სასჯელი ღამის კლუბში თანხის გამოძალვისთვის

ღამის კლუბ „ვოგში“ თანხის გამოძალვის საქმეზე მოსამართლე ლევან გელოვანმა გადაწყვეტილება მიიღო. ბათუმის საქალაქო სასამართლოს განაჩენით, ამ საქმეზე მსჯავრდებულ ფეიზულაჰ ერდენს 6 წლით მიუსაჯეს თავისუფლების აღკვეთა. ის ასევე დაჯარიმდა 5 ათასი ლარით. მანუჩარ მამულაძეს და ეშრეფ კადირ ბოსტანს 4-4 წლით მიესაჯათ თავისუფლების აღკვეთა, ხოლო სერჰათ ბაქანს ორწელიწადნახევარი მოუწევს ციხეში ყოფნა.

გამოძიება დაკავებულებს ძარცვის და თავისუფლების უკანონო აღკვეთის ბრალდებით ედავებოდა. მსჯავრდებულები წარდგენილი ბრალის ნაწილში სასამართლომ უდანაშაულოდ მიიჩნია.

ღამის კლუბ „ვოგის“ თანამშრომლები გამოძიებამ მიმდინარე წლის თებერვალში დააკავა. იანვარში კლუბში თურქეთის მოქალაქეებს ერთ შემთხვევაში ხილის ასორტსა და სასმელში 9800 ლარის გადახდა მოსთხოვეს. კიდევ ერთ შემთხვევაში კი, დაზარალებულებს 17 100 ლარის გადახდას აიძულებდნენ – ცემით და გაუპატიურების მუქარით.

ამავე თემაზე:

„თანხის გამოძალვის ოთახი“ ღამის კლუბში

ტურისტები ომანიდან: ღამის კლუბში ფული გამოგვძალეს

ნეტგაზეთის მასალების სხვა გამოცემებში გადაბეჭდვის წესი
ავტორი