სამინისტროს პრესსამსახურის განმარტებით, ომარ როდონაიას არასოდეს მიუმართავს დევნილის სტატუსის მოთხოვნით სამინისტროსთვის, შესაბამისად მას არა აქვს დევნილის სტატუსი, ამიტომაც კანონმდებლობით არადევნილის ბინით უზრუნველყოფას სამინისტრო ვერ განახორციელებს. სამინისტროს პრესსამსახურის განცხადებით, ომარ როდონაიას მდგომარეობას სამინისტროს ტერიტორიული სამმართველოს თანამშრომლები შეისწავლიან.
ომარ როდონაიას სამართლებრივ დახმარებას საქართველოს ახალგაზრდა იურისტთა ასოციაციის აჭარის ფილიალი უწევს. ფილიალის ხელმძღვანელის, გიორგი ხიმშიაშვილის თქმით, როდონაიას უარი უთხრეს დევნილის სტატუსის დადგენაზე.
“გვინდა აღვნიშნოთ, რომ ომარ როდონაიამ 2015 წლის 8 ივნისს განცხადებით მიმართა იმერეთის, გურიის რაჭა-ლეჩხუმისა და ქვემო სვანეთის რეგიონებისა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობას, რომელიც განიხილავს დევნილის სტატუსის დადგენის განცხადებებს.
წარმომადგენლობამ მას უარი უთხრა დევნილი სტატუსის დადგენის თაობაზე. აღნიშნული უარი ომარ როდონაიამ საიას აჭარის ფილიალის დახმარებით გაასაჩივრა სასამართლოში აგვისტოში და მას შემდეგ ველოდებით სასამართლო სხდომის დანიშვნას. სამწუხაროდ საქმის გაჭიანურება ნეგატიურად მოქმედებს ომარ როდონაიას მდგომარეობაზეც, ვინაიდან სტატუსის დაუდგენლობა მას ართმევს შესაძლებლობას, ისარგებლოს იმ სოციალური პროგრამებით, რომლებიც დადგენილია დევნილებისთვის. ხოლო სოციალური დაუცველის დახმარება, რომელსაც იგი იღებს სახელმწიფოსგან, არ არის საკმარისი ნორმალური საცხოვრებელი პირობების შესაქმნელად. რაც შეეხება იმას, თუ რამდენად კანონიერად ეთქვა უარი დევნილის სტატუსის მინიჭებაზე, ამაზე სასამართლო იმსჯელებს და შესაბამის გადაწყვეტილებას მიიღებას, მაგრამ მიგვაჩნია, რომ დევნილის სტატუსზე უარის გადაწყვეტილება არის უკანონო, ვინაიდან იმ მტკიცებულებებს, რომელიც ომარმა წარუდგინა ადმინისტრაციულ ორგანოს, არ მიეცა სწორი სამართლებრივი შეფასება,” – განაცხადა “ბათუმელებთან” საქართველოს ახალგაზრდა იურისტთა ასოციაციის აჭარის ფილიალის თავმჯდომარემ გიორგი ხიმშიაშვილმა.
სოფელ ერგეში ე/წ ბაშკო ეკალაურში მოქალაქე რევაზ ზოიძის საცხოვრებელ სახლთან ჩამოწვა მეწყერი; – სოფელ ახალშენის მეურნეობაში მოქალაქე დათო სოლომონიძეს საცხოვრებელი სახლის მეორე სართულის ხის ნაგებობა დაზიანდა, ოჯახი გადაყვანილია მეზობლად; – სოფელ ქედქედში მოქალაქე ლუბა არჯევანიძის სახლთან ჩამოწვა მეწყერი; – სოფელ კირნათში მოქალაქე ასლან გაბიტაძის საცხოვრებელი სახლის სახურავი დაზიანდა; – სოფელ კირნათში დაზიანებულია ცენტრალური გზა; – მაჭახლის ხეობაში და ასევე სოფელ ერგეს არ მიეწოდება ელექტროენერგია; – სოფელ ქედქედში მოქალაქე მამუკა მსხალაძის საცხოვრებელ სახლს დაეცა ხე, დაზიანებულია სახურავი; -სოფელ ქედქედში მოქალაქე ქამილ შაშიკაძის საცხოვრებელ სახლს ძლიერმა ქარმა ახადა სახურავი; -.სოფელ ქედქედში მოქალაქე გიორგი მსხალაძის ნალიას დაეცა ხე და დაზიანებულია სახურავი; – სოფელ კაპრეშუმში მოქალაქე მერაბ მალაყმაძის საცხოვრებელ სახლთან დაზიანდა გაბიონი ოჯახი გადაყვანილია ნათესავთან; – სოფელ მარადიდში დიდმანიძე მევლუდის საცხოვრებელ სახლს სრულად გადახადა სახურავი.
ქედა
დაბა ქედა – უნივერმაღის შენობას სახურავი გადახადა;
ძენწმნში აბაშიძე ემზარის სახლს სახურავი გადახადა; ბერიძე შახზადის სახლს სახურავი აქვს გადახდილი; სოფლის ადიდებულმა მდინარემ მოხეთქა ხატიჯე ღოღობერიძის საკარმიდამო მიწის ნაკვეთი 15 მეტრის სიგრძეზე, რამაც საფრთხე შეუქმნა მის პირუტყვის სადგომს და სოფელ ორცვის სამანქანე გზაზე არსებულ ხიდს; ჩხეიძე ჩიტოს სახლს სახურავი აქვს გადახდილი; კორომხეთის გზაზე მეწყერია ჩამოწოლილი; შევაბურში გზაა ჩაკეტილი; მახუნცეთი – ძლიერმა ქარმა ჟოჟაძის, რეზო სურმანიძის სახლებს ახადა სახურავი; უჩხითის გზაზე მეწყერი იყო განვითარებული ( გზა ამ ეტაპისთვის გახსნილია) სინათლის ბოძებია წაქცეული; ზუნდაგაში მდინარე გადმოვიდა გზაზე, აკაციის ხეა წაქცეული; ქვედა მახუნცეთის ცენტრალურ გზაზე განვითარდა მეწყერი (გაიწმინდა); ქვედა მახუნცეთში ხუსეინ შარაბიძის გარაჟი წაიღო მეწყერმა; კურცხალიძე ახმედის სახლთან განვითარებულია მეწყერი ( ოჯახი გახიზნულია); ასლან შარაბიძის, კახიძე ჯემალის, მერაბ შარაბიძის და რეზო თავდგირიძის სახლთან მეწყერებია განვითარებული (გახიზნულია ოთხივე ოჯახი); მეწყერია გურჯოღლების უბანში; დოლოგანში 4 ოჯახია გახიზნული ძველი სკოლის შენობიდან; დატბორილია სავარგულები;
პირველი მაისი – მახარაძე მერაბის ნალიას და სახლს, წითელაძე შუქრი სახლის ნახევარს, გურგენიძე თემური სახლს და ბოსელს ძლიერმა ქარმა ახადა სახურავი; გურგენიძე ვახტანგის სახლს მეწყერი უქმნის საფრთხეს; სოფელი აგარა იყო ჩაკეტილი ( გახსნილია გზა); სამნიძეების უბანში 3 ადგილას მცირე მეწყერებია; თებიძე სულეიმანის ეზოში მიწის მასაა სახლზე მიყრილი; ლევან სამნიძის ეზოში ჩამოწვა მეწყერი; ყადიძე რიზმანის სახლთან მეწყერია ჩამოწოლილი და სახლს ბზარებია აქვს; ოქტომბერი – ზაურ ჩხიკვაძის საცხოვრებელ სახლს ნაწილობრივ გადახადა სახურავი; ასლან მახარაძის მისასვლელ სახლთან ჩამოწვა მეწყერი და გზაა ჩახერგილი; აგოთაში დავით დუმბაძის ბოსელს და ნალიას გადახადა სახურავი; გოგინიძეებში გზა თითქმის გაუვალია; ქვედა აგოთას უბანში მისასვლელი გზაა ჩახერგილი; აგოთაში იაშა დუმბაძის (არსენი) საცხოვრებელი სახლი ნაწილობრივ გადახდილია; ზვარე – კვაშტაში კლუბს გადახადა სახურავი; ვაიოში ოთარ ლორთქიფანიძის სახლს გადახადა სახურავი; ზვარის დასაწყისში და სირაბიძეებში გზას აქვს პრობლემა (მანქანები მოძრაობენ); წონიარისი – გოგიტიძე გენადის სახლს ნახევრად ახადა საურავი; აბუქეთაში სოფლის ცენტრში მეწყერია; ვარჯანისში შიდა გზაა ჩაკეტილი (ალტერნატიული გზა არის); ხასან ტაკიძის სახლთან მისასვლელ გზაზე მეწყერია; კვირიკაძე შუქრის საკარმიდამოში წყალია შემოჭრილი; ნავანებში დავით თედორაძის სახლს და ბოსელს სახურავი აქვს ახდილი;
შუახევი
ძლიერმა წვიმამ დააზიანა ელექტროგადამცემი ხაზები; დაზიანდა 4 ქვესადგური; – უმეტეს სოფელში დაზიანებულია საცხოვრებელი სახლების და სხვა შენობა-ნაგებობების სახურავები; – დღვანის, ვანის, ხაბელაშვილების, უჩამბის მიმართულებით ჩაკეტილია საავტომობილო გზები; სოფ, ტაკიძეებიდან, ჭვანიდან და გომარდულიდან უსაფრთხოების მიზნით გახიზნულია 3 ოჯახი.
ხულო
მეწყერი ჩამოწვა ბათუმი-ახალციხის საავტომობილო გზის „კათხევას“ მონაკვეთზე, დიდი რიყეთის სოფლის გზაზე, სოფელ ზემო ვაშლოვანში გადაიხადა დათო და კაკო აბულაძეების საცხოვრებელი სახლები, ხოლო ზურაბ, ბადრი და იგორ აბულაძეების ბოსელს ნაწილობრივ გადახადა სახურავები. ფაჩხაში ბახმაროს დაწყებით სკოლას გადახადა მთლიანად სახურავი, ხოლო ნოდარ მახარაძის საცხოვრებელი სახლის სახურავი, სოფელ ქურდულში ნაწილობრივ ახადა ლომინაძე ავთანდილის სახლის სახურავი, სოფელ ბოძაურში მიხეილ გელაძის ბოსელის სახურავი, აგარაში არჩილ და იოსებ მგელაძეების სახლის სახურავები, მურმან და ნოდარ მგელაძეების ბოსლის სახურავები, რაქვთაში სკოლის სახურავის ნაწილი, წაბლანაში ზაურ საინიძის სახლის სახურავი მთლიანად გადახადა, კვატიაში ტარიელ და ტამაზ ხოზრევანიზეების სახურავის ნაწილი, ჩაოში გენად ცეცხლაძის სათივისა და დამხმარე ნაგებობების სახურავი, კორტოხში ამირან, მევლუდ, მუღემბერ პაქსაძეების სახლის სახურავის ნაწილი,ხოლო ომარ, როლანდ, თამაზ, სულიკო, პაქსაძეების ბოსლის სახურავი ნაწილობრივ, სოფელ პაქსაძეებში მთლიანად გადახდილია მერაბ შავაძის სახლის სახურავი, ნათელა პაქსაძის სახლის ნაწილი, სოფელ ბერლეთში ვიქტორ და გურამ კახაძეების სახლის სახურავის ნაწილი, მიხეილ შავაძის სათივე და ბოსელი.
ხულო-ახალციხის გზაზე განვითარებულია მეწყერული პროცესები, მიმდინარეობს გაწმენდითი სამუშაოები, მოძრაობა არ არის შეწყვეტილი; გოდერძის უღელტეხილზე არის თოვლი თოვლი, ნამქერი, ტექნიკა მუშაობს რომ არ ჩაიკეტოს მოძრაობა;
ბათუმში წყალი არ მიეწოდება ძველი ქსელის აბონენტებს.
ეს მონაცემები ჟურნალისტებს აჭარის ჯანმრთელობისა და სოციალური დაცვის მინისტრმა, ნუგზარ სურმანიძემ 11 საათისთვის გააცნო, თუმცა მთავრობის ცნობით ინფორმაცია 10 საათისთვისაა გადამოწმებული და იგი ყოველ წუთში იცვლება.
ბათუმის მერიის ინფორმაციით, [12 საათი] ბათუმში მოსულ უხვ ნალექსა და ძლიერ ქარს ქალაქისთვის მნიშვნელოვანი ზიანი არ მიუყენებია. ერთდროულად მოსულმა უხვმა ნალექმა პრობლემები შექმნა რიგ ქუჩებზე, ყველა სანიაღვრე არხი მუშაობდა სრული დატვირთვით. საგანგებო სიტუაციათა მართვის სამსახურში დაფიქსირდა 35 გამოძახება. შპს ,,ბათუმის წყლის“ ცხელ ხაზზე გამოძახება არ დაფიქსირებულა. შტორმის გამო იკეტებოდა ზღვაში გამსვლელი არხები, სადაც 24 საათიან რეჟიმში მუშაობდა სპეციალური ტექნიკა. ამჟამად ყველა არხი გაწმენდილია. უკვე გასუფთავებულია შტორმის გამო დანაგვიანებული ზღვის სანაპირო ზოლი. ძლიერმა ქარმა ქალაქის ტერიტორიაზე 10-მდე ხე წააქცია. მახინჯაურში ხის წაქცევამ დროებით შეაფერხა მოძრაობა ქობულეთი-ბათუმის საავტომობილო მაგისტრალზე. დაზიანდა რამდენიმე სახლის სახურავი. ამ დროისთვის ქალაქის 13-ვე ადმინისტრაციულ ერთეულში სტაბულური მდგომარეობაა.
Vivus.ge-ს სწრაფი და ხელმისაწვდომი სესხის სარგებლობის მსურველებს უკვე შეუძლიათ გაიარონ ონლაინ რეგისტრაცია აღნიშნულ აპლიკაციაში და ისარგებლონ საუკეთესო პირობებით.
აპლიკაციის საშუალებით მომხმარებლებს შეუძლიათ აიღონ Vivus.ge-ის პირველი სესხი, რომელზეც საკომისიო 0%-ია და განმეორებითი სესხი, რომლის აღების შემთხვევაშიც საუკეთესო პირობებით ისარგებლებენ.
აპლიკაცია გვაძლევს საშუალებას შევამოწმოთ უკვე არსებული სესხი, გადავავადოთ ან დავფაროთ ის. აპშიც შესაძლებელია კალკულატორის გამოყენება, რომელიც ვიზუალურად გვაჩვენებს არჩეულ თანხას, სესხის დაფარვის თარიღსა და საკომისიოს.
კომპანიის ცნობით, ელექტროენერგიის მიწოდება დღის განმავლობაში, ეტაპობრივად აღდგება.
აჭარაში უამინდობის გამო მიყენებული ზარალის ოდენობა ჯერჯერობით უცნობია. აჭარის მთავრობაში საგანგებო შტაბი უკვე შეიქმნა და 11 საათზე ბრიფინგია დანიშნული.
ძლიერი ქარისა და წვიმის შედეგად ჩაქვში მცხოვრები ერთ-ერთი ოჯახი ღია ცის ქვეშ დარჩა. გამგებლის ინფორმაციით, უამინდობის დროს, ხის სახლი მთლიანად დაინგრა. სახლში მყოფებმა მიიღეს დაჟეჟილობები, ისინი საავადმყოფოში გადაიყვანეს, თუმცა ამ დროისთვის შინ არიან გაწერილები და თავს მეზობლებსა და ნათესავებს აფარებენ.
ქობულეთის გამგებელმა ჯერჯერობით არ იცის, დაეხმარება თუ არა სახელმწიფო დაზარალებულ ოჯახს, რადგან სახლი, რომელიც ჩამოინგრა, თვითნებურად აშენებული იყო და სამართლებრივად მასზე საკუთრების უფლება დაზარალებულებს არ გააჩნდათ.
ქობულეთის მუნიციპალიტეტში ამ საკითხის შესწავლას გეგმავენ.
მეჯინისწყლის დასახლებაში რამდენიმე ადგილას ქარმა ევკალიპტის ხეები დაგლიჯა. ხელვაჩაურში კი ძლიერი წვიმის შემდეგ მეწყერი ჩამოწვა სოფელ ერგესა და ახალშენის გზაზე. ხელვაჩაურის გამგებლის თანაშემწის ინფორმაციით, მიმდებარე ტერიტორიაზე მოსახლეობას საფრთხე არ ემუქრება. ხელვაჩაურში ელექტროენერგიის მიწოდება აღდგენილია, ამ წუთებში ელექტროენერგია მხოლოდ მაჭახლის ხეობის სოფლებს არ მიეწოდება.
ომარ როდონაია მიწური სახლის, ე.წ. „ბარაკის“ ერთ ოთახში ცხოვრობს. კედელზე შპალერი ჩამოხეულია, ფანჯარაზე ძველი ქსოვილი ფარდის მაგივრობას სწევს, დაბალ მაგიდაზე წიგნი, ჟურნალ-გაზეთები და რადიო ალაგია, ოთახის კუთხეში ელექტროქურაზე ჩაიდანი და ქვაბია. ამ ნესტიან ოთახში ომარი უკვე ექვსი წელია ცხოვრობს, იმ იმედით, რომ ერთხელაც მის თხოვნას ვინმე გაითვალისწინებს და მცირე საცხოვრებელ ფართობს გამოუყოფენ.
ომარ როდონაია
„გულგრილობა, – ამას დავარქმევდი იმ დამოკიდებულებას, რაც ჩემი მდგომარეობის მიმართ არის. არაერთი განცხადება, თხოვნა მაქვს დაწერილი. სახალხო დამცველი, უჩა ნანუაშვილიც იყო ჩემთან, მაგრამ წლები გადის და არაფერი. ელემენტარულ საცხოვრებელ პირობებს ვითხოვ, არაფერს განსაკუთრებულს, ერთი პატარა ოთახი მინდა, რომ ისე ვიცხოვრო, როგორც ადამიანის ღირსებას შეეფერება. ჩემთვის ყოველი დღე არის წამება, არ უყვართ აქ შეზღუდული შესაძლებლობების ადამიანები, თორემ, არ მჯერა, რომ შეუძლებელია ჩემი პრობლემის მოგვარება,“ – ამბობს ომარი.
ოთახი, სადაც ომარი ცხოვრობს, მას არ ეკუთვნის. ამბობს, რომ ექვსი წლის წინ აქ ნაცნობ-მეგობრების ხელშეწყობით დასახლდა. ბინის ქირას არ იხდის. ომარი სოციალურად დაუცველია, ყოველ თვე სახელმწიფოსგან 50-ლარიან დახმარებას და პენსიას იღებს. „მე მყოფნის ეს ფული გამოსაკვებად, ბევრი არც მჭირდება. ჩემი ერთადერთი საზრუნავი არის პატარა ოთახი, სადაც ადამიანურად ვიცხოვრებ,“ – ამბობს ომარი.
ომარი გალში დაიბადა, დედ-მამა ბავშვობაში გარდაეცვალა და საბავშვო სახლში ცხოვრობდა. მერე პროფესიულ სასწავლებელში ჩააბარა, უმაღლესი განათლების მიღებაც უნდოდა, თუმცა ვერ შეძლო: „ახალგაზრდა ვიყავი, მისწრაფებები მქონდა, მაგრამ ვერ მოვახერხე, არ წავიდა ცხოვრება ისე, როგორც საჭირო იყო. მერე ბათუმში ჩამოვედი, ჩემი ჯანმრთელობისთვის ზღვასთან ყოფნა იყო მნიშვნელოვანი. ჯერ მეგობრებთან ვცოხვრობდი რუსთაველზე, ბარაკებში, მერე, ბარაკები რომ აიღეს, აქ გადმოვედი,“ – მიამბობს ომარი.
საუბრის დასასრულს ომარი მაცილებს და მეკითხება, რა შეიძლება მოჰყვეს ამ სტატიის დაბეჭდვას, წაიკითხავენ თუ არა ის ადამიანები, ვისაც გადაწყვეტილების მიღება და მისი ცხოვრების შეცვლა შეუძლიათ. „დეკემბერში 50 წლის ვხვდები, რა იქნება, რომ ვინმემ შეცვალოს ის, რისი შეცვლაც მე არ შემიძლია. …მე კიდევ ვეცდები, იქნებ ვინმემ, ხელისუფლებამ, ბიზნესმენებმა, გაითვალისწინონ ჩემი გაუსაძლისი მდგომარეობა, მადლია, მადლი,“ – ამბობს ომარი.
შენიშვნა: სტატიის გამოქვეყნების შემდეგ ბატონ ომარ როდონაიას დახმარების სურვილი გამოთქვა ძალიან ბევრმა ადამიანმა საქართველოდან. შესაბამისად, ვაქვეყნებთ მის ანგარიშის ნომერს.
ძალადობის ამსახველი კადრების გავრცელება ახლა, როცა უკვე ცნობილია მსგავსი კადრების არსებობის შესახებ, რამდენად მიზანშეწონილია თქვენი აზრით?
თამარ გურჩიანი
ვფიქრობ, არანაირი ინფორმაციული ღირებულება ამ კადრებს ახლა არა აქვთ. ასე წამების მსხვერპლები პრაქტიკულად ხელახალ წამებას და არაადამიანურ მოპყრობას ექვემდებარებიან, ოღონდ ახლა მთელი სახელმწიფოსა და საზოგადოების მხრიდან. როგორც კი ამ ადამიანების ტკივილისა და ტანჯვის ინსტრუმენტალიზაცია მოახდინა სახელმწიფომ, მათი ტკივილი და ტანჯვა, დარწმუნებული ვარ, გაასმაგდა და შეუძლებელია ნებისმიერმა სახელმწიფომ ამაზე უფრო ცინიკური პასუხი გასცეს წამებას.
ხელისუფლება ამბობს, რომ მას არ მიუძღვის წვლილი ამ კადრების გავრცელებაში. ვის ინტერესებში შეიძლება შედიოდეს მათი გავრცელება?
ეს ცალსახად სახელმწიფოს პასუხისმგებლობაა. ეს საგამოძიებო მასალებია, რომელიც, მათივე განმარტებით, იმიტომ არ განადგურდა, რომ სისხლის სამართლის დანაშაულის მტკიცებულება იყო. ვინ არის პასუხისმგებელი მტკიცებულებების შენახვაზე – სახელმწიფო თუ კერძო ჯგუფები?! ამიტომ, ცალსახად სახელმწიფოს პასუხისმგებლობაა ამ კადრების გავრცელება. ეს რომ იყოს საბოტაჟი კერძო ჯგუფების მხრიდან, მაშინ ხელისუფლების რიტორიკა იქნებოდა სრულიად სხვანაირი და არა შურისძიების ტონით გამსჭვალული. ეს კარგად გამოჩნდა პრემიერ-მინისტრის გამოსვლაში, მას ჰქონდა შურისძიების ტონი, ის არ ნანობდა ამ კადრების გავრცელების ფაქტს და იყენებდა ამას თავისი პოლიტიკური მიზნებისთვის. მხოლოდ ეს ტონია საკმარისი იმაში დასარწმუნებლად, რომ წამების კადრების გავრცელება ხელისუფლების პასუხისმგებლობაა.
ქვეყნის პრემიერის განცხადებით, „ნაციონალურმა მოძრაობამ მადლობა უნდა მოიხადოს, რომ ხალხმა იგივე არ გაუკეთა, რაც ამ ვიდეოში ხდება“. თქვენი აზრით, არის თუ არა ეს პოლიტიკური ოპონენტების მიმართ ძალადობის წახალისება?
აბსოლუტურად. ეს იყო სრულიად უპასუხისმგებლო, შოკისმომგვრელი და მიუღებელი განცხადება. ჩემი აზრით, ეს განცხადება ცალსახად უნდა დაგმოს კოალიცია „ქართულმა ოცნებამ“, რადგან თუ ეს შეცდომა არ იქნება ახლა რაღაცნაირად გამოსწორებული და უკან არ დაიხევენ, მაშინ პრაქტიკულად გამოდის, რომ პრემიერმა ერთი ჯგუფი დაუპირისპირა მეორე ჯგუფს. ამას არავითარ შემთხვევაში არ უნდა აკეთებდეს ქვეყნის მეთაური, ეს წარმოუდგენელია.
ამ კადრების ხელახალ გავრცელებას მეორე დღესვე მოჰყვა ორგანიზებული შეტევა „ნაციონალური მოძრაობის“ ოფისებზე მთელი ქვეყნის მასშტაბით. თქვენი აზრით, მოსალოდნელია თუ არა პოლიტიკური ანგარიშსწორების პროცესის გაგრძელება?
მე ვფიქრობ, როგორც „რუსთავი 2“-ის დავის შემთხვევაში ხელისუფლების პასუხი იყო ის, რომ ეს არის დავა კერძო პირებს შორის, ზუსტად ამავე პოლიტიკას გაატარებს ასეთი ტიპის ძალადობასთან დაკავშირებითაც ხელისუფლება. ანუ კერძო სიბრტყეზე გადმოიტანს ამ ძალადობას, იტყვის, რომ მე არაფერ შუაში ვარ, არსებობს ბრაზი და აღშფოთება და ის იმდენად დიდია, რომ მართვადი არ არის ჩემი მხრიდან. ხელისუფლებამ უნდა შეიგნოს, რომ ძალადობა არის საჯარო საკითხი, როგორც კი ძალადობა გახდება კერძო, მისი მართვა ხელისუფლებას გაუჭირდება. თავიდან შეიძლება ამ უმართაობით მცირე პოლიტიკური მოგება მიიღოს, მაგრამ საბოლოოდ ეს თავად ამ ხელისუფლებასაც შეიწირავს, რადგან როგორც კი ძალადობის მართვა არ ხდება და მისი გამოყენება იწყება პოლიტიკურ იარაღად, ეს პროცესი აუცილებლად კატასტროფით მთავრდება და ამ ხელისუფლებას ეს უნდა ესმოდეს.
უცნაურია, რომ 2012 წლის წინასაარჩევნო კამპანია არ არის მათთის კარგი გაკვეთილი. წინა მთავრობა უამრავ მეთოდს იყენებდა პოლიტიკური ოპონენტების დასათრგუნად, ეს მეთოდები პირდაპირიც იყო, ირიბიც, მაგრამ ხალხმა და საერთაშორისო საზოგადოებამაც პასუხი გასცა მათ.
პოლიტიკური ოპონენტების დევნა არის არასწორი, ადამიანების ღირსებით და სიცოცხლით მანიპულირება არის არასწორი, თუ ეს პროცესი სხვა რელსებზე არ გადავიდა, მაშინ წინასაარჩევნო კამპანია იქნება სრულიად ველური და ეს აუცილებლად გამოიღებს იმავე შედეგს, რა შედეგიც 2012 წელს დადგა, რომ მიუხედავად ძალაუფლების ქონისა და სამთავრობო რესურსისა, ხალხი მაინც არ ირჩევს იმას, ვინც ძალადობს.
როგორ შეიძლება აისახოს ეს პროცესები საზოგადოებაზე, რომელიც უკვე მერამდენედ უყურებს წამების კადრებს. ხომ არ მოხდება ისე, რომ, უბრალოდ, შევეჩვევით სადისტური სცენების ყურებას?
ვფიქრობ, ჩვენი საზოგადოება უკვე შეჩვეულია ამას, სამწუხაროდ. წამების კადრების გავრცელებას არ ექნებოდა არანაირი მნიშვნელობა, მას აუდიტორია რომ არ ჰყავდეს. ჩვენ, სამწუხაროდ, მოწმეები ვართ ამ წამების, ყველა ჩვენგანი ჩართულია წამების პროცესში მოწმის სახით და ეს გამოუსწორებელ ზიანს გვაყენებს როგორც პიროვნულად, ასევე ზიანს აყენებს ჩვენს საზოგადოებას. ჩვენ უკვე აღარ ვიცით, როგორც საზოგადოებას, რა მორალური კომპასი გვაქვს, საერთოდ სანამდე შეგვიძლია ამ დამცირების ატანა. ერთია, რომ ჩვენ, როგორც საზოგადოებამ მივიღეთ დიდი დარტყმა, რადგან ჩვენი თანამოქალაქეები იყვნენ წამებაში ჩართული და ასევე ჩვენი თანამოქალაქეები იყვნენ წამების მსხვერპლი, მეორე არის ის, რომ ამ ყველაფრის მოწმე და თვითმხილველი გავხდით და ჩვენ, როგორც საზოგადოებამ, ვერ მოვთხოვეთ ჩვენს ხელისუფლებას, რომელიც დაქირავებული გვყავს, რომ სათანადოდ გააკეთოს ამ ყველაფერზე რეაგირება, რომ მსხვერპლთა რეაბილიტაციაც მოხდეს და დამნაშავეების დასჯაც.
ხელისუფლება წამების კადრებზე საუბრისას მიუთითებს „ნაციონალური მოძრაობის“ პასუხისმგებლობაზე. ამის პარალელურად ხელისუფლების ოპონენტები ამბობენ, რომ დღემდე არსებითი არაფერი გაკეთებულა დამნაშავეების დასასჯელად და არც წამების მსხვეპლთა რეაბილიტაციისთვის. რაზე მიუთითებს ეს თქვენი აზრით?
ცალსახაა, რომ ყველა იმ ადამიანის პასუხისმგებლობა უნდა დადგეს, ვინც მაშინ ჩართული იყო წამებაში ან თვალს ხუჭავდა ამაზე. ეს ხალხი წინა მთავრობის რიგებში უნდა ვეძებოთ, მაგრამ ასევე, ყველა, ვინც მანიპულირებს წამების თემით, ყველა, ვინც გვპირდებოდა და არ გააკეთა ყველაფერი იმისათვის, რომ წამების მსხვერპლთა რეაბილიტაცია და მოძალადეთა დასჯა მომხდარიყო, ისინიც პასუხს აგებენ. უკვე დიდი დროა გასული 2012 წლის სექტემბრის მერე, როცა ჩვენ ამ ყველაფრის შესახებ გავიგეთ და უკვე მხოლოდ „ნაციონალურ მოძრაობას“ ვერ დავაკისრებთ პასუხისმგებლობას, პასუხიმგებლობას იზიარებს „ქართული ოცნებაც“, ჩემი აზრით.
ეს ელემენტარული პროფესიული ეთიკის საკითხია. ეთიკური ადამიანი ამაში არ უნდა მონაწილეობდეს. ადამიანმა საკუთარ თავს კითხვა უნდა დაუსვას, არის თუ არა ის ადამიანი ადამიანი, რომელსაც აწამებდნენ, და თუ ამ კითხვაზე დადებით პასუხს მიიღებს, მაშინ მეორე კითხვა უნდა დაუსვას საკუთარ თავს: წამება არის თუ არა ადამიანისთვის ადამიანობის წართმევა, დეჰუმანიზაცია და ამაზეც დადებით პასუხს რომ მიიღებს, მერე მიხვდება, რომ ყველა ნახვით, ყველა გაზიარებით, ის ამ ადამიანის ხელახალ დეჰუმანიზაციას ახდენს, ადამიანობას ართმევს. ამის უფლება არავის აქვს. რაც უფრო მაღალია თანამდებობა, მით უფრო მაღალი უნდა იყოს პასუხისმგებლობა და პროფესიული ეთიკური სტანდარტები. ცალსახაა, რომ არავითარ შემთხვევაში ეს ხალხი ამას არ უნდა აკეთებდეს.
სამწუხაროდ. წამება ახლა არის პოლიტიკური ბრძოლის იარაღი. ეს სამარცხვინოა, ძალიან მტკივნეული და მძიმე პოლიტიკური წელი გველის წინ, ჩემი აზრით.
„ ფრაქციას ცოტა სხვაგვარი მუშაობა სჭირდება, რასაც თამაზ თურმანიძე ვეღარ ართმევდა თავს, ამიტომ ჩვენ ვიფიქრეთ და მივიღეთ მძიმე გადაწყვეტილება. ამ აზრზე შევჯერდით ყველა. რაც შეეხება იმას, რომ გადაწყვეტილება მის გარეშე მივიღეთ, ორი დღით ადრე იცოდა მან სხდომის შესახებ, მაგრამ არჩია, რომ ამ დროს ქალაქში არ ყოფილიყო, თამაზ თურმანიძე ფრაქციის წევრად რჩება და გააგრძელებს მუშაობას ფრაქციაში.“ – ამბობს დიმა დარჩია.
საკრებულოს „ქართული ოცნების“ ფრაქციაში 11 წევრია , თამაზ თურმანიძე სხდომას არ დასწრებია. დიმა დარჩიას ინფორმაციით, თამაზ თურმანიძის გადაყენების წინააღმდეგი არც ერთი არ ყოფილა.
თამაზ თურმანიძის თქმით, ის ხუთდღიანი შვებულებით დედაქალაქში იმყოფება და ფრაქციის სხდომის მოწვევის შესახებ სხდომის დაწყებამდე ნახევარი საათით ადრე გაიგო.
„არ ვიცი რატომ გადამაყენეს, ალბათ აქტიური არ ვიყავი,“ – ამბობს თამაზ თურმანიძე. ის ამბობს, რომ სხვა მიზეზებზე თბილისიდან დაბრუნების შემდეგ ისაუბრებს.
უნდა გითხრათ, რომ თქვენ დავალებებს არც თქვენი რელიგიური სააგენტო ასრულებს. ეს კი იმას ნიშნავს, რომ არ სრულდება აჭარაში მცხოვრები მუსლიმების თხოვნა – ქუჩაში რომ აღარ მოუხდეთ ლოცვის შესრულება, საჭიროა ბათუმში მეჩეთის აშენება.
ამ ყველაფრის გადმოსაცემად 7 ოქტომბერს ჩვენ, სპეციალური დელეგაცია 10 კაცის შემადგენლობით, თბილისში ჩამოვედით თქვენთან შესახვედრად. ვფიქრობდით, რომ თქვენ იყავით ჩვენი მხარდამჭერი და ამიტომაც გადავწყვიტეთ, რომ შეძლებდით ჩვენ მიღებას. ორი დღის განმავლობაში ველოდით თქვენთან შეხვედრას, მაგრამ ეს ვერ მოვახერხეთ.
რადგან არც თბილისში ჩამოსულებს მოგვისმინა არავინ, ამიტომ იძულებულები ვართ წერილობით მოგაწოდოთ ინფორმაცია და ჩვენი შეხედულებები.
არავისთვის არ არის საიდუმლო, რომ თქვენ ბობოყვათში 20 ჰექტარი მიწის ნაკვეთი და ათეულობით საპრეზიდენტო ნაგებობა გადაეცით საპატრიარქოს საკუთრებაში. გარდა ამისა, მართლმადიდებელი ქრისტიანებისთვის არაერთი ეკლესია-მონასტრის ასაშენებლად გამოყავით აჭარაში მიწის ნაკვეთები, და ეს მაშინ, როცა ჩვენთვის ჭაობის დასახლებაშიც კი არ მოხერხდა მიწის ნაკვეთის გადმოცემა ერთი მეჩეთის ასაშენებლად.
გაუგებარია, რატომ გვეუბნებით უარს ამაზე?
აქვე იმასაც გეტყვით, რომ დაყადაღებულია რამდენიმე სასულიერო პანსიონატი, ხოლო ხიჭაურის უნივერსიტეტი, რომლის მიზანიც აჭარაში მცხოვრებთა გაქრისტიანება არის, უფრო ფართოვდება.
სწორედ მთავრობის ეს პოლიტიკა თრგუნავს მუსლიმ მოსახლეობას.
თქვენ ამბობთ: „ჩემო ძმებო, ჩვენ განსხვავებული სარწმუნოება გვაქვს, მაგრამ სწორედ ეს განსხვავება და ჩვენი ძმობა არის ჩვენი ქვეყნის სიმდიდრე და ამის გარეშე საქართველოს არსებობა წარმოუდგენელია. ჩვენი ქვეყანა რელიგიური ტოლერანტობით და შემწყნარებლობით გამორჩეულიაო“. დიახ, ეს თქვენი სიტყვებია, მაგრამ ჩვენ ასე გვგონია, რომ ყველაფერი პირიქით ხდება.
რა პასუხი უნდა გავცეთ იმ ადამიანებს, რომლებმაც ბიძინა ივანიშვილის განცხადების შემდეგ ბათუმში მეჩეთის აშენებაზე ფულის შეგროვება დავიწყეთ და წარმატებითაც მიდიოდა ეს პროცესი. ბატონმა ბიძინამ სწორედ თქვენ დაგავალათ ბათუმში მეჩეთის მშენებლობის საკითხის გადაწყვეტა. ჩვენ გვინდოდა ბათუმში მეჩეთის ასაშენებელი მიწის ნაკვეთი მოგეყიდათ…
მას შემდეგ რამდენი წელი გავიდა და ამ საკითხზე დღემდე არაფერი ისმის. როდემდე უნდა გაგრძელდეს ეს პროცესი? თუ ელოდებით, რომ ჩვენ არაკანონიერი გზით დავიწყოთ მოქმედება და მერე მიმართოთ რეპრესიებს, როგორც ადრე ხორციელდებოდა თქვენი წინამორბედის მიერ.
ბატონო პრემიერო, გთხოვთ, გამოგვიყოთ ადგილი ბათუმში მეჩეთის მშენებლობისთვის ან ბოლოს და ბოლოს უარი გვითხრათ, რათა საკითხმა სხვა გარემოებაში გადაინაცვლოს.
ბათუმში ახალი მეჩეთის მშენებლობის საინიციატივო ჯგუფის სახელით:
გრიგოლ ბოლქვაძე; მიხეილ ჯაყელი; იუსუფ წულუკიძე; იაკობ შაინიძე; ილია კახაძე; მოედინ ზოიძე.
ბატონო ლაშა, რა გეგმები გაქვთ ახალი ამპლუიდან, როგორც საკრებულოს თავმჯდომარის მოადგილეს?
ლაშა სირაბიძე
ორშაბათიდან კონკრეტულ სფეროში კურაციას დაგვავალებს თავმჯდომარე მოადგილეებს და ამის შემდეგ მექნება პასუხი გეგმებთან დაკავშირებით. გეგმები ბევრი გვაქვს, ასე რომ უფრო მეტად გავვაქტიურდებით. გამომდინარე იქედან, რომ ინფრასტრუქტურული კომისია მებარა, კარგი იქნება, ამ სფეროს თუ ჩამაბარებენ ისევ, მაგრამ არ ვიცი რა გადაწყვეტილებას მიიღებს საკრებულოს თავმჯდომარე. მოადგილის კურაციის სფეროში შედის როგორც ინფრასტრუქტურა, ასევე ჯანდაცვა, კულტურა, სპორტი. ბოლო დროს სპორტის სფერო, მაგალითად, ჩვენი მოჭიდავეები, დაგვრჩა უყურადღებოდ. კურაციის გადანაწილების შემდეგ უფრო მეტი დრო გვექნება იმისთვის, რომ მაქსიმალურად ყურადღება მივაქციოთ.
„რესპუბლიკელები“ მიიჩნევენ, რომ კიდევ ერთი მოადგილის შტატის დამატება არ იყო საჭირო ბათუმის საკრებულოში. სამსჯელო თემად იქცა ისიც, თუ ვინ იქნება პირველი მოადგილე. მოახერხეთ ურთიერთობის შენარჩუნება თქვენს კოლეგა ირაკლი ჩავლეიშვილთან?
ჩავლეიშვილმა სხდომაზეც აღნიშნა, რომ ეს ჩვენს ურთიერთობებს არ გაამძაფრებს, პირიქით – ჩვენი ურთიერთობა იქნება უფრო მჭიდრო. ამის შემდეგ ჩვენ ერთად დავსახავთ მოქმედების გეგმებს.
დარჩებით თუ არა „ქართული ოცნების“ ბათუმის ორგანიზაციის თავმჯდომარედ? – ამბობდნენ, რომ საკრებულოში თანამდებობა სწორედ ამ ადგილის დათმობის სანაცვლოდ მიიღეთ, რადგან ქალაქის პარტიული ორგანიზაციის თავმჯდომარეობა საკრებულოს თავმჯდომარეს ირაკლი ჭეიშვილს სურს, უმაღლესი საბჭოს მომავალ არჩევნებში კოალიციის სიაში პირველ ნომრად რომ ჩაეწეროს…
საკრებულოში მეორე მოადგილის თანამდებობის დამატება 2014 წლის აგვისტოდან იყო შესაძლებელი, მაშინ ამის საჭიროებას ვერ ვხედავდით. თუ ზოგიერთი პოლიტიკოსი ამბობს, რომ „ქართული ოცნების“ თავმჯდომარედ ვეღარ მხედავდნენ მომავალში და ამიტომ მივიღე სარგებელი, მოადგილეობის სახით… იმედია, დამეთანხმებით, რომ ამის პრობლემა არ არსებობდა.
და ახლა განიხილება ბათუმში „ქართული ოცნების“ ხელმძღვანელის შეცვლის საკითხი?
პარტიას აქვს თავისი ხედვა რეგიონულ ორგანიზაციებთან დაკავშირებით, პარტია გამართავს კონფერენციებს საქართველოს მასშტაბით და ამ კონფერენციების შემდეგ მივიღებთ სურათს, თუ რა ხედვა აქვს პარტიას. ამიტომ დაველოდოთ მოვლენების განვითარებას. თუ თავმჯდომარე არ ვიქნები, ვიქნები სხვა ხელმძღვანელ პოსტზე, საიდანაც პარტიულ მუშაობას გავაგრძელებ.
ბიუჯეტის ცხრა თვის ანგარიშის მიხედვით, ის ისევ ვერ შესრულდა, ამ სფეროს თქვენ კურირებდით საკრებულოში. როგორ ფიქრობთ, რატომ ვერ ახერხებს მერია მილიონობით ლარის ათვისებას, მაშინ როცა ამდენი ქუჩაა მოსაწესრიგებელი?
ტენდერები არის მთავარი პრობლემა. ვფიქრობ, ცენტრალიზებულად უნდა გადაიხედოს ეს პრობლემა. მე არ ვამბობ, რომ პირდაპირი წესით უნდა იყოს კონკრეტულ კომპანიებზე გადაცემული ეს სამუშაოები, მაგრამ არის ნიუანსები, რაზეც ალბათ საკანონმდებლო დონეზეც შესაძლებელია მსჯელობა. ხელშეკრულების შეუსრულებლობა ქმნის დიდ პრობლემებს. კომპანიები ვადაში ვერ ასრულებენ სამუშაოებს, ამიტომ პრობლემები ძირითადად ინფრასტრუქტურულ ნაწილშია.
როგორც პარტიის ხელმძღვანელს რეგიონში, მინდა გკითხოთ „რუსთავი 2“-ის ირგვლივ განვითარებულ მოვლენებზეც…
ამაზე კომენტარს ვერ გავაკეთებ, რადგან, ჩემი აზრით, არავინ არ აპირებს ვინმეს სიტყვის თავისუფლების უფლება ჩამოართვას. მედია თავისუფალია. მე ვფიქრობ, თავისუფალ „რუსთავი 2“-ს ვიხილავთ ნებისმიერ შემთხვევაში.
ბატონო თამაზ, რა იყო კომისიის პირველი შეხვედრის მიზანი, რაზე იმსჯელეთ?
თამაზ თურმანიძე
კომისია 5 ნოემბერს შეიკრიბა და იმ პროექტის პრეზენტაცია შედგა, რისი აშენებაც იგეგმება. შემდეგ კი მერიის საფინანსო და ეკონომიკურ სამსახურებს პირველადი კრიტერიუმების მომზადება დაევალა. როცა პირველადი კრიტერიუმები მომზადდება, გასაცნობად გადაეგზავნება კომისიის ყველა წევრს, ასევე არასამთავრობო ორგანიზაციებს. თუკი ექნებათ შენიშვნები ან დამატებები – გავითვალისწინებთ.
რა ვადა აქვთ საფინანსო და ეკონომიკურ სამსახურებს კრიტერიუმების შესამუშავებლად?
15 დღის ვადა აქვთ მერიის სამსახურებს. ამის შემდეგ პირველად მონაცემებს გადმოგვიგზავნიან ჩვენ. ჩვენს კომისიას და არასამთავრობო ორგანიზაციებსაც 15 დღე ექნებათ იმისათვის, რომ ამ დოკუმენტს გაეცნონ. ამის შემდეგ, კომისია მეორედ შეიკრიბება.
სოციალური კვლევებისა და ანალიზის ინსტიტუტმა გასულ წელს სხვადასხვა სამიზნე ჯგუფის საცხოვრებლით უზრუნველყოფის საჭიროების კვლევა ჩაატარა, რომლის პრეზენტაცია საკრებულოში იყო. თუ აპირებთ ამ სოციოლოგიური კვლევების გამოყენებას “იაფი სახლის” ბენეფიციართა კრიტერიუმების შესამუშავებლად?
შენიშვნების სახით, რა თქმა უნდა, ჩაემატება ეს კვლევებიც და ის გამოკითხვებიც, რომლებიც სხვადასხვა დროს გაკეთდა. კომისიის ყველა წევრი გაითვალისწინებს კვლევის შედეგებს.
კომისია რამდენი წევრისგან შედგება და რომელი სფეროს წარმომადგენლები არიან?
25 წევრია კომისიაში, შედიან როგორც მერიისა და საკრებულოს, ასევე არასამთავრობო ორგანიზაციების წარმომადგენლები. პირველ შეხვედრას მხოლოდ 15 წევრი ესწრებოდა. გარდა ამისა, კომისიის სხდომაზე დასწრება თავისუფალია და ყველას შეუძლია მოსვლა.
რატომ არ ესწრებოდნენ დანარჩენი წევრები?
სხვადასხვა მიზეზით. რა თქმა უნდა, მნიშვნელოვანია, რომ კომისიის სხდომებს ყველა წევრი ესწრებოდეს, რათა ამან შემდგომში არ გამოიწვიოს გაუგებრობები.
2016 წლიდან რეალურად რა სახის დოკუმენტი იქნება ხელშესახები?
დღევანდელი დღის ჩათვლით, ექვსი თვის განმავლობაში უნდა იყოს კრიტერიუმების საბოლოო ვარიანტი შემუშავებული.
მოქალაქეებს როდიდან შეეძლებათ მერიას მიმართონ ამ სახლში ბინის შესაძენად?
როცა დაიდება კრიტერიუმები, კომისია მიიღებს ყველა იმ მოქალაქის განცხადებას, რომელსაც აღნიშნული კრიტერიუმები მიესადაგება.
პატიმართა წამების ამსახველი კადრების საჯაროდ (ტელევიზია, სოციალური ქსელი/მედია, საჯარო ჩვენება) გავრცელება – ამ თემაზე დღეს, 10 ნოემბერს, ბათუმში, სასტუმრო „ჰილტონში“, ციხის საერთაშორისო რეფორმის სამხრეთ კავკასიის რეგიონული ოფისისა (PRI) და „დემოკრატიის ინსტიტუტის“ ორგანიზებით დისკუსია გაიმართა.
დღევანდელ დისკუსიაზე მომხსენებლები იყვნენ ნატა იმედაიშვილი (ჟურნალისტი რადიო „თავისუფლება“, აჭარის ტელევიზიის მრჩეველთა საბჭოს წევრი); ირაკლი ჭეიშვილი (ბათუმის საკრებულოს თავმჯდომარე); გიორგი ხიმშიაშვილი (საქართველოს ახალგაზრდა იურისტთა ასოციაციის აჭარის ფილიალის თავმჯდომარე) და ჯემალ დუაძე (თავისუფალი თაობის აჭარის ორგანიზაციის ხელმძღვანელი).
დისკუსიის მონაწილეებმა დღეს ისაუბრეს პატიმართა წამების ამსახველი ვიდეოკადრების მედიასა და სოციალურ ქსელებში გავრცელების ეთიკურობასა და იმაზეც, რამდენად კანონიერია ამ კადრების ტირაჟირება; არის თუ არა ეს იმ ადამიანებისთვის ტანჯვისა და ტკივილის კიდევ უფრო გაღრმავება, ვინც წამების მსხვერპლია.
დისკუსიას მოდერაციას უწევდა გენო გელაძე – დემოკრატიის ინსტიტუტის ხელმძღვანელი.
ღია წერილი, ასოციაციის გაფართოებულ შეხვედრაზე (ვორქშოფზე) მომზადდა, რომელიც თბილისში, 7 ნოემბერს ჩატარდა. მას, საქართველოს მასშტაბით, ასოციაციის 35 წევრი კოლეჯის წარმომადგენელი ესწრებოდა.
საქმე ეხება საქართველოში მოქმედ უცხო ქვეყნის უნივერსიტეტების არაავტორიზებულ ფილიალებს და წარმომადგენლობებს – “ამ დაწესებულებებში ხორციელდება როგორც უმაღლესი, ასევე პროფესიული საგანმანათლებლო პროგრამები და გაიცემა შესაბამისი დიპლომებიც, თუმცა არც სასწავლო პროცესი და არც სასწავლო გარემო, არცერთი შესაბამისი უწყების მხრიდან არ ეწვემდებარება შემოწმებას და იმის დადგენას, თუ რამდენად არის საქართველოს კანონმდებლობასთან შესაბამისობაში.
ამ “საეჭვო” უნივერსიტეტებში მოქალაქეებს განუმარტავენ, რომ ისინი არიან არა საქართველოს უმაღლესი სასწავლებლები, არამედ უცხოური უნივერსიტეტების ფილიალები” – წერია მიმართვაში. აღსანიშნავია, რომ საქართველოს კანონი უმაღლესი განათლების შესახებ (მუხლი 14, პუნქტი 4) უცხო ქვეყნის დაწესებულების ფილიალსაც ავალდებულებს საქართველოში ავტორიზაციის გავლას.
“ზოგიერთი ასეთი დაწესებულების წარმომადგენლები, რომლებიც კანონმდებლობაში მეტ-ნაკლებად ერკვევიან, ასევე აცხადებენ, რომ მათი სასწავლებელი არა ფილიალი, არამედ წარმომადგენლობაა და ავტორიზაციის ვალდებულება არ გააჩნიათ. ამ შემთხვევაში მათ, მითუმეტეს არაფერი აქვთ საერთო საგანმანათლებლო საქმიანობასთან, რადგანაც საქართველოს კანონმდებლობით ფილიალი ნიშნავს: “უმაღლესი საგანმანათლებლო დაწესებულების ფილიალი – უმაღლესი საგანმანათლებლო დაწესებულების ნაწილი, რომელსაც აქვს გარკვეული დამოუკიდებლობა, ტერიტორიულად განცალკევებულია ამ დაწესებულების მართვის ორგანოებისაგან და ახორციელებს იმავე უმაღლეს საგანმანათლებლო პროგრამას (პროგრამებს), რასაც შესაბამისი უმაღლესი საგანმანათლებლო დაწესებულება (კანონი უმაღლესი განათლების შესახებ მუხლი 2, პუნქტი ჰ17). ესე იგი, თუ ეს სატყუარა წარმომადგენლობა” ფილიალიც კი არაა, მაშინ ის არც უნივერსიტეტის ნაწილია და არც პროგრამების განხორციელების უფლება აქვს.”
საქართველოს კერძო კოლეჯების ასოციაციის ცნობით, მათ ამ პრობლემის შესახებ აქამდეც მიმართეს საქართველოს განათლებისა და მეცნიერების სამინისტროს, ასევე, განათლების ხარისხის განვითარების ეროვნულ ცენტრს, თუმცა უშედეგოდ – “განათლებისა და მეცნიერების სამინისტროს მაღალჩინოსნების მხრიდან წერილობითი და პირად შეხვედრებზე დაფიქსირებული მზადყოფნის მიუხედავად, ამ პრობლემის მოსაგვარებლად წელსაც არაფერი შეიცვალა და არ გადაიდგა ქმედითი ნაბიჯები”.
ღია წერილს ხელი მოაწერა ასოციაციის პრეზიდენტმა ნინო გომელაურმა და ასოციაციის წევრმა 35 კოლეჯის წარმომადგენელმა.
უცხო ქვეყნის უნივერსიტეტების არაავტორიზებული ფილიალების საქმიანობის შესწავლისა და პრობლემის დროულად მოგვარების გარდა, კოლეჯების წარმომადგენლებმა 7 ნოემბერს გამართულ შეხვედრაზე, პროფესიული სტუდენტების დაფინანსების წესის თაობაზეც იმსჯელეს.
შეხვედრაზე მომზადდა მინისტრის ბრძანების ალტერნატიული დოკუმენტი, რომელშიც დაფიქსირდა ცვლილებები იმ სტუდენტების სასარგებლოდ, რომლებიც სასწავლებლად აირჩევენ კერძო პროვაიდერს. დოკუმენტის პროექტი ჩამოყალიბდა ისეთი შინაარსით, რომ პროფესიული სტუდენტები დაფინანსდნენ არა მხოლოდ საჯარო სექტორის, არამედ კერძო სექტორის არჩევის შემთხვევაშიც. დოკუმენტის პროექტი გადაეგზავნება საქართველოს პარლამენტს, განათლებისა და მეცნიერების სამინისტროს და საქართველოს პრემიერმინისტრს.
აჭარის მთავრობის პრესსამსახურის ინფორმაციით, მთავრობის თავმჯდომარემ უკვე არაერთხელ დაადასტურა, რომ უმაღლეს საბჭოში ანგარიშით წარდგომას 17 დეკემბერს გეგმავს. რაც შეეხება 9 თვის ანგარიშს, პრესსამსახურის განცხადებით, 16 ნოემბერს დაგეგმილია აჭარის მთავრობის 3 წლის საქმიანობის შემაჯამებელი ანგარიში, რომელიც ასევე მოიცავს ბოლო 9 თვის მონაცემებსაც.
აჭარის ფინანსთა და ეკონომიკის სამინისტრო კონკურსს შემდეგ თანამდებობებზე აცხადებს: ადმინისტრაციული დეპარტამენტის სახელმწიფო შესყიდვების განყოფილების მთავარი სპეციალისტი, ეკონომიკური განვითარების დეპარტამენტის ინვესტიციების მოზიდვის ხელშეწყობის მთავარი სპეციალისტი, ტექნიკური ზედამხედველობის სამსახურის მთავარი სპეციალისტი, ქალაქმშენებლობის დეპარტამენტის ურბანული განვითარების განყოფილების მთავარი სპეციალისტი, საბიუჯეტო დეპარტამენტის რესპუბლიკური ბიუჯეტის ფორმირებისა და შესრულების ანალიზის განყოფილების მთავარი სპეციალისტი.
აჭარის ფინანსთა და ეკონომიკის სამინისტროში დასაქმების მსურველებს, რომელთა ხელფასი იქნება 825 ლარი, ერთ შემთხვევაში მოეთხოვებათ 1-წლიანი სამუშაო გამოცდილება, მეორე შემთხვევაში 2-წლიანი სამუშაო გამოცდილება, ხოლო სამი ვაკანტური პოზიცია სამუშაო გამოცდილების აუცილებლობას არ ითვალისწინებს.
კონკურსის მონაწილეებს მოეთხოვებათ საქართველოს კონსტიტუციისა და სხვადასხვა სამართლებრივი აქტების, ასევე შესაბამისი კომპიუტერული პროგრამები ცოდნა.
ფინანსთა სამინისტროს მოთხოვნით, კონკურსში მონაწილეობის მსურველებმა, რომლებიც აკმაყოფილებენ ზემოთ ჩამოთვლილ მოთხოვნებს, კონკურსის გამოცხადებიდან 10 დღის ვადაში უნდა გაიარონ რეგისტრაცია და გააგზავნონ განცხადება საჯარო სამსახურის ბიუროს მიერ ადმინისტრირებულ ვებგვერდზე: https://www.hr.gov.ge.
კონკურსანტებისგან ასევე ითხოვენ უმაღლესი განათლებისა და კვალიფიკაციის დამადასტურებელ დოკუმენტს; შრომის წიგნაკს (ასეთის არსებობის შემთხვევაში) ან სამუშაო გამოცდილების დამადასტურებელ სხვა დოკუმენტებს.
სამეტაპიანი კონკურსის პირველი ეტაპი იქნება განცხადების გადარჩევა, მეორე ეტაპზე ჩატარდება ტესტირება, ხოლო მესამე ეტაპი ითვალისწინებს საკონკურსო-საატესტაციო კომისიასთან გასაუბრებს. სამინისტროს მიერ გავრცელებულ ინფორმაციაში მითითებულია, რომ გასაუბრების პროცესი ჩაიწერება აუდიო და ვიდეოფორმატში.
რატომ არის სკოლის შენობაზე ისეთი ნივითი განთავსებული, რომელსაც აწერია, რომ სიცოცხლისთვის საშიშია? – ამ კითხვის პასუხად სკოლის დირექტორი რევაზ ძირკვაძე „ბათუმელებთან“ ამბობს, რომ ეს კარადა სიცოცხლისთვის საშიში არ არის იმ შემთხვევაშიც კი, თუ მას ბავშვები გახსნიან, რადგან „ამ კარადაში არის სადენები, რომელშიც დენი არ გადის. უბრალო ჩამრთველებია შიგნით. ჩვენ ეს იმიტომ გავაკეთეთ, რომ ბავშვებმა არ ითამაშონ და არ ჩამოგლიჯონ“.
რეზო ტაკიძის თქმით, მან ჩვენება მისცა როგორც აჭარის პროკურატურას, ისე შს სამინისტროს გენერალურ ინსპექციას. „პროკურატურაში, ბათუმში ვიყავი დაბარებული, იუსტიციის სახლში, ხოლო გენერალურმა ინსპექციამ ქუთაისში დამიბარა. იქ ჩემს ადვოკატთან ერთად ვიყავი. არ ვიცი იმათი სახელები და გვარები, ვინც გამომკითხა“, – უთხრა „ბათუმელებს“ რეზო ტაკიძემ.
დაზარალებული ამბობს, რომ „თავსა და ფეხზე ჯერ კიდევ ემჩნევა ის დაზიანებები, რაც ცემის შედეგად მიიღო“. მისი თქმით, ჯერ კიდევ ელოდება ექსპერტიზის დასკვნებს, რომელიც წინასწარი დაკავების იზოლატორში ჩაუტარდა. მას ეს დასკვნა ჯერჯერობით არ მიუღია.
რეზო ტაკიძემ 2 ნოემბერს თქვა, რომ ის პოლიციამ სარფის სასაზღვრო გამშვებ პუნქტზე დააკავა და მისგან ქობულეთში მომხდარი ყაჩაღობის აღიარებას ითხოვდნენ. მან დაასახელა იმ პოლიციელების გვარები, ვინც პოლიციის შენობაში მასზე იძალადა: „27 რიცხვში დამაკავეს სარფის გამშვებ პუნქტზე ანთაძემ და დიასამიძემ. გამომიყვანეს ქობულეთის პოლიციაში. შაქარიშვილი იჯდა იქ და მკითხა, მე მიცნობ ბიჭო? მე მგონი ირაკლი ხარ შაქარიშვილი-მეთქი. მომკლა ცემაში, მაგინებდა, გამაგდენ პოლზე. სასაკლაოზე ხარ მოყვანილი, თუ იცი შენო. შარვალი გამხადა ბუტა ანთაძემ, გაუპატიურებით მემუქრებოდა, მაცივრიდან გამოღებულ ცივ წყალს მასხამდნენ. არაფერი არ ვიცოდი ყაჩაღობის შესახებ. თქვი, რომ შენ იყავიო, თუ არა წამლით გაგივსებ ჯიბეებს და მაინც გაგიშვებ „სროკზეო“.
დღევანდელ დისკუსიაზე მომხსენებლები არიან ნატა იმედაიშვილი (ჟურნალისტი რადიო თავისუფლება, აჭარის ტელევიზიის მრჩეველთა საბჭოს წევრი); ირაკლი ჭეიშვილი (ბათუმის საკრებულოს თავმჯდომარე); გიორგი ხიმშიაშვილი (საქართველოს ახალგაზრდა იურისტთა ასოციაციის აჭარის ფილიალის თავმჯდომარე) და ჯემალ დუაძე (თავისუფალი თაობის აჭარის ორგანიზაციის ხელმძღვანელი).
მომხსენებლები დღეს ისაუბრებენ პატიმართა წამების ამსახველი ვიდეოკადრების მედიასა და სოციალურ ქსელებში გავრცელების ეთიკურობაზე და იმაზეც, რამდენად კანონიერია ამ კადრების ტირაჟირება; არის თუ არა ეს იმ ადამიანებისთვის ტანჯვისა და ტკივილის კიდევ უფრო გაღრმავება, ვინც წამების მსხვერპლია.
წამების თემაზე დღეს დაგეგმილი დისკუსიის ორი მომხსენებლის, ბათუმის საკრებულოს თავმჯდომარის – ირაკლი ჭეიშვილისა და თავისუფალი თაობის წარმომადგენლის – ჯემალ დუაძის შეხედულება ამ საკითხზე ცნობილია: ირაკლი ჭეიშვილმა საკუთარი ფეისბუქის გვერდზე გააზიარა წამების კადრები და ასევე საზოგადოებას გააცნო თავისი შეხედულება თუ რატომ გააკეთა ეს. ჯემალ დუაძემ კი არამხოლოდ გაავრცელა იგივე კადრები, არამედ ბათუმში, ნაციონალური მოძრაობის ოფისთან გამართული აქციების ერთ-ერთი ორგანიზატორიც იყო.
დღევანდელი დისკუსიის მოდერატორი იქნება იურისტი გენო გელაძე.
აუქციონზე შენობასთან [არასაცხოვრებელი ფართობი ჯამში: 2 706,9 კვ/მ] ერთად, მასთან დაკავშირებული ძირითადი საშუალებები და იაფფასიანი ინვენტარიც იყიდებოდა. აღნიშნულ შენობაში ადრე ეროვნული ბანკი ფუნქციონირებდა, წინა ხელისუფლების დროს კი მას გუმბათი მიაშენეს. მომავალმა მესაკუთრემ უნდა გაითვალისწინოს, რომ შენობის გუმბათზე დამონტაჟებული საათი წარმოადგენს ქალაქ ბათუმის მუნიციპალიტეტის საკუთრებას.
აუქციონის პირობების მიხედვით, მომავალმა მყიდველმა უნდა გაითვალისწინოს, რომ შენობის პირველ სართულზე არსებული 148,7 კვ/მ და 72,8 კვ/მ არასაცხოვრებელი ფართობები 2015 წლის ივლისში გაფორმებული ხელშეკრულების შესაბამისად სარგებლობაში გადაცემულია 2 წლის ვადით; ხოლო ასევე შენობის პირველ სართულზე არსებული 21,2 კვ/მ არასაცხოვრებელი ფართობი 2014 წლის ივლისში გაფორმებული ხელშეკრულების შესაბამისად სარგებლობაში გადაცემულია 5 წლის ვადით.
ფინანსთა და ეკონომიკის სამინისტრო აცხადებს, რომ უძრავი ქონების პრივატიზების შემთხვევაში, ქონების [148,7 და 72,8 კვ/მ] მოსარგებლე ხელშეკრულების შეწყვეტის თაობაზე სამინისტროს შეტყობინების მიღებიდან 1 თვის ვადაში უზრუნველყოფს ფართობის გამოთავისუფლებას, ხოლო რაც შეეხება 21,2 კვ.მ არასაცხოვრებელ ფართობს, მყიდველი ვალდებული იქნება უზრუნველყოს საქველმოქმედო ფონდი „საქართველოს კარიტასი“-ს მიერ იჯარით აღებული ფართობის სარგებლობის უფლება უზრუნველყოს ხელშეკრულების ვადის გასვლამდე (დასაშვებია საქველმოქმედო ფონდი “საქართველოს კარიტასი”-სა და ქონების შემძენს შორის ურთიერთშეთანხმების საფუძველზე სარგებლობის ვადაში შეტანილ იქნას ცვლილებები).
ქონების მყიდველს ნასყიდობის საფასურის გადახდა ორ ნაწილად შეეძლება, კერძოდ: პირველი ნაწილის (საპრივატიზებო ღირებულების 50%-ის) არაუგვიანეს 2016 წლის 1 ივნისამდე და მეორე ნაწილის (დარჩენილი საპრივატიზებო ღირებულების) სრულად დაფარვა არაუგვიანეს 2016 წლის 10 დეკემბრამდე, გადახდის დღისათვის არსებული ეროვნული ბანკის გაცვლითი კურსის მიხედვით. ქონების გაყიდვაზე აუქციონი 4 ნოემბერს არ შედგა. ქონება ხელახლა აუქციონზე სამინისტროს ჯერ არ გაუტანია.
კონკურსში მონაწილეობის მსურველები უნდა დარეგისტრირდნენ საჯარო სამსახურის ბიუროს ვებ გვერდზე (www.hr.gov.ge) და გააკეთონ განაცხადები სასურველ პოზიციაზე. გამგეობის ინფორმაციით, კონკურსი 3 ეტაპად ჩატარდება – განაცხადების გადარჩევა, ტესტირება და გასაუბრება. კონკურსში მონაწილეობის მიღების მსურველს უფლება აქვს „განაცხადი წარადგინოს ერთდროულად არაუმეტეს 5 ვაკანსიაზე. 5-ზე მეტი განაცხადის წარდგენის შემთხვევაში კონკურსანტი მოიხსნება კონკურსიდან“.
გამგეობის მიერ ვებგვერდზე გამოცხადებული პირობების მიხედვით, „ქობულეთის მუნიციპალიტეტის მიერ გამოცხადებულ კონკურსში მონაწილე პირი უფლებამოსილია განცხადებასთან და სხვა მოთხოვნილ დოკუმენტებთან ერთად წარმოადგინოს მის მიერ ადგილობრივი თვითმმართველობის მოხელის ვაკანტური თანამდებობის დასაკავებლად გამოცხადებული კონკურსის ტესტირების ეტაპის შედეგის დამადასტურებელი ცნობა. ქობულეთის მუნიციპალიტეტის მიერ განსაზღვრული ტესტირების ეტაპის მინიმალური გამსვლელი ზღვარის გადალახვისათვის საკმარისი შედეგის შემთხვევაში კონკურსის მონაწილეს ტესტირების ეტაპი გადალახულად ჩაეთვლება“.
გამგეობაში ამბობენ, რომ კონკურსის ჩატარების ზუსტი ადგილის, თარიღის და დროის შესახებ ინფორმაციას გამოაქვეყნებენ ვებ გვერდზე www.kobuleti.org.ge ასევე აპლიკანტებს ამის შესახებ აცნობებენ განცხადებაში მითითებულ ელექტრონულ მისამართზე.
აგროსერვის ცენტრის ცნობით, „ენპარდ აჭარა“-ს პროგრამის ფარგლებში მაღალმთიან რაიონებში სადემონსტრაციო ნაკვეთების სახით მაღალმპროდუქტიულ, უკრაინული ჯიშის ნიორი შეაქვს. პროგრამის მთლიანი ღირებულება 15 800 ლარს შეადგენს. მისი მიზანი რაიონებში ნივრის ახალი, მომგებიანი ჯიშების შეტანა და დანერგვაა. აგროსერვის ცენტრის მიერ ფერმერებისთვის შეთავაზებული ნიორის ჯიში რეგიონისთვის ახალია, რის გამოც სადემონსტრაციო ნაკვეთების მფლობელი ფერმერები წინასწარ გადამზადდნენ მისი მოვლა-მოყვანისა და დაავადებებთან ბრძოლის ღონისძიებების შესახებ.
“ნიორი ერთწლიანი კულტურაა და ის მაღალმთიან აჭარაში ტრადიციულად მოყავთ. თუმცა ჩვენს მიერ რაიონებში შეტანილი ნივრის ჯიში მაღალმპროდუქტიულობით გამოირჩევა. ამ კულტურისგან ფერმერებს კარგი მოგების მიღება შეუძლიათ. ჩვენ მიზანი ნივრის ახალი ჯიშის რაიონებში დანერგვაა, რათა სამომავლოდ ფერმერებმა ზამთრობით გამოუყენებელი ტერიტორიები აითვისონ და იქ ეს კულტურა გააშენონ. გარდა პროდუქციის რელიაზაციისა, ჩვენი მიზანია ფერმერებმა სადემონტრაციო ნაკვეთებში ნივრის კარგი სათესლე მასალაც აწარმოონ, რაც სამომავლოდ ამ კულტურის გავრცელებას შეეწყოს ხელი,“ – განცხადა აგროსერვის ცენტრის დირექტორმა გოჩა ბერიძემ.
შპს “თამარის დასახლების საოჯახო მედიცინის ცენტრის“ და შპს “საოჯახო მედიცინის რეგიონალური ცენტრის“ აჭარის ავტონომიური რესპუბლიკის საკუთრებაში არსებული 100%-იანი წილები ერთ ლოტად, ელექტრონულ აუქციონზე ფინანსთა და ეკონომიკის სამინისტრომ 9 ნოემბერს გარკვეული პირობებით გაყიდა. სამინისტროს ინფორმაციით, მყიდველი ფიზიკური პირი ზურაბ ვაშაყმაძეა.
მყიდველი ვალდებულია ხელშეკრულების გაფორმებიდან 3 თვის განმავლობაში უზრუნველყოს თამარის დასახლებაში თანამედროვე სტანდარტების შესაბამისი შენობისათვის საჭირო სარემონტო სამუშაოების დაწყება და არაუგვიანეს 14 თვის ვადაში დასრულება; 20 თვის ვადაში კი უზრუნველყოს სამედიცინო დაწესებულების შესაბამისი აპარატურით აღჭურვა და სრულად ამოქმედება.
ახალმა მესაკუთრემ სარემონტო სამუშაოებების მიმდინარეობის პროცესში სამედიცინო დაწესებულებებს ფუნქციონალური დანიშნულება უნდა შეუნარჩუნოს და მოსახლეობას სამედიცინო მომსახურების მიწოდება არ უნდა შეუწყვიტოს.
რაც შეეხება “საოჯახო მედიცინის რეგიონალურ ცენტრს“, ის მისამართსაც და სახელწოდებასაც შეიცვლის. მყიდველი ვალდებულია ხელშეკრულების გაფორმებიდან არაუგვიანეს ორი თვის ვადაში უზრუნველყოს ბათუმში, ბარათაშვილის ქუჩა N30-ში მდებარე პოლიკლინიკის შენობის ერთკილომეტრიან რადიუსში სამედიცინო დაწესებულებისათვის შესაბამისი უძრავი ქონების [შემდგომში „ახალ სამედიცინო დაწესებულება“] თაობაზე სარგებლობის უფლების [არანაკლებ 20 წლის ვადით] ან/და საკუთრების უფლების დამადასტურებელი დოკუმენტის წარდგენა აჭარის ფინანსთა და ეკონომიკის სამინისტროში.
მყიდველმა ხელშეკრულების გაფორმებიდან სამი თვის განმავლობაში უნდა უზრუნველყოს „ახალ სამედიცინო დაწესებულებაში“ თანამედროვე სტანდარტების შესაბამისი შენობისათვის საჭირო სარემონტო სამუშაოების დაწყება და არაუგვიანეს 14 თვის ვადაში დასრულება. ასევე, ხელშეკრულების გაფორმებიდან არაუგვიანეს 20 თვის ვადაში უზრუნველყოს სამედიცინო დაწესებულების შესაბამისი აპარატურით აღჭურვა და სრულად ამოქმედება.
ხელშეკრულების გაფორმებიდან 21 თვის ვადაში ახალმა მესაკუთრემ უნდა უზრუნველყოს, სახელმწიფო, აჭარის რესპუბლიკური ბიუჯეტითა და აჭარის ადმინისტრაციულ საზღვრებში შემავალი ადგილობრივი თვითმმართველი ერთეულის ბიუჯეტებით გათვალისწინებულ ჯანმრთელობის დაცვის პროგრამებში მონაწილეობის მიღება, ყოველწლიურად, 20 წლის განმავლობაში.
მყიდველმა 2015 წლის 1 დეკემბრამდე უნდა უზრუნველყოს ასევე საწარმოთა საბალანსო ღირებულების, ჯამში 324 243 ლარის გადახდა აჭარის ბიუჯეტში.
„იქ, სადაც ჩვენ ვცხოვრობთ“ ახალგაზრდებს ეხება. დამდგმელი რეჟისორი რუსლან დუმბაძეა, იდეის ავტორი კი, ხელოვნების სასწავლო უნივერსიტეტის მესამე კურსის სამსახიობო სპეციალობის სტუდენტი კოკა ხუბუტია.
„იდეის წყარო ის არის, რაც ჩვენ ირგვლივ ხდება: ახალგაზრდები, როდესაც ვერთობით თუ დავდივართ სადმე, სხვის აზრებზე ვართ დამყარებული, სხვებს უფრო მეტს ვუსმენთ. ეს აქტუალური დღევანდელობა მგონია ჩვენს საზოგადოებაში“, – ამბობს კოკა ხუბუტია.
„იქ, სადაც ჩვენ ვცხოვრობთ“ პირველად იდგმება და 12 წუთს გაგრძელდება, მანამდე კი, გაიმართება ხელოვნურად შექმნილი ქალაქის ჩვენება, რომლის ავტორია გიორგი ხუხუნაიშვილი.
ეს წარმოდგენა აჭარის სპორტისა და ახალგაზრდობის საქმეთა დეპარტამენტის ღონისძიების „ახალგაზრდობის კლუბების მხარდაჭერის“ ფარგლებში ხორციელდება.
პარლამენტის განცხადებას დღეს 9 ნოემბერს ბათუმში, საქართველოს საკონსტიტუციო სასამართლოში უპასუხეს: „დღეს დილით საკონსტიტუციო სასამართლოს ელექტრონულ ფოსტაზე პარლამენტის მხრიდან გამოიგზავნა აღნიშნული შუამდგომლობა, თუმცა გასაკვირია ის გარემოება, რომ შუამდგომლობა წერილობითი ფორმით არ შემოსულა სასამართლოში, ისე გავრცელდა მასობრივ საინფორმაციო საშუალებებში.
საკონსტიტუციო სასამართლო კანონით დადგენილი წესით, რუსთავი 2-ის საქმის განხილვის პარალელურად განიხილავს პარლამენტის შუამდგომლობას, რომელიც ჯერ არ არის დარეგისტრირებული სასამართლოში და ბუნებრივია მოსამართლეებს არ აქვთ ჩამოყალიბებული პოზიცია“- აცხადებს საკონსტიტუციო სასამართლოს უფროსი მრჩეველი გიორგი ლომთაძე.
მისი განცხადებით, პარლამენტის შუამდგომლობის განხილვა რუსთავი 2-ის საქმის განხილვის პროცესს არ შეაფერხებს.
„თუმცა, ეს დამოკიდებულია იმაზე, თუ როგორ განვითარდება მოვლენები და იქნებიან თუ არა აღნიშნული მოსამართლეები აცილებული ამ საქმიდან“.
გიორგი ლომთაძე ამბობს, რომ მოსამართლეების აცილების მოთხოვნით მსგავსი შუამდგომლობებია დრეც ყოფილა თუმცა სასამართლოს არ გაუთვალისწინებია.
პარლამენტს მიაჩნია, რომ „არსებობს გარემოებები, რომელიც ეჭვს იწვევს საკონსტიტუციო სასამართლოს ზემოაღნიშნული წევრების მიუკერძოებლობაში. ამის ერთ-ერთი საფუძველი შეიძლება იყოს ის გარემოება, რომ მათ აკავშირებთ ხანგრძლივი პერიოდის განმავლობაში ახლობლური ურთიერთობა მოსარჩელე მხარის – შპს „სამაუწყებლო კომპანია რუსთავი 2-ის“ ამჟამად დროებით უფლებამოსილებაშეჩერებულ გენერალურ დირექტორთან ბატონ ნიკა გვარამიასთან.
მოსამართლე ვარძელაშვილის მეუღლე ქალბატონი ანაჟვანია ბატონი ნიკა გვარამიას განათლებისა და მეცნიერების მინისტრობის დროს იყო მისი პირველი მოადგილე, ხოლო ქალბატონიმაიაკოპალეიშვილი ბატონი ნიკა გვარამიას მოადგილედ მუშაობდა მისი ჯერ იუსტიციის მინისტრის, ხოლო შემდგომ განათლებისა და მეცნიერების მინისტრის თანამდებობაზე ყოფნისას“- აღნიშნულია პარლამენტის განცხადებაში.
„მე არ მომწონს არც ეს ტემპი და არც კერძო საკუთრების დაბრუნების ფორმა. მარტო ავტომანქანების დაბრუნებაზე არ უნდა იყოს ხელისუფლება ორიენტირებული, რადგან 2010 წელს თუ უფრო ადრე ჩამორთმეული ქონების ღირებულება დაკარგულია, რადგან ამ ხნის მანძილზე ვიღაც ხომ სარგებლობდა ამ მანქანებით? ერთ-ერთი დაზარალებული მეუბნება, რომ ავტომანქანა რომელიც ჩამორთვეს შვიდი წლის წინ, დღეს ის უკვე უვარგისია.
მარტო ფინანსთა და ეკონომიკის სამინისტროს ბალანზე ასობით უძრავ-მოძრავი ქონებაა რეგისტრირებული, რომლის დაბრუნება შესაძლებელია პოლიტიკური ნების არსებობის პირობებში. თუ პროცედურულად არსებობს რაიმე დაბრკოლება ამ ქონების დასაბრუნებლად, ხელისუფლებას შეუძლია სიმბოლურ ფასად, ერთ ლარად გადასცეს ეს ქონება ძველ მეპატრონეებს, რომლებსაც თავის დროზე უკანონოდ ჩამოართვა წინა ხელისუფლებამ“.
თამაზ ბაკურიძის თქმით, არიან მოქალაქეები, რომლებსაც წინა ხელისუფლებამ ჩამოართვა კერძო სახლები, მიწა და კიდევ სხვა ტიპის ქონება, თუმცა მათ დაბრუნებისთვის ხელისუფლება შესაბამის ზომებს არ იღებს.
მერაბ ხალვაში, რექტორის მოვალეობის შემსრულებელი: აქამდე არსებული წესით, სტუდენტი ვალდებული იყო მონაწილეობა მიეღო ჯგუფში მუშაობის მხოლოდ მესამედში. თუ იყო 15 თემა, აქედან ხუთი თემა რომ მოემზადებინა სტუდენტს, მას შეეძლო უმაღლესი შეფასება მიეღო. ანუ საერთო მასალის მესამედში შეეძლო უმაღლესი ქულის მიღება. ამიტომ ეს სისტემა მოვშალეთ და ვთქვით, რომ სტუდენტი აქტიური უნდა იყოს ყველა მეცადინეობაზე, ვალდებულია ყველა თემა მოამზადოს. ეს თემები არის ჯგუფში სამუშაო და, ბუნებრივია, პროცესში სტუდენტი ჩართული უნდა იყოს. რაც შეეხება ლექციებზე დასწრებას, აქ საუბარია არა საერთო მეცადინეობის 50 პროცენტზე, არამედ მხოლოდ სალექციო მუშაობის 50 პროცენტზე. 5 კრედიტში არის 15 ლექცია და 30 ჯგუფში მუშაობა. სულ 45 საათი. ჩვენ ვეუბნებით სტუდენტს, რომ 45 საათიდან რვა შეხვედრაზე უნდა მოვიდეს, სალექციო 15-დან – რვაზე. ხოლო იმ სტუდენტებს, რომლებიც მუშაობენ და დასწრების პრობლემა ექმნებათ, ხელს შევუწყობთ. დეკანებს ვთხოვე, რომ ასეთი სტუდენტების სია შეადგინონ და მათთვის საკონსულტაციო რეჟიმს დავაწესებთ.
მაია ებრალიძე, სტუდენტი: მე არ მომწონს ეს გადაწყვეტილება, რადგან სწრებადობა ყოველთვის არ განსაზღვრავს სტუდენტის ცოდნას. შეიძლება რაღაც პრობლემის გამო ლექციაზე ვერ მივიდე, მაგრამ შემდეგ ვიმუშაო და ავინაზღაურო, ახლა კი „არა“- ების გამო შეიძლება გამოცდაზე ვერ გავიდე და აკადემიური წელი ჩამივარდეს. უნივერსიტეტმა სტუდენტს ყველაფერში უნდა შეუწყოს ხელი. არის ისეთი ლექციებიც, რომლებიც ნაკლებად საინტერესოა და შეიძლება მოვადუნო ყურადღება, მაგრამ ეს ცვლილებები ლექციების ხარისხს არ შეცვლის. სტუდენტს თუ სწავლა უნდა, მაინც ისწავლის და დამატებითი სანქციები და ვალდებულებები, ვფიქრობ, არ არის საჭირო.
ბექა მაკარაძე, სტუდენტური თვითმმართველობის თავმჯდომარე: პირადად ჩემთვის ადმინისტრაციის გადაწყვეტილება მისაღებია, რადგან ყოველთვის ყველა სემინარზე მომზადებული მივდივარ. თუმცა, არიან სტუდენტები, რომლებიც ვერ ახერხებენ ლექციებზე დასწრებას. სტუდენტი იმიტომ სწავლობს ამა თუ იმ საგანს, რომ მისი მომავალი პროფესიისთვის არის აუცილებელი. თუ ლექციაზე არ დაესწრება, როგორ ისწავლის. თუმცა, ადმინისტრაციამ გვითხრა, რომ ეს არის საპილოტე პროგრამა და ადმინისტრაცია გაითვალისწინებს სტუდენტების აზრს. თუ არ გაამართლებს, შეცვლის გადაწყვეტილებას.
ინგა აშლარბა, სტუდენტი: არ ვეთანხმები ადმინისტრაციის გადაწყვეტილებას – სტუდენტს ყველა ლექციაზე დასწრება არ შეუძლია. მიზეზები შეიძლება იყოს როგორც ოჯახური, ასევე ჯანმრთელობასთან ან სამსახურთან დაკავშირებული პრობლემები. არ მიმაჩნია სამართლიანად, რომ ამის გამო სტუდენტს გაუფუჭდეს ნიშანი. შეიძლება ყველა ლექციას არ დავესწრო, მაგრამ შემაჯამებელში მაღალი ქულა მივიღო. ლექციებზე დასწრება ყოველთვის კარგად სწავლას არ ნიშნავს.
ნინელი ვაშაკიძე პირველ არქეოლოგიურ ექსპედიციაში 1961 წელს წავიდა. „როცა უნივერსიტეტი დავამთავრე, ნიკო ბერძენიშვილმა დამიბარა და მითხრა: ბიძია, გინდა არქეოლოგობა? კი, მინდა-მეთქი – ამოვიკნავლე. მაშინ წადი ბათუმშიო – მითხრა. ნიკო ბერძენიშვილთან საუბრის დროს მე კი არა, გამოცდილი მეცნიერებიც კი იწმენდნენ შუბლზე ოფლს, ისეთი რიდი ჰქონდათ“, – ამბობს ნინელი ვაშაკიძე.
ბათუმის კვლევითი ინსტიტუტი მაშინ ახალი დაარსებული იყო და როგორც არქეოლოგი იხსენებს, კადრებიც ნაკლები იყო. „ამირანი იყო მარტო კახიძე, რომელიც თბილისში, ასპირანტურაში სწავლის დროს გავიცანი. ჩემთან ერთად იყო ლილი ჩხაიძე, რომელიც ჩემზე ადრე წამოვიდა ბათუმში სამუშაოდ. მალე ინსტიტუტის ყველა განყოფილება კადრებით შეივსო. თქვენ ჩემი ოქროს ფონდი ხართო – ასე გვეუბნებოდა მაშინდელი კვლევითი ინსტიტუტის დირექტორი ასლან ინაიშვილი“.
ყველაზე დიდი ემოცია ფიჭვნარში, ბერძნულ სამაროვანში „კრატერის“ აღმოჩენისას ჰქონდა. ეს მისი პირველი არქეოლოგიური აღმოჩენა იყო. „რაღაც სასწაული განცდა იყო. კრატერს ბერძნები ღვინის გასაზავებლად იყენებდნენ, რადგან ისინი სუფთა ღვინოს არ სვამდნენ“, – გვეუბნება ნინელი ვაშაკიძე.
სამარხში კრატერის გვერდით აღმოაჩინეს ღვინის ამოსაღები ჩამჩა, კილიკი და ამფორები. ნინელი ამბობს, რომ ფიჭვნარის აღმოჩენები ყველაზე რეზონანსული და გამორჩეული იყო. ეს ადგილი არქეოლოგებისთვის დღემდე მნიშვნელოვან საკვლევ ადგილად რჩება.
„გათხრებს გურიაშიც ვაწარმოებდით. ყველაზე დიდი სამაროვანი ფარცხმაში გავთხარეთ, სადაც 32 ქვევრი აღმოვაჩინეთ. აღმოჩენები ძვ.წ. აღრიცხვით III-IV საუკუნით თარიღდება. ბევრ ექსპედიციაში მაქვს მონაწილეობა მიღებული. მცხეთაში, სიონის ექსპედიციაში, მთა ქართლის, სვანეთის ექსპედიციაში, ლარილარის სამაროვანის ექსპედიციაშიც ვიყავი, რომელსაც შოთა ჩართოლანი ხელმძღვანელობდა“.
ნინელი ვაშაკიძე ექსპედიციებში ხშირად მთელი ოჯახით მიდიოდა.
ასლან ინაიშვილი, ნინელი ვაშაკიძე და ამირან კახიძე- მუზეუმის ფოტოარქივი
„ჩემი შვილი დათო კალანდაძე, რომელიც დღეს ბრიტანეთის საელჩოში მუშაობს, ექსპედიციაშია გაზრდილი. ძალიან მოსწონდა იქ ყოფნა. 1980 წელია, მაშინ დათო მერვეკლასელი იყო. ჩვენი არქიტექტორი ანზორ ჯაველიძე და გია თავამაიშვილი კარგად მღეროდნენ და ჯგუფიც ჰქონდათ – „ორნანო“. მოსკოვში ოლიმპიადაზე უნდა ემღერათ, მაგრამ გაგანია ექსპედიცია იყო, არადა უნდა წასულიყვნენ. ანზორი მოუბრუნდა დათოს და უთხრა, ბიძია გასწავლი ახლა მე ყველაფერს და ექსპედიციას შენ უხელმძღვანელეო. მართლა ასწავლა როგორ უნდა ემუშავა, როგორ უნდა გადაეტანა გეგმაზე განათხარი მასალები და ყველაფერი მილიმეტრებში გაეზომა. მოვიდა დირექტორი, დავით ხახუტაიშვილი და გვათვალიერებს, უყურებს დათოსაც. ის ზის და ხატავს, ხაზავს, არის ერთ ამბავში. ბოლოს ვეღარ მოითმინა და იკითხა, ვინ არის ეს ბიჭიო. ეგ არის ახლა ჩვენი ექსპედიციის უფროსიო, რომ უთხრეს, სახეზე ფერი ეცვალა, მაგრამ ახლოს რომ მივიდა, ისე მოეწონა მისი ნამუშევარი, თქვა: „ჩამიწერეთ ექსპედიციაშიო“.
ნინელი ამბობს, რომ დათოს არქეოლოგია არ აურჩევია, თუმცა მის ცხოვრებაზე დიდი გავლენა მოახდინა. „რომელ ქვეყანაშიც არ უნდა წავიდეს, პირველად მუზეუმებში მიდის და იქედან მიგზავნის ხოლმე ამბებს. ლონდონის მუზეუმიდან მისი გამოგზავნილი მასალები და კომენტარები ლექციების დროსაც გამოვიყენე, რაც ძალიან მოსწონდათ სტუდენტებს.“
ნინელი ვაშაკიძე ამბობს, რომ მას არა მარტო პროფესიაში, ოჯახშიც გაუმართლა. „მეუღლე ძალიან მიწყობდა ხელს. არასდროს უთქვამს რა გინდა ექსპედიციაშო, ყოველთვის ჩემ გვერდით იყო“, – ამბობს ნინელი და ექსპედიციის ფოტოებს გვაჩვენებს.
„ჩვენ ერთი გუნდი ვიყავით: მე, ამირანი, ლილი, ასლანი… სულ ერთად ვიყავით, ყველგან. ეს ერთსულოვნება რომ არა, ალბათ ვერ მივაღწევდით ამდენს. ამ მუზეუმში გამოფენილი ყველა ნივთი ჩვენი აღმოჩენილია. მათ შორის ოქროს ფონდიც.
