Batumelebi | „ქართულ-აფხაზური საგას“ ღონისძიებაზე არჩილ ხაბაძე და ვახტანგ ყოლბაია არ მივიდნენ „ქართულ-აფხაზური საგას“ ღონისძიებაზე არჩილ ხაბაძე და ვახტანგ ყოლბაია არ მივიდნენ – Batumelebi
RU | GE  

„ქართულ-აფხაზური საგას“ ღონისძიებაზე არჩილ ხაბაძე და ვახტანგ ყოლბაია არ მივიდნენ

 

აჭარის მთავრობის თავმჯდომარე არჩილ ხაბაძე და აფხაზეთის მთავრობის თავმჯდომარე ვახტანგ ყოლბაია „ქართულ-აფხაზური საგას“ მიერ ორგანიზებულ ღონისძიებაზე არ მივიდნენ. შეხვედრას მხოლოდ აფხაზეთის მთავრობის წარმომადგენელი, აფხაზეთის განათლებისა და კულტურის მინისტრი, მსახიობი დიმა ჯაიანი  ესწრებოდა.  

ნათელა დუმბაძეს და ადა ქუთელიას საპატიო სიგელი გადასცეს

„გუშინ თბილისში ეთნოგრაფიულ მუზეუმში „აფხაზეთობა“ აღინიშნა. მე ვიცი, რომ აჭარაში მუჰაჯირობას გადარჩენილი აფხაზები ცხოვრობენ და მათ ოჯახებს ქართულ-აფხაზურს და აფხაზურ-ქართულს, დიდი სიყვარულით მივესალმები.

მე მაინც მგონია, რომ ჩვენ აფხაზეთში დაბრუნება გვიწერია. სანამ აფხაზეთს დავიბრუნებთ, მანამდე თითო აფხაზი უნდა დავიბრუნოთ და ვიცი, რომ ასეთი დღე დაუდგება საქართველოს და აფხაზეთს. არ შეიძლება ჩვენ ერთად არ ვიყოთ“, – განაცხადა მან.

ღონისძიებაზე აფხაზეთის მთავრობის სახელით, „ქართულ-აფხაზური საგას“ ხელმძღვანელს ნათელა დუმბაძეს და ქართულ-აფხაზური საკვირაო სკოლის პედაგოგს, ადა ქუთელიას ქართულ-აფხაზური ურთიერთობების დარეგულირების ნდობის აღდგენისა და შერიგების პროცესში აქტიური მონაწილეობისთვის საპატიო სიგელები გადასცეს.

მოსწავლეებმა წარმოადგინეს  პერფორმანსი – „ჩვენ დავბრუნდებით“.

შეხვედრას აჭარის უმაღლესი საბჭოს თავმჯდომარე ავთანდილ ბერიძე ესწრებოდა.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე