კვირის განმავლობაში გადაღებული პარკირების წესების დარღვევის შემთხვევები:
2015-09-18 დღის სტატისტიკა – ბათუმში პარკირების წესების დარღვევაზე
პოლიციელის მკვლელობაში ბრალდებულის განაჩენი
შსს-ს აჭარის მთავარი სამმართველოს თანამშრომლებმა რამაზ დევაძე ბათუმის საქალაქო სამმართველოს მეშვიდე განყოფილების უმცროს-ინსპექტორის განზრახ მკვლელობის ბრალდებით დააკავეს.
გამოძიების ვერსიით, ბრალდებულმა 27 დეკემბერს, ღამის საათებში, ბათუმში, ერთ-ერთ კლუბში, ცეცხლსასროლი იარაღის გამოყენებით თავის არეში სასიკვდილო ჭრილობა მიაყენა შსს-ს აჭარის მთავარი სამმართველოს ბათუმის საქალაქო სამმართველოს მეშვიდე განყოფილების უმცროს ინსპექტორს, 1992 წელს დაბადებულ თარაშ მუკბანიანს, რომელიც არ ასრულებდა სამსახურებრივ მოვალეობას. პოლიციელი მიყენებული ჭრილობის შედეგად ადგილზე გარდაიცვალა.
გასულ კვირას ბათუმის საქალაქო სასამართლოში პროკურორმა რამაზ შავაძემ მკვლელობის ადგილიდან ამოღებული სათვალთვალო კამერების ჩანაწერი გაასაჯაროვა.
კადრებში არსად ჩანდა, რომ რამაზ დევაძე თარაშ მუკბანიანს მიჯრით ესვრის. თავის დროზე მედია სწორედ მიჯრით სროლაზე ავრცელებდა ინფორმაციას. ზოგადად, სროლის კადრებიც ძალიან ბუნდოვანია. ყოველ შემთხვევაში, კადრებზე, რომელზეც პროკურორი ამბობდა, რომ ეს იყო სასიკვდილო გასროლა, ადვოკატები არ ეთანხმებოდნენ და ამბობდნენ, რომ „აქ არ ჩანს სროლა“.
პირველად იარაღი ძალიან მკვეთრად ჩნდება გარდაცვლილი პოლიციელის – თარაშ მუკბანიანის ხელში. კადრებიდან ასევე ნათლად ჩანს, რომ მეორე სართულზე, კიბის უჯრედთან ახლოს მყოფი თარაშ მუკბანიანი ძალიან მთვრალია და ცეკვავს გოგოსთან ერთად. ამ დროს რამდენიმე მამაკაცი გაივლის ზუსტად იმ დერეფანში, სადაც თარაშ მუკბანიანი ცეკვავს. ეს მოძრაობა თანდათან გადადის ჩოჩქოლში და შეხლა-შემოხლაში. სწორედ ამ დროს ჩნდება პირველად თარაშ მუკბანიანის ხელში იარაღი.
თარაშ მუკბანიანი იარაღს რამდენიმე ადამიანს უმიზნებს. რამაზ დევაძეს ის ზურგიდან ჰყავს შებოჭილი და საფეხურებით პირველ სართულზე ამ დროს პოლიციელს, რომელიც სამსახურებრივ მოვალეობას არ ასრულებდა, იარაღიანი ხელი ისევ თავისუფალი აქვს.
პირველი სართულის დერეფანი სათანადოდ არ არის განათებული, ამიტომ 100%-იანი სიზუსტით შეუძლებელია იმის თქმა, საფეხურებზე თარაშ მუკბანიანის ჩაყვანის შემდეგ იქ რა ხდება ან ვინ ვის ესვრის.
კადრში ასევე მკვეთრად ჩანს, რომ იარაღი, რომელიც თავის დროზე თარაშ მუკბანიანს ეჭირა ხელში, პირველი სართულის კადრებში რამაზ დევაძის ხელშია. თარაშ მუკბანიანი კი იატაკზე წევს.
პოლიციელის დაღუპვის მიზეზი უცნობია
შს სამინისტროს საზოგადოებასთან ურთიერთობის სამსახურის ინფორმაციით, საპატრულო პლიციის თანამშრომელი რამაზ დევაძე გუშინ, 30 მაიისს სამსახურეობრივი მოვალეობის შესრულების დროს გარდაიცალა და ის პოლიციის დღისადმი მიძღვნილ ღონისძიებაზე არ იმყოფებოდა.
რამაზ დევაძეს საპატრულო პოლიციაში პატრულ-ინსპექტორის თანამდებობა ეკავა.
გარდაცვალების მიზეზი უცნობია. გამოძიება სისხლის სამართლის კოდექსის 115-ე მუხლით – თვითმკვლელობამდე მიყვანას – მიმდინარეობს.
სასტუმრო ინტურისტმა 70 – მდე თანამშრომელი დაითხოვა
„ისინი წინასწარ არ გაგვიფრთხილებია გათავისუფლებაზე, რადგან გამოსაცდელი ვადით იყვნენ აყვანილები და ხელშეკრულება ითვალისწინებდა ამის შესაძლებლობას. რეორგანიზაცია ითვალისწინებს პერსონალის რაოდენობის შემცირებას, რაც იმას ნიშნავს, რომ მათი ჩანაცვლება არ მოხდება. თუ მომავალში დაგვჭირდება პერსონალის დამატება, სასტუმროს ხელმძღვანელობა შესაბამის გადაწყვეტილებას მიიღებს.“ – განუმარტეს „ბათუმელებს“ სატელეფონო საუბარში.
ტრეფიკინგის პრევენციის მიზნით ბათუმში საინფორმაციო კამპანია დაიწყო
პროექტის მიზანია, ადამიანით ვაჭრობის (ტრეფიკინგი) შესახებ საზოგადოების ცნობიერების ამაღლება, მოსალოდნელი საფრთხეების შესახებ მათი ინფორმირება და რისკების თავიდან აცილების საშუალებების გაცნობა.
პირველი საინფორმაციო შეხვედრა ადვოკატთა ასოციაციის ოფისში გაიმართა და მას სხვადასხვა უმაღლესი სასწავლებლის სტუდენტები ესწრებოდნენ. შეხვედრაზე განიხილეს იმ ქვეყნების მაგალითები, სადაც ყველაზე აქტუალურია ტრეფიკინგის თემა და მისი გამომწვევი მიზეზები. იუსტიციის სამინისტროს ინფორმაციით, სტუდენტებს მიეწოდათ ინფორმაცია საქართველოში მოქმედი საკონონმდებლო ბაზისა და სამოქმედო გეგმის შესახებ.
პროექტს – „ჩვენ ვუთხარით არა ტრეფიკინგს“ „სამოქალაქო ინიციატივების ახალგაზრდული ცენტრი – მომავალი“ ახორციელებს.
ტრეფიკინგის პრევენციისთვის აჭარაში სხვადასხვა სახის საინფორმაციო ღონისძიება ჩატარდება, რომლებზეც მსმენელებს განუმარტავენ, როგორ დაიცვან თავი, რათა არ იქცნენ ადამიანით ვაჭრობის მსხვერპლად; აუხსნიან იმასაც, თუ როგორ ებრძვის სახელმწიფო ტრეფიკინგს, რა სანქციებია გათვალისწინებული დამნაშავისთვის და რა დახმარებას სთავაზობს სახელმწიფო დანაშაულის მსხვერპლსა და დაზარალებულს.
პროექტი 16 ოქტომბერს დასრულდება.
იანვარ-აგვისტოს დანაშაულის სტატისტიკა [ინფოგრაფიკა]
საინვესტიციო ფორუმი „ბათუმი 2015“ დაიწყო
ფორუმი აჭარის მთავრობის, საქართველოს ეროვნული საინვესტიციო სააგენტოსა და უძრავი ქონების კომერციული საკონსულტაციო კომპანიის “Cushman & Wakefield | Veritas Brown”-ის ორგანიზებით იმართება.
აჭარის ფინანსთა და ეკონომიკის სამინისტროს ინფორმაციით, ფორუმს 15 ქვეყნის 250 წარმომადგენელი და რეგიონში არსებული წამყვანი კომპანიის ხელმძღვანელი პირი ესწრება. კომპანიები უმეტესად ენერგეტიკის, ტურიზმის,უძრავი ქონების, სოფლის მეურნეობისა და გადამამუშავებელი მრეწველობის სექტორებიდან არიან.
ღონისძიებას საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი, აჭარის მთავრობის თავმჯდომარე არჩილ ხაბაძე და სხვა ოფიციალური პირები ესწრებიან. წინასწარი ინფორმაციით ღონისძიებას პრემიერი ირაკლი ღარიბაშვილიც უნდა დასწრებოდა, თუმცა პრემიერი ღონისძიებაზე არ გამოჩენილა.
აჭარის ფინანსთა და ეკონომიკის სამინისტროს პრესსამსახურის ინფორმაციით, ფორუმის მონაწილეებს სხვადასხვა პრიორიტეტული საინვესტიციო სექტორებისა და საქართველოს საინვესტიციო გარემოს შესახებ ინფორმაციას, სპეციალური პრეზენტაციის სახით, საქართველოს ეროვნული საინვესტიციო სააგენტოსა და აჭარის ფინანსთა და ეკონომიკის სამინისტროს წარმომადგენლები მიაწვდიან.
ფორუმის ფარგლებში გაიმართება, ასევე, დისკუსია თემაზე „ბიზნესის კეთება საქართველოში – წვდომა ფინანსებზე“ , რომლის მონაწილეებიც EBRD-ს რეგიონალური ოფისის, საპარტნიორო ფონდის, მეწარმეობის განვითარების სააგენტოსა და საქართველოს თანაინვესტირების ფონდის ხელმძღვანელები იქნებიან.
ღონისძიების დასკვნით ნაწილში ფორუმი მონაწილეებისთვის საქართველოში ინვესტირების წარმატებული მაგალითების გაცნობა და საერთაშორისო ფინანსურ ინსტიტუტებსა და საკონსულტაციო კომპანიებთან ორმხრივი სესიებია დაგეგმილი.
ბანაკი „ცხოვრებისეულ უნარ-ჩვევებზე“ ხელვაჩაურის მუნიციპალიტეტში მცხოვრები მოზარდებისთვის
პროექტის ავტორი არის მშვიდობის კორპუსის ამერიკელი მოხალისე ხელვაჩაურის ახალგაზრდობის ცენტრში სარა შოლცი. ბანაკში ტრენინგებს ჩაატარებენ ამერიკელი მოხალისეები სარა შოლცი, კოლტონ ჰელსი და ნიკ ვილსონი. ჯანმრთელობასთან და ჯანსაღ კვებასთან დაკავშირებით სესიას კი მოწვეული ექიმები წარუძღვებიან. პროექტის პროგრამის მიხედვით დაგეგმილია სპორტული და გასართობი თამაშებიც.
ბანაკში ღამისთევის, კვებისა და ტრანსპორტირების ხარჯები (ხელვაჩაური – ქობულეთი – ხელვაჩაური) დაფინანსებულია ყველა მონაწილისთვის.
ხელვაჩაურიდან, მოზარდები ბანაკში 16 ოქტომბერს, სკოლის შემდეგ გაემგზავრებიან, იქედან კი კვირას – 18 ოქტომბერს დაბრუნდებიან.
მონაწილეთა ასაკი: 14 დან 17 წლის ჩათვლით.
მონაწილეები შეირჩევიან აპლიკაციების საფუძველზე.
აპლიკაციის ფორმა შეგიძლიათ იხილოთ ხელვაჩაურის ახალგაზრდობის ცენტრის ფეისბუქის ჯგუფის გვერდზე. შევსებული აპლიკაცია კი ხელვაჩაურის ახალგაზრდობის ცენტრის ელექტრონულ ფოსტაზე: khelvachauriyouthcenter@gmail.com-ზე, 6 ოქტომბრამდე უნდა გააგზავნოთ.
აპლიკაციების განხილვის შედეგად შერჩეულ მონაწილეებს ტრენინგის ჩატარებამდე ერთი კვირით ადრე დაუკავშირდებიან.
დიდი რაოდენობით ნარკოტიკული საშუალების საქართველოში უკანონოდ შემოტანის ბრალდებით ერთი პირი დააკავეს
შს სამინისტროს ინფორმაციით, აჭარის მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, დაკავებულის პირადი ჩხრეკისას, 187 აბი „ექსტაზი“ და 0,04218 გრ კოკაინი ამოიღეს. ქიმიური ექსპერტიზის დასკვნით, 166 აბი 7,2303 გრ ნარკოტიკულ ნივთიერება მეთილენდიოქსიმეტამფეტამინს, ხოლო 21 აბი 0,10489 გრ ნარკოტიკულ ნივთიერება ამფეტამინს და 0,0524 გრ მეთილენდიოქსიმეტამფეტამინს შეიცავს.
შს სამინისტროს ცნობით, დაკავებული ჩადენილ დანაშაულს აღიარებს.
გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის და საქართველოში განსაკუთრებით დიდი ოდენობით ნარკოტიკული საშუალების უკანონოდ შემოტანის ფაქტზე მიმდინარეობს (საქართველოს სსკ-ის 260-ე მუხლის მე-3 და მე-6 ნაწილების „ა“ ქვეპუნქტებით, 262-ე მუხლის მე-2 და მე-4 ნაწილების „ა“ ქვეპუნქტებით).
18 სექტემბერი – ბათუმის კინოფესტივალის აფიშა
12.00 – სირიული სიყვარულის ისტორია, შონ მაკალისტერი, დიდი ბრიტანეთი, 2015; 80წთ. [დოკუმენტური ფილმების საკონკურსო სექცია]
14.00 – სომალის ტყვეები, ლევან ადამია, საქართველო, 2015; 47’37 წთ.
16.00 – ქიმია, ბარტეკ პროკოპოვიჩი, პოლონეთი, 2015, 105 წთ. [მხატვრული ფილმების საკონკურსო სექცია]
18.30 – მშვიდობა მხოლოდ გვესიზმრება, შარუნას ბარტასი, ლიტვა/საფრანგეთი/ რუსეთი, 2015; 107წთ. [მხატვრული ფილმების საკონკურსო სექცია]
20.30 – კრედიტის ლიმიტი, ნუცა ალექსი–მესხიშვილი, საქართველო, 2014, 85წთ.
22.30 – ეიზენშტეინი გუანახუატოში, პიტერ გრინუეი, ბელგია/ მექსიკა/ფინეთი/საფრანგეთი, 2015; 105 წთ. [დიდოსტატთა კოლექცია]
ბათუმში განზრახ მკვლელობის მცდელობის ფაქტზე ერთი პირი დააკავეს
შს სამინისტროს ცნობით, დაკავებულმა 17 სექტემბერს ბათუმში, თბილისის მოედანზე, ურთიერთშელაპარაკების ნიადაგზე, 1971 წელს დაბადებულ ზვიად გ-ს ცივი იარაღით ორი ჭრილობა მიაყენა.
დაჭრილი მამაკაცი ბათუმის რეფერალურ საავადმყოფოში გადაიყვანეს, მისი ჯანმრთელობის მდგომარეობა მძიმეა.
აჭარის მთავარი სამმართველოს ბათუმის საქალაქო სამმართველოს თანამშრომლებმა ბრალდებული შემთხვევის ადგილის მიმდებარე ტერიტორიაზე, მომხდარიდან რამდენიმე წუთში დააკავეს. დანაშაულის ჩადენის იარაღი – დანა ნივთმტკიცებად ამოიღეს. შს სამინისტროს ცნობით, დაკავებული აღიარებს ჩადენილ დანაშაულს.
გამოძიება განზრახ მკვლელობის მცდელობის ფაქტზე მიმდინარეობს (საქართველოს სსკ-ის 19-108-ე მუხლით).
შსს-მ ბათუმში მომხდარი მკვლელობის ფაქტი გახსნა
გამოძიებამ დაადგინა, რომ დაკავებულმა 17 სექტემბერს ბათუმში, ზურაბ გორგილაძის ქუჩაზე, ოჯახური კონფლიქტის დროს ურთიერთშელაპარაკებისას, 1985 წელს დაბადებულ რევაზ გ-ს ცივი იარაღით ყელის არეში ერთი ჭრილობა მიაყენა და შემთხვევის ადგილიდან მიიმალა.
დაჭრილი მამაკაცი საავადმყოფოში მიყვანისთანავე გარდაიცვალა. სამართალდამცავებმა ბრალდებული მომხდარიდან რამდენიმე საათში დააკავეს. შს სამინისტროს ცნობით, დაკავებული აღიარებს ჩადენილ დანაშაულს.
გამოძიება განზრახ მკვლელობის ფაქტზე მიმდინარეობს (საქართველოს სსკ-ის 108-ე მუხლით).
ბათუმში მამაკაცი დაჭრეს
შინაგან საქმეთა სამინისტროს ინფორმაციით, პოლიციელებმა განზრახ მკვლელობის მცდელობის ბრალდებით მამაკაცი უკვე დააკავეს.
ბათუმში მკვლელობის ადგილას ქალაქის მერი იმყოფება
ბათუმში ახალგაზრდა მამაკაცი მოკლეს
შინაგან საქმეთა სამინისტროს ინფორმაციით, ამ წუთებში საგამოძიებო მოქმედებები მიმდინარეობს. გამოძიება კი სისხლის სამართლის კოდექსის იმ მუხლით დაიწყო, რაც განზრახ მკვლელობას ნიშნავს.
”დედაჩემი” – ნანი მორეტის ახალი ფილმი ბათუმის კინოფესტივალზე
უფასო სამედიცინო აქცია სოფელ ჭახათში
აქციას შპს “თამარის დასახლების საოჯახო მედიცინის ცენტრის“, შპს ,,აჭარის ავტონომიური რესპუბლიკის ონკოლოგიური ცენტრის”, სს ,,ქობულეთის სამედიცინო ცენტრის” და შპს ,,ქ. ბათუმის N4 პოლიკლინიკის” ექიმები ჩაატარებენ.
აქციის მიმდინარეობის პროცესს გაეცნობა აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნუგზარ სურმანიძე და მინისტრის მოადგილე ზურაბ თენიეშვილი.
უფასო სამედიცინო აქცია აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ინიციატივით და ქობულეთის მუნიციპალიტეტის გამგეობის ორგანიზებით გაიმართება.
მემორანდუმი აჭარასა და ნიკოლაევს შორის
აჭარის მთავრობის ინფორმაციით, მემორანდუმი ითვალისწინებს ვაჭრობის, სამრეწველო, საინვესტიციო და ეკონომიკის სხვა დარგში ორმხრივი თანამშრომლობის განვითარების ხელშეწყობას. მხარეები გაუწევენ ორგანიზებას საწარმოების პროდუქციის გამოფენებისა და ბაზრობების ჩატარებას. ასევე, ითანამშრომლებენ სოფლის მეურნეობის მიმართულებით. განხორციელდება გაცვლითი პროგრამები, რომლის თანახმადაც მოხდება სპეციალისტების სტაჟირება საგარეო ეკონომიკური საქმიანობის შესახებ გამოცდილების შესწავლის მიზნით.
სამდღიანი ვიზიტის ფარგლებში უკრაინის დელეგაციის წევრები დაესწრებიან ბათუმში, სასტუმრო „ჰილტონში“ 18 სექტემბერს გამართულ საინვესტიციო ფორუმს „ბათუმი 2015“ და მოინახულებენ ბათუმის ღირსშესანიშნაობებს. დელეგაციის შემადგენლობაში შედიან ნიკოლაევის ოლქის სახელმწიფო ადმინისტრაციის ხელმძღვანელი პირები, დეპუტატები, პრესისა და მასმედიის წარმომადგენლები. შეხვედრისას აჭარის მთავრობის თავმჯდომარემ სტუმრებს რეგიონში არსებული საინვესტიციო გარემო, ტურისტული და ეკონომიკური პოტენციალი გააცნო. ისაუბრა ასევე რეგიონში მიმდინარე პროექტებსა და სამომავლო ღონისძიებებზე.
მოსამართლე: ხელისუფლების მხრიდან ჩემზე ზეწოლა არ ყოფილა
მერაბ ტურავა
“თუ ჩვენ ჰიპოტეტურად ვივარაუდებთ, რომ ჩემზე იყო რაიმე ზემოქმედება, იგივე შეიძლება მე ვთქვა დანარჩენ სხვა მოსამართლეებზე, რომლებმაც გადაწყვეტილება მიიღეს, ხომ არ მოექცნენ ისინი ზეგავლენის ქვეშ? ჩემზე არავითარი ზემოქმედება არ ყოფილა, რომც ყოფილიყო, მე ხომ გადაწყვეტილებას ვერ ვიღებდი და ჩემზე ზემოქმედებას რა მნიშვნელობა ექნებოდა, მე ვითხოვდი კონკრეტულ დროს გადაწყვეტილების წასაკითხად, არაა გამორიცხული იგივე პოზიცია მქონოდა, რაც სხვა მოსამართლეებმა გამოხატეს. მე არ ვიცი მსოფლიოში ქვეყანა, სადაც მოსამართლეს რამდენიმე დღეს არ აძლევენ 50-გვერდიანი გადაწყვეტილების წასაკითხად. ”
მოსამართლემ დისციპლინარულ დევნაზეც გააკეთა განმარტება: „მე ხელოვნურადაც რომ ვაფერხებდე ამ პროცესს [გადაწყვეტილების გამოცხადებას], ამას არავითარი გამართლება არ აქვს, მე რომ დროში გამეწელა გადაწყვეტილების მიღება, მეთხოვა ერთი კვირა, ამის შემდეგ კიდევ მეთქვა – ახლა არ მცალია, მერე ორი კვირით ან ერთი თვით გადამედო ხელმოწერა, ეს იქნებოდა, რა თქმა უნდა, არაგონივრული ვადების გაჭიანურება, მაგრამ მე სამი-ოთხი დღე ვითხოვე გადაწყვეტილების გასაცნობად.”
მოსამართლის შეფასებით, ეთიკისა და სადისციპლინო კომისიის შექმნა იყო ზეწოლა მასზე, როგორც მოსამართლეზე.
მისივე განმარტებით, საერთო სასამართლოს მოსამართლემ უნდა იმსჯელოს იმაზე, თუ ვის შეეხება საკონსტიტუციო სასამართლოს გადაწყვეტილება.
მოსამართლე მერაბ ტურავასთან ინტერვიუს სრულ ჩანაწერს “ბათუმელები” მოგვიანებით შემოგთავაზებთ.
ბრენდინგი შთაბეჭდილებების ეკონომიკაში – რეკლამის საერთაშორისო ფესტივალის სემინარული პროგრამა
ციფრულმა ეპოქამ არა მხოლოდ კომუნიკაციის ახალი სახეობები გვაჩუქა, მან მომხმარებლის მხრიდან პროდუქტებისა და მომსახურების მიმართ აღქმაც შეცვალა. ვიზუალურ, ვერბალურ და ტაქტილურ ფაქტორებთან ერთად, ბრენდი „ურთიერთქმედების ლოგიკითაც“ ფორმირდება. გააზრებულობა, ადაპტურობა, უკუკავშირი – მომხმარებელი ყველა ამ ატრიბუტს ითხოვს მომსახურების და პროდუქტის მომწოდებლებისგან. როგორ მოვახდინოთ მომხმარებლის გამოცდილების კაპიტალიზირება? რა წყალქვეშა ქვებს შეიცავს მომხმარებლის გამოცდილების მოდელების პროექტირება? – თემა მოგვითხრობს ციფრული და ოფლაინ სამყაროს გადაკვეთაზე მუშაობის სპეციფიკაზე და გვაძლევს საშუალებას სხვა კუთხით შევხედოთ სამოქმედო ინსტრუმენტებს. სემინარის ფარგლებში წარმოდგენილი იქნება მაგალითები მომსახურების სფეროდან – ბანკები, სადაზღვევო კომპანიები, რითეილი და სხვა.
რეკლამის საერთაშორისო ფესტივალი AdBlackSea ტარდება ბათუმში 2015 წლის 24-27 სექტემბერს საქართველოს მთავრობისა და ბათუმის მერიის მხარდაჭერით.