ზოგჯერ მე და ამირანი გავხედავთ ხოლმე საგამოფენო დარბაზს და ვამბობთ – „ეს ხომ ჩვენი ბიოგრაფიაა?“ მართლა ასეა, იცით რითი დავიწყეთ? მე და ამირანი ჩაიში დავდიოდით და იქ ვაგროვებდით ხოლმე ნატეხებს. შემდეგ კი დაიწყო ბერძნული, კოლხური, ელინისტური ხანის სამაროვნები. ასე გავიდა 80 წელი. ბოლო სამი წელია აქტიურად ვეღარ ვერთვები ექსპედიციებში, თორემ მთელი ცხოვრება სამაროვნებში გავატარე.
შვილის – დათოს პირველი აღმოჩენა
მე და ლილი ოთახში თუ ვიჯექით, შემოვიდოდა ხოლმე ამირანი და გვეტყოდა: „თქვენ ზარმაცებოო“ და ისევ ახალი ექსპედიციის დაგეგმვაზე დავიწყებდით ფიქრს.
ნინელი ვაშაკიძე კარადიდან ფიჭვნარის შესახებ გამოცემას იღებს და შლის.
„ახლა მეორე წიგნზე ვმუშაობთ მე და ნინო ინაიშვილი. ციხისძირში 314 სამარხი გავთხარეთ და ამ ექსპედიციის მასალები უნდა შევიტანოთ წიგნში. როცა ეს დასრულდება, ალბათ დავასრულებ მეც მუშაობას“, – გვეუბნება ის და ციხისძირის სამარხებში აღმოჩენილ ამფორებს გვათვალიერებინებს.
„ბათუმელების“ კითხვაზე, თუ რამ განაპირობა დაბალი შედეგი დაწყებითი საფეხურის მასწავლებელთა საგნობრივ გამოცდაზე, მანანა რატიანი ამბობს: „დაწყებითი განათლების საფეხური თავისებურია, რაც გამოიხატება იმაში, რომ პედაგოგები საგნებს ინტეგრირებულად ასწავლიან. მაგალითად, ქართულს, მათემატიკას, ბუნებისმეტყველებას ერთი პედაგოგი ასწავლის. საგამოცდო ტესტებშიც სხვადასხვა მიმართულებაა წარმოდგენილი, რაც განაპირობებს მის სირთულეს. ამიტომ ერთ გამოცდაზე რამდენიმე საგანზე კონცენტრირება საკმაო სირთულეს წარმოადგენს“.
სირთულის მიუხედავად განათლების ექსპერტი მიიჩნევს, რომ საგნობრივ გამოცდებზე დაწესებული მინიმალური კომპეტენციის ზღვარი (60 პროცენტი) მისაღებია. „ბარიერის დაწევა მხოლოდ იმიტომ, რომ მეტმა ადამიანმა გადალახოს, არასწორია. ჩვენ იმით კი არ ვართ დაინტერესებული, რომ მასწავლებელმა ყველა შემთხვევაში გადალახოს ბარიერი, არამედ იმით – კარგად მოემზადონ და საგანში კომპეტენცია აიმაღლონ„.
ზაფხულში ჩატარებულ საგნობრივ გამოცდებზე მინიმალური კომპეტენციის ზღვარი ვერ გადალახეს დაწყებითი საფეხურის იმ პედაგოგებმაც, რომლებიც არ ატარებენ ინტეგრირებულ გაკვეთილებს და მხოლოდ ერთ საგანს ასწავლიან.
მანანა რატიანის თქმით, წელს საგნის ნაწილში შინაარსობრივი ცვლილება არ ყოფილა. „საუბარია იმაზე, რომ მასწავლებლებმა ნაკლებად მოინდომეს, ნაკლებად მოემზადნენ გამოცდისთვის. სქემის მიხედვით, საგნის გამოცდა არის სავალდებულო. იმედი გვაქვს, მასწავლებლები უფრო მეტი სერიოზულობით მოეკიდებიან მომზადების საკითხს, რადგან ეს არ არის მხოლოდ გამოცდისთვის მზადება, აქ საუბარია იმაზე, რომ მასწავლებელი, რომელიც კონკრეტულ საგანს ასწავლის, მას კარგად უნდა ფლობდეს“, – ამბობს მანანა რატიანი.
დაწყებით განათლებას განსაკუთრებულ მნიშვნელობას ანიჭებენ მშობლები, რადგან საბაზისო საფეხურია. ექსპერტების თქმით, პედაგოგებმა ნდობა უნდა გაამართლონ.
„მოსწავლე სწორედ დაწყებითის საფეხურზე უნდა ჩამოყალიბდეს დამოუკიდებელ მსწავლელად და ეს მასწავლებელმა უნდა ასწავლოს. ეს საფეხური მნიშვნელოვანია ასაკობრივადაც, რადგან ამან ხელი უნდა შეუწყოს მოსწავლეს სოციალურ ინტეგრაციაში და მთლიანობაში აუღოს ალღო სწავლა-სწავლების პროცესს. გარდა ამისა, მასწავლებელმა უნდა იცოდეს ასაკობრივი ფსიქოლოგია და სწავლების სხვადასხვა მეთოდი, მრავალმხრივად უნდა მიუდგეს სწავლების პროცესს“.
მანანა რატიანის თქმით, საგამოცდო ტესტებში თეორიული ნაწილის მხოლოდ 30 პროცენტი მოდის მეთოდოლოგიაზე და ჩაბარების შემთხვევაში, პროფესიული განვითარების ეროვნული ცენტრი იმ სტრატეგიების სწავლებაზეც იზრუნებს, რომელიც მნიშვნელოვანია ასაკობრივი თავისებურებების მართვის დროს. „პედაგოგებისთვის დაგეგმილი გვაქვს ხუთკრედიტიანი უფასო ტრენინგ-კურსები, რომელიც სავალდებულოა მათთვის. ეს კურსი მათ ამ უნარების განვითარებაში დაეხმარება“.
როგორც მანანა რატიანი ამბობს, გამოცდების შედეგებიდან გამომდინარე, ცენტრმა მოამზადდა სპეციალური პროგრამა, რომელიც პედაგოგებს იმ ცოდნის მიღებაში დაეხმარება, რისი საჭიროებაც გამოცდებმა აჩვენა. „სპეციალური ტრენინგ-კურსი მოიცავს 25-30 საათამდე თითოეულ საგანში და იმ მასწავლებლებს, რომლებიც ზამთრის გამოცდებისთვის არიან დარეგისტრირებული, შესაძლებლობა ექნებათ ეს კურსი უფასოდ გაიარონ“.
ზამთრის გამოცდებზე ათი ათასამდე პედაგოგია რეგისტრირებული. ტრენინგ-კურსების გავლის ვალდებულება, როგორც ექსპერტი ამბობს, მხოლოდ პრაქტიკოს მასწავლებლებს აქვთ, დანარჩენი პედაგოგებისთვის კი ტრენინგები ნებაყოფლობითია. დაწყებითი საფეხურის განათლების ექსპერტის ნინო ლაბარტყავას თქმით, ტრენინგები პედაგოგებისთვის ხელმისაწვდომია.
ნინო ლაბარტყავა ტრენინგის დროს
„ჩვენ ყოველ შაბათ-კვირას ვუკავშირდებით ხოლმე მათ და საჭიროებიდან გამომდინარე ვადგენთ გრაფიკს“, – გვეუბნება ის. მისი თქმით, 2013 წელს ცხრა ათასზე მეტმა პედაგოგმა გაიარა საგნობრივი ტრენინგი. 2014-2015 წლებში კი ხუთი ათასი დამრიგებელი გადამზადდა წიგნიერების კომპეტენციის განვითარებაში სადამრიგებლო საათზე. 2015 წელს 400 პედაგოგი დაწყებით კლასებში, ეფექტური კომუნიკაციისა და თანამშრომლობის უნარების განვითარებაშია გადამზადებული.
„ტრენინგები ეხებოდა საკლასო გარემოში მოქმედი ფაქტორების, სტიგმისა და დისკრიმინაციის გამომწვევ მიზეზებს, კონფლიქტების მოგვარებას და ა.შ რომელიც მიმდინარეობდა სწავლა-სწავლების ტრენინგების კომპლექტში. მისი მიზანია მცირეკონტინგენტიან სკოლებში შერეული კლასების პედაგოგებმა სწორად შეძლონ გაკვეთილების დაგეგმვა. ამ ტიპის ტრენინგებზე მოთხოვნა მაღალია. ასევე იგეგმება კითხვისა და წერის სტრატეგიების, ესეის დაწერის, თანამედროვე მათემატიკის, ბუნებისმეტყველების სწავლების მეთოდიკის ტრენინგები“, – ამბობს ნინო ლაბარტყავა.
„ბათუმელების“ კითხვაზე, აღნიშნული ტრენინგების ფონზე რატომ ვერ ახერხებენ პედაგოგები ბარიერის დაძლევას, ნინო ლაბარტყავა პასუხობს, რომ ეს ყველაფერი არ არის საკმარისი იმისათვის, რომ პედაგოგმა საგნობრივ გამოცდებზე მინიმალური კომპეტენციის ზღვარი გადალახოს. ექსპერტის თქმით, საგნობრივ გამოცდებზე წარმატების მისაღწევად, გარდა ტრენინგებისა, აუცილებელია პროფესიული ლიტერატურის მუდმივი კითხვა და დამუშავება.
აჭარის განათლებისა და კულტურის სამინისტროს ინფორმაციით, კონფერენციაზე დაგეგმილია ასევე, შეხვედრა ევროპის კულტურის პარლამენტის გენერალურ მდივანთან კარლ ერიკ ნორმანთან. საერთაშორისო კონფერენციის ფარგლებში მიმდინარე შეხვედრები ხელს შეუწყობს ჩვენი რეგიონის დაახლოებას კულტურის სფეროში მოქმედ საერთაშორისო დონორ ორგანიზაციებთან, დაგვეხმარება მოვიძიოთ ალტერნატიული დაფინანსების წყაროები.
ასევე აჭარაში არსებულ კულტურის ორგანიზაციებს მისცემს შესაძლებლობას, გაეცნონ კულტურის პოლიტიკის თანამედროვე ევროპულ ტენდენციებს და დაგეგმონ და განახორციელონ ერთობლივი პროექტები. ჩვენი სურვილია, აჭარა აქტიურად ჩართოს ევროპისქვეყნების კულტურულცხოვრებაში, ვინაიდანევროპის კულტურისპარლამენტის პრიორიტეტისწორედ პერიფერიების,რეგიონების განვითარებაადა ევროკავშირის წევრი ქვეყნებისკულტურულ ცხოვრებაშიინტეგრირება.
კონფერენციაში ევროპის 40 მდე ქვეყნის წარმომადგენელი მონაწილეობს. ორდღიან კონფერენციას ევროსაბჭოს პრეზიდენტი დონალდ ტუსკი დახურავს.
„ბოლო ორი წლის განმავლობაში 150-ზე მეტი ხელშეკრულებაა გაფორმებული კერძო პირებთან ტენდერების გარეშე. ვფიქრობ, რომ აქ არის კორუფციის ნიშნები. მესმის, რომ წყალდიდობა როცა მოხდა ქობულეთში, სასწრაფო წესით გაუფორმა რომელიმე კომპანიას ხელშეკრულება, მაგრამ ისეთი სამუშაოების შესყიდვა, რომელიც არ არის დროში შეზღუდული, პირდაპირი შესყიდვის წესით არ უნდა განხორციელებულიყო, “ – ამბობს რეზო ხარაზი.
„ბათუმელების“ კითხვაზე, კონკრეტულად რომელ სახელმწიფო შესყიდვაში იკვეთება კორუფციის ნიშნები? – რეზო ხარაზი ამბობს, რომ შესყიდვების მასალები ჯერ არ შეუსწავლია: „ჩვენ ჯერ დოკუმენტები გამოვითხოვეთ. ერთ მილიონ ლარზე დიდ თანხებზეა ხელშეკრულებები გაფორმებული და ეს აჩენს კითხვის ნიშნებს. იმის თქმა მინდა, რომ როცა წინა ხელისუფლების მისამართით არსებობდა პრეტენზია, რომ ის არ აცხადებდა ტენდერს და პირდაპირი მიყიდვის ფორმას იყენებდა, რატომ აკეთებს იმავეს ახლანდელი ხელისუფლება?“.
შენიშვნა: სტატიის გამოქვეყნების შემდეგ ბატონ ომარ როდონაიას დახმარების სურვილი გამოთქვა ძალიან ბევრმა ადამიანმა საქართველოდან. შესაბამისად, ვაქვეყნებთ მის ანგარიშის ნომერს.
