აჭარის ავტონომიური რესპუბლიკის საკუთრებაში არსებული ქონება – ქობულეთის ყოფილი ბავშვთა საავადმყოფო – აჭარის ფინანსთა და ეკონომიკის სამინისტრომ 2032 წლის 21 აპრილამდე ვადით, სარგებლობის უფლებით გაცემის მიზნით, პირობებიან აუქციონზე გამოიტანა.
ქონება – 1345 კვ.მ შენობა-ნაგებობა და მასზე დამაგრებული 7241 კვ.მ არასასოფლო-სამეურნეო დანიშნულების მიწის ნაკვეთი – ქობულეთში, 26 მაისის ქუჩა N2-ში მდებარეობს.
აუქციონზე, რომელიც 21 აპრილს დასრულდება, ქონების წლიური სარგებლობის საწყის საფასურად 159 ათასი ლარია მითითებული.
აუქციონის პირობების მიხედვით ქონების მომავალმა მოსარგებლემ უნდა უზრუნველყოს:
- ხელშეკრულების გაფორმებიდან არაუგვიანეს ერთი თვის ვადაში თანამედროვე სტანდარტების შესაბამისი სამედიცინო დაწესებულების შენობისათვის საჭირო სარემონტო სამუშაოების დაწყება და არაუგვიანეს 16 თვის ვადაში დასრულება;
- ხელშეკრულების გაფორმებიდან არაუგვიანეს 24 თვის ვადაში შესაბამისი აპარატურით აღჭურვილი, არანაკლებ 25 საწოლზე გათვლილი სამედიცინო დაწესებულების (ფიზიკური, სოციალური და ფსიქოლოგიური რეაბილიტაციის ცენტრი (ჰოსპისი) და პირველადი ჯანდაცვის ცენტრის (პოლიკლინიკა)) ამოქმედება;
- პროექტის ფარგლებში არაუგვიანეს 24 თვის ვადაში არანაკლებ 1 800 000 ლარის ინვესტიციის განხორციელება;
- სამედიცინო დაწესებულების ამოქმედებიდან ერთი თვის განმავლობაში საქართველოს 60 მოქალაქის დასაქმება, დასაქმებულთა და სამედიცინო პროფილის შენარჩუნება უწყვეტად სარგებლობის ვადით. მოიჯარეს წარმოეშვება ვალდებულება, ხელშეკრულების შეწყვეტის თაობაზე სამინისტროს შეტყობინების დღიდან ერთ თვეში გამოათავისუფლოს საიჯარო ქონება. ქონებაზე გაწეული ხარჯები არ ანაზღაურდება.
ქობულეთი, ყოფილი ბავშვთა საავადმყოფოს ტერიტორია / ფოტოები ელექტრონული აუქციონის ვებგვერდიდან.