რეკლამის საერთაშორისო ფესტივალ AdBlackSea -ის მედია მხარდამჭერები არიან: Marketer.ge, რადიო ჰოლდინგი ფორტუნა, Palitra tv, რადიო პალიტრა, Georgian Journal, CBW.ge, ABW.ge, ipress.ge, ibusiness.ge, Myvideo.ge, Flit Media – ჟურნალები EGO და EGO Men, მულტიმედია-ციფრული პლატფორმა ,,სტარვიზია”, რადიო პოზიტივი, რადიო იმედი, ტელეკომპანია მაესტრო, საინფორმაციო სააგენტო Editori, Leavingstone, აჭარის ტურიზმისა და კურორტების დეპარტამენტი.
რეკლამის საერთაშორისო ფესტივალ AdBlackSea -ის მხარდამჭერები არიან: თელიანი ველი, ბორჯომი, კოკა-კოლა, თიბისი ბანკი.
არ გამოტოვოთ, დარეგისტრირდით ფესტივალის საიტზე და გაირეთ აკრედიტაცია: www.adblacksea.com
დამსწრეთა რეგისტრაცია გრძელდება 18 სექტემბრამდე. საქართველოს მოქალაქეებისათვის დასწრება უფასოა.
აქვე შეგიძლიათ გაეცნოთ სასემინარო პროგრამის სხვა მონაწილეებს, ისევე როგორც ფესტივალის განახლებად პროგრამას.
დამატებითი კითხვების შემთხვევაში მიმართეთ: pr@adblacksea.com
ნასტასია კინსკი ბათუმის ქუჩებში [ფოტო]
ზვიად თხილაიშვილი აჭარაში ანტიკორუფციული სააგენტოს უფროსის მოადგილედ დაინიშნა
ზვიად თხილაიშვილი წლების განმავლობაში მუშაობდა თავდაცვის სამინისტროში – გარკვეულ ეტაპზე ის იყო აჭარის სამხედრო პოლიციის უფროსის მოადგილე, ბოლო პერიოდში კი აჭარაში სამხედრო პოლიციის უფროსის მოვალეობას ასრულებდა.
ზვიად თხილაიშვილის აჭარის უმაღლესი საბჭოს დეპუტატის, ანზორ თხილაიშვილის შვილი.
ნასტასია კინსკი ბათუმში
საკონსტიტუციო სასამართლოს კიდევ ერთი განმარტება უგულავას საქმის გადაწყვეტილებაზე
“საქართველოს საკონსტიტუციო სასამართლოს გადაწყვეტილება ეფუძნება კონსტიტუციასა და კანონს, იგი ძალაშია საკონსტიტუციო სასამართლოს დარბაზში გამოცხადებისთანავე და აღსასრულებლად სავალდებულოა ხელისუფლების ყველა შტოსთვის. ყოვლად დაუშვებელია, საკონსტიტუციო სასამართლოს აბსოლუტური უმრავლესობის მიერ მიღებული გადაწყვეტილების სავალდებულო ძალის ეჭვქვეშ დაყენება.
„საქართველოს საკონსტიტუციო სასამართლოს შესახებ“ საქართველოს ორგანული კანონის 44-ე მუხლის პირველი ნაწილის თანახმად „საკონსტიტუციო სასამართლოს პლენუმი უფლებამოსილია მიიღოს გადაწყვეტილება, თუ მის სხდომას ესწრება სულ ცოტა ექვსი წევრი“. აღნიშნული ნორმიდან გამომდინარე, ორგანული კანონი საკონსტიტუციო სასამართლოს პლენუმს გადაწყვეტილებაუნარიანად მიიჩნევს იმ შემთხვევაში, თუ საქმის გახილვასა და გადაწყვეტაში მოსამართლეთა სულ მცირე 6 წევრი მონაწილეობს.
ამავდროულად, „საქართველოს საკონსტიტუციო სასამართლოს შესახებ“ საქართველოს ორგანული კანონის 43-ე მუხლის მე-2 პუნქტი ადგენს, რომ გადაწყვეტილებას ხელს აწერს საქმის არსებითად განმხილველი თითოეული მოსამართლე. აღნიშნული ნორმა ადგენს საქმის არსებით განხილვაში მონაწილე მოსამართლის ვალდებულებას, მონაწილეობა მიიღოს
საქმის საბოლოო გადაწყვეტაში. იგი არ განსაზღვრავს საქართველოს საკონსტიტუციო სასამართლოს გადაწყვეტილებაუნარიანობის საკითხებს. საკონსტიტუციო სასამართლომ უნდა გადაწყვიტოს კონსტიტუციური დავა, რადგან მხოლოდ ის არის კომპეტენტური განახორციელოს აღნიშნული კონსტიტუციური უფლებამოსილება. ამიტომ, საკითხის გადაწყვეტაში მოსამართლის მონაწილეობა მისი უშუალო და პირდაპირი კონსტიტუციური ვალდებულებაა და არა შესაძლებლობა, რომელსაც ის მიზანშეწონილობის მიხედვით გამოიყენებს. ამდენად, ერთ-ერთი მოსამართლის მიერ კანონის მოთხოვნათა უგულვებელყოფით გადაწყვეტილების ხელმოწერაზე უარის თქმა, ვერ შეაფერხებს საკონსტიტუციო სასამართლოს გადაწყვეტილების მიღების პროცესს და ეჭვქვეშ ვერ დააყენებს საქართველოს საკონსტიტუციო სასამართლოს უფლებაუნარიანობას მიიღოს გადაწყვეტილება ხმათა უმრავლესობით.
სწორედ ამიტომ, საქართველოს საკონსტიტუციო სასამართლო ვალდებული იყო დაედგინა მოსამართლე მერაბ ტურავას გამოუცხადებლობის მიზეზები და ასევე, საჭიროების შემთხვევაში, მისთვის მიეცა შესაძლებლობა განეხორციელებინა მასზე დაკისრებული მოვალეობა.
როგორც უკვე ცნობილია, მიუხედავად საქართველოს საკონსტიტუციო სასამართლოს მხრიდან არაერთგზის მცდელობისა, მოსამართლე მერაბ ტურავამ, ურთიერთგამომრიცხავი მიზეზების დასახელებით, რამდენჯერმე განაცხადა უარი გადაწყვეტილების ხელმოწერაზე.
2015 წლის 16 სექტემბერს, საქართველოს საკონსტიტუციო სასამართლოს ეთიკისა და დისციპლინური საკითხების კომისიის დასკვნის საფუძველზე, საქართველოს საკონსტიტუციო სასამართლოს პლენუმმა დაადგინა, რომ მოსამართლე მერაბ ტურავას საქართველოს საკონსტიტუციო სასამართლოში გამოუცხადებლობა და ურთიერთგამომრიცხავი მიზეზებით ხელმოწერაზე უარის თქმა წარმოადგენს კანონის („საქართველოს საკონსტიტუციო სასამართლოს შესახებ“ საქართველოს ორგანული კანონის 21-ე მუხლის მე-5 პუნქტი, 43-ე მუხლის მე-2 პუნქტი, „საკონსტიტუციო სამართალწარმოების შესახებ“ საქართველოს კანონის მე-7 მუხლის მე-2 პუნქტი, საქართველოს საკონსტიტუციო სასამართლოს რეგლამენტის 31-ე მუხლის მე-2 პუნქტი) მოთხოვნათა დარღვევას.
ნიშანდობლივია, რომ საქართველოს საკონსტიტუციო სასამართლოს რეგლამენტის 31-ე მუხლის მე-2 პუნქტის თანახმად, მოსამართლე გადაწყვეტილებას ხელს აწერს მაშინაც, როდესაც ამავე საქმეზე მას აქვს განსხვავებული ან თანმხვედრი აზრი. გადაწყვეტილებაზე ხელის მოწერა ყოველთვის არ გულისხმობს გადაწყვეტილებაზე დათანხმებას, მასში ასახული პოზიციის, თუ არგუმენტაციის გაზიარებას. მაშინ, როდესაც მოსამართლეს აქვს განსხვავებული აზრი, გადაწყვეტილებაზე ხელის მოწერის ვალდებულება გულისხმობს საკითხის საბოლოოდ გადაწყვეტაში მოსამართლის მონაწილეობის კონსტიტუციური ვალდებულების შესრულებას.
ზემოაღნიშნულიდან გამომდინარე, როდესაც ერთ-ერთი მოსამართლე კანონის მოთხოვნათა დარღვევით აცხადებს უარს „საქართველოს სააკონსტიტუციო სასამართლოს შესახებ“ საქართველოს ორგანული კანონის 43-ე მუხლის მე-2 პუნქტის მოთხოვნის შესრულებაზე, გადაწყვეტილების ხელმოწერაზე, განზრახ არ ახორციელებს მის კონსტიტუციურ ვალდებულებებს, ეს ვერ გახდება საქართველოს კონსტიტუციით უზრუნველყოფილი კონსტიტუციური კონტროლის განხორციელების შემაფერხებელი გარემოება, ხელს ვერ შეუშლის საქართველოს საკონსტიტუციო სასამართლოს გადაწყვეტილების მიღების, ხელმოწერისა და გამოცხადების კონსტიტუციური ვალდებულების შესრულებაში.”
საკონსტიტუციო სასამართლოს თავმჯდომარის სახლზე პომიდვრების დამშენი დაკავებულია
შს სამინისტროს პრესცენტრის ცნობით, მერაბ ღოღობერიძე დაკავებულია ადმინისტრაციულ სამართლადარღვევათა კოდექსის 166-ე მუხლით, რაც ნიშნავს წვრილმან ხულიგნობას.
დღეს დილით, ბათუმში გიორგი პაპუაშვილის სახლთან, მოქალაქეების მცირე ჯგუფი იმის გასაპროტესტებლად შეიკრიბა, რომ წუხელ საკონსტიტუციო სასამართლომ გამოაქვეყნა თავისი გადაწყვეტილება გიგი უგულავას სარჩელის ნაწილობრივ დაკმაყოფილების თაობაზე.
საკონსტიტუციო სასამართლოს თავმჯდომარის, გიორგი პაპუაშვილის სახლს ბათუმში დაცვის პოლიცია იცავს.
უმაღლესი საბჭოს სხდომა ჩაიშალა
დღის წესრიგით, დღეს უმაღლესი საბჭოს წევრებს ექვსი საკითხი უნდა განეხილათ, მათ შორისაა მთავრობის თავმჯდომარის მოხსენება სხდომაზე განსაზღვრული საკითხების შესახებ.
დადასტურებული ინფორმაციით, „თავისუფალი დემოკრატები“ დღის წესრიგში კიდევ ერთი საკითხის შეტანას – უმაღლესი საბჭოს ვიცე-სპიკერის ვაკანტურ თანამდებობაზე სულხან ღლონტის კანდიდატურის დასახელებას და საკითხის კენჭისყრას აპირებდნენ. თუმცა სხდომაზე რეგისტრაცია არ გაიარეს „ნაციონალური მოძრაობის“ წევრებმა, ქვორუმი არ შედგა და სხდომა ჩაიშალა. რეგისტაცია არ გაიარეს არც “თავისუფალმა დემოკრატებმა“, მათი განმარტებით ამის მიზეზი სხდომაზე არჩილ ხაბაძის გამოუცხადებლობა გახდა.
მოსამართლე პაპუაშვილის სახლს კვერცხები და პომიდორი დაუშინეს [ვიდეო]
აქციის მონაწილეები საკონსტიტუციო სასამართლოს გუშინდელ გადაწყვეტილებას აპროტესტებენ, რომლითაც ნაწილობრივ დაკმაყოფილა გიგი უგულავას სარჩელი წინასარ პატიმრობაში 9 თვეზე მეტი ვადის გატარების თაობაზე.
”ტურავა, მოდი სამსახურში” – აქცია საკონსტიტუციო სასამართლოსთან
აქცია საკონსტიტუციო სასამართლოსთან
„ჩვენ ვაპროტესტებთ იმას, რომ მოსამართლე გაურბის მის პირდაპირ მოვალეობას, არ მოდის სასამართლოში და მოვუწოდებთ ტურავას, ნუ იმალება, მოვიდეს და მიიღოს გადაწყვეტილება გიგი უგულავას პროცესთან დაკავშირებით. მოვედით, რათა შევახსენოთ მას მისი უფლებები და ვალდებულებები“ – აღნიშნა „ბათუმელებთან“ ორგანიზაცია „თავისუფალი ზონას“ ხელმძღვანელმა თორნიკე ხალვაშმა. მისი თქმით, ამ დროისათვის ორგანიზაცია „თავისუფალი ზონა“ 50-მდე ახალგაზრდას აერთიანებს.
აქციაზე იყვნენ „ერთიანი ნაციონალური მოძრაობის“ ბათუმის ორგანიზაციის წევრებიც.
„ჩვენ ვითხოვთ მოსამართლე მერაბ ტურავამ აღასრულოს თავისი სამსახურეობრივი მოვალეობა, გაეცნოს არსებულ საქმეს და ხელი მოაწეროს, რასაც მას კანონი და კონსტიტუცია ავალდებულებს. სამწუხაროა, რომ კონსტიტუციის გარანტი საქართველოში, არღვევს კონსტიტუციას, ის კვლავ მოქმედებს შევარდნაძისეული მეთოდებით, როცა სასამართლო გადაწყვეტილების აღსრულებისგან თავს იკავებდა და ყოველთვის „ავად ხდებოდა“ – განაცხადა ირაკლი თავართქილაძემ.
ტურავა: არ მოვაწერ დოკუმენტს ხელს, რომელიც იქნება კონსტიტუციის საწინააღმდეგო
საკონსტიტუციო სასამართლო მერაბ ტურავას განცხადებას ასევე განცხადებით გამოეხმაურა, ტექსტს “ბათუმელები” უცვლელად გთავაზობთ:
“2015 წლის 16 სექტემბერს, შპს ირის ბორჩაშვილის სახელობის ჯანმრთელობის ცენტრ მედინაში, გადაწყვეტილებაზე (საქმეზე საქართველოს მოქალაქე გიორგი უგულავა საქართველოს პარლამენტის წინააღმდეგ, N646 კონსტიტუციური სარჩელი) ხელმოწერის უზრუნველყოფის მიზნით, საკონსტიტუციო სასამართლო სრული შემადგენლობით შეხვდა საკონსტიტუციო სასამართლოს მოსამართლე მერაბ ტურავას. მოსამართლე მერაბ ტურავამ უარი განაცხადა გადაწყვეტილების ხელმოწერაზე. ზემოაღნიშნული ფაქტი, ისევე როგორც 2015 წლის 15 სექტემბერს N646 კონსტიტუციური სარჩელზე გადაწყვეტილების ხელმოწერისა და შემდგომი გამოცხადების მიზნით დანიშნულ საკონსტიტუციო სასამართლოს პლენუმის სხდომაზე საკონსტიტუციო სასამართლოს წევრის, მერაბ ტურავას, გამოუცხადებლობის საკითხი, შესასწავლად და შესაბამისი დასკვნის მოსამზადებლად გადაეცა საქართველოს საკონსტიტუციო სასამართლოს ეთიკისა და დისციპლინურ საქმეთა კომისიას. კომისიის დასკვნა შემდგომი რეაგირებისათვის გადაეცემა საქართველოს საკონსტიტუციო სასამართლოს პლენუმს. საქართველოს საკონსტიტუციო სასამართლო ასევე მიზანშეწონილად მიიჩნევს კომენტარი გააკეთოს ბატონი მერაბ ტურავას მიერ მასმედიით გავრცელებულ ინფორმაციაზე, იმის შესახებ რომ მას გადაწყვეტილების სრული ტექსტი დაგვიანებით მიეწოდა, ხოლო მოსამართლეებმა მოუმზადებლად დააფიქსირეს საკუთარი პოზიციები აღნიშნული საქმის გადაწყვეტასთან დაკავშირებით. საქართველოს საკონსტიტუციო სასამართლო შეახსენებს საზოგადოებას, რომ საკონსტიტუციო სასამართლოს მიერ გადაწყვეტილების მიღებისას გამართული თათბირის არსის გამჟღავნება წარმოადგენს კანონით აკრძალულ ქმედებას და მოუწოდებს ბატონ მერაბ ტურავას, თავი შეიკავოს მსგავსი შინაარსის განცხადებების გავრცელებისაგან. ამასთანავე, საქართველოს საკონსტიტუციო სასამართლო აცხადებს, რომ საქართველოს საკონსტიტიციო სასამართლოს პლენუმის ყველა წევრს ჰქონდა გონივრული ვადა ზემოაღნიშნული გადაწყვეტილების პროექტის გასაცნობად, აზრის გამოსათქმელად და კანონმდებლობით გათვალისწინებული სხვა უფლებამოსიელებების განსახორციელებლად, რაც საკონსტიტუციო სასამართლოს პლენუმის დანარჩენი წევრების მიერ სრულად იქნა რეალიზებული.
