Batumelebi | ბათუმში განზრახ მკვლელობის მცდელობის ფაქტზე ერთი პირი დააკავეს ბათუმში განზრახ მკვლელობის მცდელობის ფაქტზე ერთი პირი დააკავეს – Batumelebi
RU | GE  

ბათუმში განზრახ მკვლელობის მცდელობის ფაქტზე ერთი პირი დააკავეს

 

17 სექტემბერს, განზრახ მკვლელობის მცდელობის ბრალდებით ბათუმში, 1991 წელს დაბადებული, წარსულში ნასამართლევი გიორგი მ.  დააკავეს.

შს სამინისტროს ცნობით, დაკავებულმა 17 სექტემბერს ბათუმში, თბილისის მოედანზე, ურთიერთშელაპარაკების ნიადაგზე, 1971 წელს დაბადებულ ზვიად გ-ს ცივი იარაღით ორი ჭრილობა მიაყენა.

დაჭრილი მამაკაცი ბათუმის რეფერალურ საავადმყოფოში გადაიყვანეს, მისი ჯანმრთელობის მდგომარეობა მძიმეა.

აჭარის მთავარი სამმართველოს ბათუმის საქალაქო სამმართველოს თანამშრომლებმა ბრალდებული შემთხვევის ადგილის მიმდებარე ტერიტორიაზე, მომხდარიდან რამდენიმე წუთში დააკავეს. დანაშაულის ჩადენის იარაღი – დანა ნივთმტკიცებად ამოიღეს. შს სამინისტროს ცნობით, დაკავებული აღიარებს ჩადენილ დანაშაულს.

გამოძიება განზრახ მკვლელობის მცდელობის ფაქტზე მიმდინარეობს (საქართველოს სსკ-ის 19-108-ე მუხლით).

ნეტგაზეთის მასალების სხვა გამოცემებში გადაბეჭდვის წესი
"ბათუმელები"