 36 უცხოელი მუსიკოსი მონაწილეობს. პროექტში ჩართულია ჩეხეთი, ესტონეთი, ლიტვა, უკრაინა, სომხეთი და საქართველო.

უცხოელ მონაწილეებს საქართველოდან 160 მუსიკოსი შეუერთდება, რომლებიც წინასწარი რეგისტრაციის მეშვეობით შეირჩნენ.

კონცერტების გასამართად ბათუმში მოეწყობა 5  სცენა:  ბათუმის ბულვარში, ცენტრალურ შესასვლელში; პიაცაზე;  ევროპის მოედანზე;  მ. აბაშიძის გამზირზე  კინოთეატრ „აპოლოსთან“ და საჯარო ბიბლიოთეკის სკვერის  მიმდებარე ტერიტორიაზე – ვაჟა-ფშაველასა და აბაშიძის ქუჩების კვეთაში. 

კონცერტებზე დასწრება თავისუფალია.

პროექტის მიზანია ქუჩის მუსიკის პოპულარიზაცია, ქართველი და უცხოელი ახალგაზრდა არტისტების დამეგობრება, საქართველოსა და მოწვეულ ქვეყნებს შორის კულტურული ურთიერთობების გაღრმავება და საერთო კულტურული პროგრამების ორგანიზება.

ახალგაზრდულ გაცვლით პროგრამას და ფესტივალს ორგანიზებას უწევს ახალგაზრდული ასოციაცია „დრონი“ და კომპანია EREDELI’s Art.   

EREDELI’s Art  ახალგაზრდულ, კულტურულ-შემეცნებითი პროექტების და ფესტივალების განმახროციელებელი ორგანიზაცია. კომპანიას უკევ განხორციელებული აქვს რამდენიმე ფესტივალი. მათ შორის: „Black Sea Sound“, „Kobuleti Summer Fest“, „Healthy World DJ Fest”.

პროექტი ხორციელდება “დემოკრატიის მხარდამჭერი ნაციონალურ ფონდის” (NED) დაფინანსებით.

ბათუმის მერიის პრესსამსახურის ცნობით, ბიუსტის ავტორია დავით ბოლქვაძე. წინასწარი ინფორმაციით სამუშაოები 15 ივნისამდე დასრულდება. ბიუსტისათვის ქალაქის ბიუჯეტიდან 65 ათასი ლარი დაიხარჯება.  

სელიმ ხიმშიაშვილის ძეგლის დადგმის მოთხოვნით ფეისბუქზე გვერდიც კი იყო შექმნილი – „აჭარას სჭირდება სელიმ ხიმშიაშვილის ძეგლი“, რომლის წევრებიც ძეგლის დადგმის მოთხოვნას უერთდებოდნენ. 

3 ივნისს აჭარაში „სელიმობა“ აღინიშნება, სახალხო დღესასწაული, რომელსაც ტრადიციულად ხულოში აღნიშნავენ. 

მსვლელობა საღამოს 8-ის ნახევარზე, ანბანის კოშკიდან დაიწყება. როგორც ღონისძიების ფეისბუქგვერდზეა აღნიშნული, მსვლელობა იქნება ხალისიანი და მსვლელობის უსაფრთხოებისათვის გამოყოფილი იქნება საპატრულო მანქანები. 

მარშრუტის სიგრძეა 7.5 კილომეტრი.

ველომსვლელობა, Critical Mass,  ყოველთვიურად იმართება მსოფლიოს ბევრი დიდი ქალაქის ქუჩებში  ყოველი თვის ბოლო პარასკევს. ჩვეულებისამებრ ტარდება როგორც სპონტანური შეკრება, დღესასწაული და არა როგორც ორგანიზებული პროტესტი ან დემონსტრაცია. ჯგუფური მსვლელობის მიზანია, გააგებინონ ავტომანქანის მფლობელებს, რომ ველოსიპედისტებს სჭირდებათ უსაფრთხო სივრცე.  

ნებისმიერ ველოსიპედისტს შეუძლია შეუერთდეს მსვლელობას. 

გამარჯვებული მონაწილეები ქედის მუნიციპალიტეტის გამგებელმა დავით დუმბაძემ სიგელითა და საჩუქრებით დააჯილდოვა.

„ყველაზე დიდი დღესასწაული, რაც ქართველ ერს საერო დღესასწაულთა შორის გვაქვს, ეს არის დამოუკიდებლობის დღე. მინდა მივულოცო თითოეულ ქართველს, წარმატება და გამთლიანებულ საქართველოში ცხოვრება ვუსურვო“ – განაცხადა დავით დუმბაძემ.