კინო ღია ცის ქვეშ, ევროპის მოედანზე
16 სექტემბერი:
20:00 საათზე – „სოლომონი” ზაზა ხალვაში, საქართველო, 2015; 70 წთ.
21: 30 საათზე – „მემთეურები“ ზურაბ ქავთარაძე
17 სექტემბერი:
20:00 საათზე – „გენერალი”
21: 30 საათზე – „ძმა“ ტიერი გრენადე/თეონა გრენადე, საფრანგეთი/საქართველო, 2014; 94 წთ.
18 სექტემბერი:
20:00 საათზე – „სომალის ტყვეები” ლევან ადამია, საქართველო, 2015; 47’37 წთ.
21: 30 საათზე – „მე ვარ ბესო“ ლაშა ცქვიტინიძე, საქართველო, 2014; 92 წთ.
19 სექტემბერი:
20:00 საათზე – „გლადიატორი”, „ფეოლა” ბაადურ წულაძე
21: 30 საათზე – „კრედიტის ლიმიტი” ნუცა ალექსი–მესხიშვილი, საქართველო, 2014, 85წთ.
კინოჩვენებებზე დასწრება უფასოა.
კინოფესტივალი, ევროპის მოედანი
რადიოლოგი სამშობიარო სახლიდან
ბატონო თამაზ, უნივერსიტეტის დასრულების შემდეგ სად დაიწყეთ მუშაობა?
მესამე კურსიდან უკვე ვმუშაობდი დამწვრობის ცენტრში ექიმის თანაშემწედ, სამი წლის განმავლობაში. სწავლის დასრულების შემდეგ კი ბათუმის რესპუბლიკურ საავადმყოფოში დავიწყე მუშაობა. უნივერსიტეტის დასრულებამდე უკვე 50 დამოუკიდებელი ოპერაცია მქონდა გაკეთებული, მერე კი ხულოში, ჩემს რაიონში გადავედი, რადგან ხულოს საავადმყოფოში სჭირდებოდათ ქირურგი. ხუთი წლის განმავლობაში ვმუშაობდი ხულოში. 1989 წელს წავედი მოსკოვში ორდინატურაში სასწავლებლად ა.ვ. ვიშნევსკის სახელობის ქირურგიის ინსტიტუტში, პარალელურად ვმუშაობდი, ერთი წლის შემდეგ დამიმტკიცეს სადისერტაციო თემა. ორდინატურის დასრულებისთანავე სწავლა გავაგრძელე ასპირანტურაში, რომლის დამთავრების მერე დავბრუნდი რაიონში და გავაგრძელე მუშაობა ჯერ ქირურგის, შემდგომ კი მთავარი ექიმის რანგში.
ამავე პერიოდში დაიწყეთ რადიოლოგიის შესწავლა?
რადიოლოგიის შესწავლა მოსკოვში დავიწყე (ჩემი დისერტაციის ნაწილი მოიცავდა ექოსკოპიურ კვლევას). რაიონში დაბრუნებულს ხშირად პრობლემა მექმნებოდა იმ რეალობიდან გამომდინარე, რომ რაიონში არც ექოსკოპიის აპარატი იყო და არც სპეციალისტი. როგორც მთავარმა ექიმმა, ეკონომიის ხარჯზე ორი წლის განმავლობაში მოვახერხე იმ თანხის შეგროვება, რაც საკმარისი იყო საავადმყოფოსთვის პორტატული აპარატის შესაძენად. პარალელურად ვაგრძელებდი რადიოლოგიის შესწავლას. საქართველოს რამდენიმე კლინიკაში გავიარე მოსამზადებელი კურსი. შემდგომი სპეციალიზაცია კი კვლავ მოსკოვში ჯერ რადიოლოგიის კათედრაზე, შემდგომ კი მოსკოვის სამეანო-გინეკოლოგიის ცენტრში გავიარე.
რაიონში ქირურგად მუშაობას დიდი ენერგია და დრო მიაქვს. თუმცა ექიმის ცხოვრება-ვნებაში იმაზე მეტი ბედნიერება არაფერია, როცა ადამიანი გხვდება, გესალმება და გეუბნება: ექიმო, მე თქვენ გადამარჩინეთ.
ამის შემდეგ თქვენ, როგორც ქირურგს, აღარ გიმუშავიათ, მთლიანი სამუშაო დრო რადიოლოგიას დაუთმეთ, რა იყო ამის მიზეზი?
ჩემთვის ბევრად საინტერესო აღმოჩნდა რადიოლოგია, ადვილად ავითვისე, როგორც ქირურგს, ყველა ორგანო თვალით ნანახი მქონდა, გარედან იმის დანახვა და მეხსიერებაში სხვა დეტალების აღდგენა, მარტივი აღმოჩნდა, გამოცდილებაც მეტი მქონდა, ცოდნაც და პრაქტიკაც.
გარკვეული პერიოდი ორივე საქმიანობას ერთად ვეწეოდი. რაიონიდან გადმოსვლის შემდგომ კი საჭიროდ ჩავთვალე რადიოლოგიის განხრით გამეგრძელებინა მუშაობა.
რა განაპირობებს იმას, რომ კონკურენტული გარემოს მიუხედავად სტაბილურად მოთხოვნადი სპეციალისტი ხართ?
დღეს პაციენტებთან ურთიერთობის დეფიციტია. პაციენტს სჭირდება ახსნა თავისი მდგომარეობის, მე ვუხსნი პაციენტს ყველა ნიუანსს. აჭარაში ამ მხრივ მდგომარეობა ცუდია. ვფიქრობ, ამის მიზეზი ის არის, რომ ექიმები არ იღებენ შესაბამის ანაზღაურებას და მათ მოტივაცია არ აქვთ. ჩვენთან გუნდური მუშაობაც არ არის, რაც, თავისთავად, აისახება საერთო ფონზე.
თანამედროვე აპარატურის განუზომელი შესაძლებლობების მიუხედავად პაციენტები მაინც შიშობენ, რომ ექოსკოპიით გადაღება გარკვეულ რისკს შეიცავს, რამდენად უსაფრთხოა ეს პროცედურა და რა ღირს?
ექოსკოპია არის აბსოლუტურად უსაფრთხო. ერთადერთი, ორსულობის პირველ კვირებში ფერადი დოპლერის ჭარბად გამოყენება რეკომენდებული არ არის. თუმცა ჯერჯერობით მსოფლიოში არც ერთი კვლევით არ დასტურდება, რომ ექოსკოპიამ რაიმე სახის ზიანი გამოიწვიოს. სამშობიარო სახლში ექოსკოპიური გამოკვლევა 40 ლარი ღირს.
ძირითადად რა სახის პათოლოგია არ ფიქსირდება ექოსკოპიის გადაღებისას?
ყველაზე ხშირად არ ფიქსირდება გულის პათოლოგიები, იბადებიან ბავშვები ასევე დაუნის სინდრომით, თუმცა ყოველთვის ამ უკანასკნელის მხოლოდ ექოსკოპიური კვლევით გამოვლენა შეუძლებელია.
რას იტყვით თქვენს პედაგოგებზე?
როგორც ქირურგიის, ასევე რადიოლოგიის ყველა პედაგოგს უღრმეს მადლობას ვუხდი. მე ბედნიერი ვარ, რომ ჩემი პირველი მოსწავლე ექოსკოპიის განხრით ჩემი შვილი იყო.
როგორც ექიმი მუდმივად ცდილობთ განვითარებას, მონაწილეობთ მსოფლიოს სხვადასხვა ქვეყანაში გამართულ კონფერენციებში, გადიხართ სასწავლო კურსებს, ამ ეტაპზე რა გეგმები გაქვთ?
სხვანაირად ვერ იქნები ექიმი, ერთსა და იმავე ადგილზე ვერ გაჩერდები, მუდმივად ვცდილობ, რამე ახალი ვისწავლო. სამედიცინო სფერო მუდმივად განვითარების რეჟიმშია და თუ გინდა აყვე მის რიტმს, მუდმივად უნდა გედოს ხელი ამ პულსზე.
ქალთა ოთახი ბათუმსა და აჭარის მუნიციპალიტეტებში
„ქალთა ოთახი“ ბათუმში 16 სექტემბერს გაიხსნა. პროექტის ორგანიზატორები არიან აჭარის სავაჭრო-სამრეწველო პალატა, მასთან არსებული აჭარის ქალბიზნესმენთა ასოციაცია და „მცირე კავკასიის ალიანსების აჭარის პროგრამა“. პროგრამას შვეიცარიის განვითარებისა და თანამშრომლობის სააგენტოს დაფინანსებით არასამთავრობო ორგანიზაცია „მერსი ქორფსი“ ახორციელებს.
ქალთა ოთახის პრეზენტაცია ბათუმში
„ასეთი ოთახი იქნება აჭარის ხუთივე მუნიციპალიტეტში. ეს ძალიან მნიშვნელოვანი პროექტია, იმიტომ, რომ ქალების ჩართულობის გარეშე ეკონომიკური პროგრესის მიღწევა შეუძლებელია. ეს არის ადგილი, ოთახი, სადაც მოსულმა ქალებმა უნდა იცოდნენ, რომ მათ აქვთ ხელმისაწვდომობა ყველა იმ სერვისზე, რომელსაც აჭარის სამრეწველო პალატა სთავაზობს. პროგრამას აფინანსებს შვეიცარიის განვითარების და თანამშრომლობის სააგენტო. ძალიან კარგია, რომ ეს სააგენტო ქალთა ჩართულობას ყოველთვის მხარს უჭერს. როცა ქვემო ქართლში გავხსენით ქალთა ოთახი, კაცები ამან ცოტა შეაშფოთა, მაგრამ შემდეგ კაცებმაც დაიწყეს ქალთა ოთახის სერვისების გამოყენება. ძალიან მნიშვნელოვანი წამოწყებაა,“ – აღნიშნა ჰელენ ბრადბერმა, „მცირე კავკასიის ალიანსების პროგრამის“ ჯგუფის ხელმძღვანელმა.
ბათუმის „ქალთა ოთახს“ მუდმივად ექნება კავშირი აჭარის ხუთივე მუნიციპალიტეტის „ქალთა ოთახთან“, ადმინისტრაციულ ერთეულებში და უშუალოდ სოფლებში ტრენინგებისა და საინფორმაციო-საკონსულტაციო შეხვედრების ჩასატარებლად.
„მოგეხსენებათ, აჭარის მუნიციპალიტეტებშიცაა ქალთა ოთახები და შემოვიდა წინადადება, ბათუმშიც გახსნილიყო ქალთა ოთახი, რომელიც კოორდინაციას გაუწევს მუნიციპალიტეტებში ქალთა ოთახების მუშაობას. აჭარის რეგონში მცხოვრებ ქალებს ექნებათ საშუალება მობრძანდნენ, თავიანთი იდეების შესახებ ბიზნესგეგმა შეადგინონ, შეუძლიათ ბავშვებთან ერთად მოვიდნენ და დარწმუნებული ვარ, ძალიან ბევრი წამოწყება მოჰყვება ამას. კიდევ ერთი კარგი იდეა გვაქვს, უახლოეს მომავალში იმედი გვაქვს, რომ მაღალმთიანი აჭარის ერთ-ერთ ხეობაში გაიხსნება კომპიუტერული კლასი, სადაც ქალებს შეეძლებათ ინტერნეტის მოხმარება, პროგრამების სწავლა. პირველ რიგში, ჩვენი მთავარი მიმართულება იქნება ქალებს შევუწყოთ ხელი ბიზნესის დაწყებაში, გადამზადებაში, ჩვენი პერსონალი თქვენს სამსახურშია“ – განაცხადა „ქალთა ოთახის“ პრეზენტაციაზე აჭარის სავაჭრო-სამრეწველო პალატის ხელმძღვანელმა თამაზ შავაძემ.
სარფის სასაზღვრო სექტორის უკანონოდ გადაკვეთის მცდელობისთვის ბანგლადეშის მოქალაქე დააკავეს
შს სამინისტროს ინფორმაციით, ბრალდებული, სასაზღვრო-საკონტროლო გამტარი პუნქტის გვერდის ავლით, საქართველოს სახელმწიფო საზღვრის გადაკვეთას თურქეთის რესპუბლიკის მიმართულებით ცდილობდა.
გამოძიება საქართველოს სახელმწიფო საზღვრის უკანონოდ გადაკვეთის მცდელობის ფაქტზე მიმდინარეობს (საქართველოს სსკ-ის 19-344-ე მუხლის 1-ლი ნაწილით). გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს.
PROVIDER GROUP – საოფისე საქონელი და ინვენტარი ადგილზე მიტანით
პროდუქციის ფასები საიტზე მოცემულია დღგ-ს ჩათვლით;
შეკვეთილ პროდუქციის მიწოდება მოხდება შეკვეთის მიღებიდან მეორე დღეს;
შეკვეთის მიწოდება ბათუმის მაშტაბით უფასოა თუ შეკვეთის მოცულობა 50 ლარზე მეტია;
თუ შეკვეთის მოცულობა 50 ლარზე ნაკლებია შეკვეთის მიწოდების ღირებულებაა 5 ლარი;
ჩვენ გთავაზობთ ასევე შემდეგი სახის მომსახურებას:
კარტრიჯების დატენვა
ნებისმიერი ტიპის კარტრიჯების დამუხტვა ადგილზე მომსახურებით
კომპიუტერული სერვისი
პროგრამების ჩაწერა, კომპიუტერების და პრინტერების შეკეთება, ქსელის გამართვა, საიტების დამზადებადა, სათვალთვალო კამერების დაყენება და სხვა.
პოლიგრაფიული მომსახურება
ვიზიტკების, სატიტულო ფურცლების, ბუკლეტების, ფლაერების, კალენდრების დიზაინი და ბეჭდვა.
ბეჭდებისა და შტამბების დამზადება
რა უპირატესობა აქვს ჩვენთან თანამშრომლობას:
გთავაზობთ საუკეთესო ფასებს;
ჩვენთან თანამშრომლობით დაზოგავთ დროს;
ჩვენთან თანამშრომლებით გაიმარტივებთ საქმეს და თქვენ არ მოგიწევთ სხვადასხვა მომწოდებელთან, მაღაზიებთანდამღლელი ურთიერთობა საქონლის შესყიდვაზე და საბუთების გაფორმებაზე ან მიღებაზე;
ჩვენთან ურთიერთობა მარტივია თქვენ შეგიძლიათ შეკვეთა მისცეთ საიტიდან, სკაიპით, ელექტრონული ფოსტით და ტელეფონის საშუალებით;
ჩვენ შეგვიძლია ჩვენი კონტაქტების მეშვეობით დაგეხმაროთ ბაზარზე ნებისმიერი საქონლის ყველაზე დაბალ ფასად მოძიებაში, შესყიდვაში და ტრანსპორტირებაში.
ჩვენთან ხელშეკრულების გაფორმების შემთხვევაში მიიღებთ შემდეგი სახის შეღავათს:
5%-იანი ფასდაკლება ჩვენ საიტზე არსებული ფასებიდან;
უნაღდო ანგარიშსწორება;
საქონლის მოწოდებიდან 10 დღიანი კონსიგნაცია;
შენიშვნა: ჩვენ დისტრიბუციის განხორციელება შეგვიძლია არა მარტო აჭარის არამედ დასავლეთ საქართველოს მაშტაბით, შეთანხმების და ხელშეკრულების გაფორმების შემთხვევაში ჩვენ შეგვიძლია მოვამარაგოთ თქვენი ყველა ოფისი დასავლეთ საქართველოს მაშტაბით.