„ყველას მივულოცავ დღევანდელ დღეს, 26 მაისი ბრწყინვალე დღესასწაულია, დღესასწაულს ჩვენი ახალგაზრდობა შეუერთდა, ჩატარდა მარათონული რბენა და შეჯიბრი ბირთვის ტყორცნაში, მარათონში გამარჯვება ქედის სკოლის სამმა მოსწავლემ მოიპოვა. რაც შეეხება ბირთვის ტყორცნას, აქაც პირველ და მესამე ადგილზე დაბა ქედა გავიდა, ხოლო მეორე ადგილის მფლობელი ვაიოს სკოლის მოსწავლე გახდა, ძალიან მნიშვნელოვანია მსგავსი ღონისძიებების ჩატარება, ახალგაზრდებისთვის სტიმულის მიმცემია“ – აღნიშნა დაბა ქედის საჯარო სკოლის სპორტის მასწავლებელმა ნანული სამნიძემ.

სპორტული ღონისძიების შემდეგ ღია ცის ქვეშ, გამარჯვების პარკში, ქედის კულტურის ცენტრის ორგანიზებით კონცერტი გაიმართა.

დამოუკიდებლობის დღისადმი მიძღვნილი ღონისძიება ღია ცის ქვეშ ქედაში წელს მეექვსედ იზეიმეს.

ხულოს გამგებლის ბესიკ ბაუჩიძის თქმით, მორიგე სასწრაფო დახმარების მანქანა მოქალაქემ თვითნებურად წაიყვანა, ხუთასამდე მეტრი გაიარა, კედელს შეეჯახა და სანიაღვრე არხში ჩავარდა.  

 ამჟამად შპს „გაზეთი ბათუმელები“ გამოსცემს 16-გვერდიან ყოველკვირეულ გაზეთს,  აქვს ახალი ამბების ქართულენოვანი ვებგვერდი www.netgazeti.ge, რომლის ოფისი თბილისში მდებარეობს და ლოკალური ახალი ამბების ვებგვერდი – www. batumelebi.ge.  სხვადასხვა დროს განხორციელებული პროექტებია „პრესკაფე და სადისკუსიო კლუბი” და “ბათუმელების” მედიასკოლა.

გაზეთის სლოგანია – „შენ გაქვს უფლება იცოდე”. დაარსებიდან დღემდე არ შეცვლილან გაზეთის დამფუძნებლები და გამოცემის პოლიტიკა – „ბათუმელები“ დღემდე მწვავე სოციალური და პოლიტიკური საკითხების გაშუქებაზეა ორიენტირებული.  

სხვადასხვა დროს გაზეთმა მიიღო გერმანული ფონდ ცაიტის და ნორვეგიულ გამოხატვის თავისუფლების ფონდის პრემია „პრესის თავისუფლების პრიზი” და პრიზი ორგანიზაციისაგან „რეპორტიორები საზღვრებს გარეშე” გაზეთში გამოქვეყნებული საგამოძიებო სტატიების გამო. წელს კი შპს „გაზეთ ბათუმელების“ გამოცემა netgazeti.ge პრესის ევროპული ჯილდოს მფლობელი გახდა. 

შპს გაზეთი „ბათუმელები“ თანამშრომლობს შემდეგ ფონდებთან:  ფონდი „ღია საზოგადოება საქართველო“; ინტერნიუსი; IREX; IWPR; ევრაზიის ფონდი, National Endowment for Democracy (NED), PRESS NOW, ბიოლის ფონდი. 

ყველაზე დიდი ინვესტიცია გაზეთ „ბათუმელებში“ „ღია საზოგადოება საქართველომ“ განახორციელა, რომლის დახმარებითაც 2007 წელს გაზეთმა შეიძინა რედაქცია, ხოლო 2010 წელს  ფონდის მხარდაჭერით ამუშავდა ახალი ამბების ნაციონალური  ვებგამოცემა netgazeti.ge 

2009 წლიდან შპს „ბათუმელების“ პარტნიორია ჩეხური კომპანია Sourcefabric, რომლის მხარდაჭერით შექმნა www.batumelebi.ge 2012 წელს. 

შპს “გაზეთი ბათუმელები” არის ნიუ იორკში დაფუძნებული მედიის განვითარების ინვესტიციების ფონდის (MDIF) კლიენტი. ეს ორგანიზაცია კომპანიის მენეჯმენტს კონსულტაციებს უწევს დღემდე. 