ჩვენი კომპანიის შოუ რუმი მდებარეობს ქ. ბათუმში გორგასლის ქ. 40, სადაც შეგიძლიათ ვიზულურად შეამოწმოთ ჩვენი პროდუქციის ხარისხი.
გთხოვთ გაეცნოთ საიტს და მოგვაწოდოთ თქვენი შენიშვნები ჩვენი პროდუქციის ხარისხისა და ასრტიმენტის გასაუმჯობესებლად. ჩვენთვის მნიშვნელოვანია თქვენი მოსაზრებები და შენიშვნები პროდუქციის და მომსახურების ხარისხის ასამაღლებლად.
დაზოგეთ დრო და ითანამშრომლეთ ჩვენთან
მობ.: 568 000 143 ; ტელ.: (0422) 22 33 34
როგორ ამოვიცნოთ ორგანიზმში კალციუმის ნაკლებობა
ქალბატონო ნინო, რა რაოდენობის კალციუმი უნდა მიიღოს ადამიანმა დღეში, არის თუ არა ნორმა განსაზღვრული?
კალციუმი მინერალია, რომელიც ძვლოვანი სისტემისა და კბილების უმთავრესი შემადგენელი ნაერთია. განსაკუთრებით დიდია მისი როლი ნერვული სისტემის, კუნთოვანი სისტემის ნივთიერებათა ცვლის რეგულაციაში, შესაბამისად აუცილებელია მისი დღიური ნორმის შევსება. კალციუმის შეწოვის პროცესში მონაწილეობს ვიტამინი D. ამერიკის პედიატრთა ასოციაციის მიერ მოწოდებულია კალციუმისა და ვიტამინ D-ს დღიური ნორმა, რომელიც გათვალისწინებულია ასაკობრივი ჯგუფის მიხედვით: 6 თვემდე ასაკის ბავშვებისთვის რეკომენდებულია 200 მგ კალციუმი დღეში, 6-12 თვის ასაკში – 260 მგ, 1-დან 3 წლამდე ასაკის ბავშვებისთვის – 700 მგ, 4–8 წლის ასაკისთვის – 1000 მგ., 9–დან 18 წლის ასაკში კალციუმის დღიური დოზა – 1300 მილიგრამია, 19–50 წლამდე – 1000, 50 წლიდან კი – 1200 მილიგრამი დღეში.
ორსულობისა და ლაქტაციის პერიოდში, მოზრდილთა ასაკში რეკომენდებულია 1000 მგ. კალციუმი დღეში, იმავე პერიოდში თინეიჯერთა ასაკში რეკომენდებულია – 1300 მგ. კალციუმი დღეში.
- როდის იზრდება კალციუმის დეფიციტის განვითარების რისკი? რას უნდა მიექცეს ყურადღება?
არსებობს პაციენთა ჯგუფი, დაავადებათა ჩამონათვალი, როდესაც მაღალია რისკი კალციუმის დეფიციტის განვითარებისა, კერძოდ: ლაქტულოზას მიმართ ინტოლერანტობა, როდესაც ლიმიტირებულია რძის პროდუქტების მიღება; ოსტეოპოროზი; ხანგრძლივი დროის მანძილზე კორტიკოსტეროიდების მიღება; ვეგეტარიანული დიეტა; საჭმლის მომნელებელი სისტემის პათოლოგიები, რომლებიც ხელს უშლის კალციუმის შეწოვას; თირეოიდულ ჰორმონთა შენაცვლებითი თერაპია, რკინის პრეპარატი, გარკვეული სახეობის ანტიბიოტიკი და დიდი რაოდენობით კოფეინი.
- როგორი სიმპტომები ვლინდება კალციუმის დეფიციტის დროს?
კალციუმის დეფიციტი ჩვილ ბავშვებში იწვევს რაქიტს, საკვებთან ერთად კალციუმის არასაკმარისი მიღება ამცირებს ძვლოვანი ქსოვილის სიმყარეს, ზრდის ოსტეოპოროზის განვითარების რისკს, მაგნიუმის დეფიციტი, თავის მხრივ, ხელს უწყობს კალციუმის დონის შემცირებას. ჰიპოკალცემიას ახასიათებს შემდეგი ჩივილები: კუნთებისა განვითარების ჩამორჩენა, სისუსტე, კრუნჩხვა, გულის რითმის დარღვევა, მადის გაუკუღმართება, აგზნებადობის მომატება, ოფლიანობა, კანის სიმშრალე და ფრჩხილების მტვრევადობა.
- რა ლაბორატორიული კვლევით შეიძლება დადგინდეს კალციუმის დეფიციტი?
კალციუმის მხოლოდ 1% ცირკულირებს სისხლში, დანარჩენი ნაწილი ძვლებშია წარმოდგენილი. საერთო კალციუმის ანალიზი რუტინულად ინიშნება ჯანმრთელობის ზოგადი მდგომარეობის შეფასებისას, მაგრამ ზოგჯერ მხოლოდ ამ ტესტის ჩატარება საკმარისი არ არის. უპირატესობა იონიზებული კალციუმის ანალიზს ენიჭება, რადგან არსებობს მთელი რიგი ფაქტორები, რომელთაც შეუძლიათ საერთო კალციუმის დონე შეცვალონ, მაგრამ იონიზებული კალციუმის რაოდენობა შესაძლოა მაინც უცვლელი დარჩეს. იონიზებული კალციუმის ტესტს უპირატესობა ენიჭება: როდესაც პაციენტს ღვიძლის ან თირკმლის ქრონიკული დაავადება აქვს, როდესაც სისხლში ალბუმინის დონე დაბალია, ახალშობილებში ნეონატალური ჰიპოკალცემიის მონიტორინგისთვის და სხვა დაავადებების დროს.
- როგორ უნდა შეივსოს კალციუმის ნაკლებობა ადამიანმა, რომელი პროდუქტები შეიცავს მას ყველაზე დიდი რაოდენობით?
კალციუმი ყველაზე დიდი რაოდენობით წარმოდგენილი არის შემდეგ ბუნებრივ პროდუქტებში: ყველი, რძე, ხმელი ლობიო, სოიო, ისპანახი, ფორთოხალი, მწვანილი, პომიდორი, თევზი და ბროკოლი.
- კალციუმის შემცველი მედიკამენტების მიღება, ექიმის დანიშნულების გარეშე საფრთხის შემცველია? იწვევს თუ არა მათი ჭარბი რაოდენობით მიღება რაიმე გართულებებს?
კალციუმი არასარეცეპტო პრეპარატთა ნუსხაშია, თუმცა სასურველია ექიმის რეკომენდაციის საფუძველზე მოხდეს დანიშნულება. ჭარბი რაოდენობით კალციუმის მიღება არ არის რეკომენდებული, რადგან შესაძლოა გამოვლინდეს გვერდითი ეფექტები. კვლევების თანახმად კალციუმის მაღალი კონცენტრაცია სისხლში შესაძლოა გახდეს გულსისხლძარღვთა სისტემის სხვადასხვა დაავადების მიზეზი.
ერთკვირიანი სწავლება ახალგაზრდების ლიდერული უნარების განვითარებისთვის
ტრენინგი მოიცავს პრეზენტაციებს,პრაქტიკულ სამუშაოებს იდეების განსახორციელებლად, გუნდურ სამუშაოებს, ბრეინშტორმინგის სესიებს, დისკუსიებს, energizer-სა და ice-breaker -ს. სწავლებაში მონაწილეობა მე-8-12 კლასის მოსწავლეებს შეუძლიათ.
მსურველებმა ტრენინგში მონაწილეობის მისაღებად უნდა დაუკავშირდეთ რეგიონის ახალგაზრდულ ცენტრს იმ მუნიციპალიტეტში, სადაც ცხოვრობთ, ან ელექტრონულ ფოსტაზე: info@yea.ge
სწავლება აჭარის სპორტისა და ახალგაზრდობის საქმეთა დეპარტამენტის თანადაფინანსებით ერთჯერადი თავისუფალი პროექტების ფარგლებში ხორციელდება.