2014 წელს გაზეთმა გამოსცა პირველი წიგნი, „მოგზაურობა ძველ ბათუმში“, გაზეთ „ბათუმელებში“ სხვადასხვა დროს გამოქვეყნებული სტატიების და ფოტოებს კრებული ძველ ბათუმზე, ამჟამად კი მუშაობს კიდევ ერთი წიგნის გამოცემაზე – „ბათომი” ასე ეწოდება კრებულს, სადაც ბათუმელი ფოტოკოლექციონერისა და საზოგადოება „ბათომის“ დამფუძნებლის, შოთა გუჯაბიძის სტატიები იქნება თავმოყრილი. წიგნი უნიკალური ფოტომასალითაა დასურათებული. 

კომპანია ასევე მუშაობს ტურისტული-საინფორმაციო-სარეკლამო, ორენოვანი (ქართულ-ინგლისური) ჟურნალის, ბათუმის გზამკვლევის გამოცემაზე.  

გაზეთ „ბათუმელების” გამოწერა  შეგიძლიათ როგორც ბათუმში, ისე საქართველოს სხვა ქალაქებში, მათ შორის თბილისშიც.  გამოწერა შესაძლებელია  ტელეფონით: (0422) 27 99 12; ხელმომწერები გაზეთს მიიღებენ მათთვის სასურველ მისამართზე, სახლში/სამსახურში. ხელმოწერის წლიური ფასი: 50 ლარი. ხელმომწერები ასევე საჩუქრად მიღებენ წიგნს „ბათომი“. ამ წიგნს მკითხველი უახლეს მომავალში მიიღებს. 

გახდით ჩვენი ხელმომწერი და დაგვიმეგობრდით ფეისბუქზე 

ოლიმპიური ცეცხლის ანთების და გადაცემის ცერემონია დღეს, 26 მაისს, პანათენაიკოსის სტადიონზე სპეციალური რიტუალით მოხდა. მისი საზეიმო დახვედრა ბათუმში მოეწყობა, საიდანაც დაიწყება ცეცხლის მაშტაბური ესტაფეტა. 

 დღეს ოლიმპიური ჩირაღდნის მისაღებად ბათუმში საზეიმო ღონისძიება გაიმართება, ხვალდან კი ჩირაღდანი სამხრეთიდან აღმოსავლეთის მიმართულებით გადაინაცვლებს და ორი თვის განმავლობაში საქართველოს 67 რაიონსა და ქალაქს შემოივლის: ბათუმიდან გადაინაცვლებს ხელვაჩაურში, ქედაში, შუახევში ხულოში,  ადიგენში, ახალციხეში, ასპინძაში, ახალქალაქში, ნინოწმინდაში, წალკაში, თეთრიწყაროში, დმანისში, ბოლნისში, მარნეულში, გარდაბანში, რუსთავში, საგარეჯოში, დედოფლისწყაროში, სიღნაღში, ლაგოდეხში, ყვარელში, გურჯაანში, თელავში, ახმეტაში, ჩარგალში, ყაზბეგში, ფასანაურში, თიანეთში, დუშეთში, მცხეთაში, კასპში, გორში, ქარელში, ბორჯომში, ხაშურში, საჩხერეში, ჭიათურაში, ზესტაფონში, თერჯოლაში, ტყიბულში, ამბროლაურში, ონში, ცაგერში, ლენტეხში, წყალტუბოში, ქუთაისში, ბაღდათში, ვანში, ხონში, სამტრედიაში, ჩოხატაურში, ოზურგეთში, ლანჩხუთში, ფოთში,  ხობში, სენაკში, აბაშაში, მარტვილში, ჩხოროწყუში, ზუგდიდში, ანაკლიაში, წალენჯიხაში, მესტიაში, უშგულში, ქობულეთში, თბილისში.

ოლიმპიურ ცეცხლს საქართველოში სულ 700 მეჩირაღდნე შემოატარებს. 

ევროპის ახალგაზრდული ოლიმპიადა თბილისში 26 ივლისიდან პირველ აგვისტომდე გაიმართება. მასში 49 ქვეყნის 3800 სპორტსმენი  იღებს მონაწილეობას. 

ოლიმპიადის თბილისში ჩატარების საკითხი 2010 წელს ბელგრადში გამართულ ევროპის ოლიმპიური კომიტეტების რიგით 39-ე გენერალური ასამბლეაზე გადაწყდა, როცა ორ კანდიდატ ქალაქს, თბილისსა და ბრნოს (ჩეხეთი) არჩევანი თბილისის სასარგებლოდ დასრულდა.