Batumelebi | ყაჩაღობაში ბრალდებულ “სანტას“ წინასწარი პატიმრობა შეუფარდეს ყაჩაღობაში ბრალდებულ “სანტას“ წინასწარი პატიმრობა შეუფარდეს – Batumelebi
RU | GE  

ყაჩაღობაში ბრალდებულ “სანტას“ წინასწარი პატიმრობა შეუფარდეს

ბათუმის საქალაქო სასამართლომ პატიმრობა შეუფარდა 26 წლის ჯემალ მ-ს, რომელსაც ყაჩაღობაში ედება ბრალი. აღმკვეთი ღონისძიება ბრალდებულს მოსამართლე ვიოლეტა ფორჩხიძემ შეუფარდა.

გამოძიების ვერსიით, 31 დეკემბრის საღამოს სანტა-კლაუსის ფორმაში გამოწყობილმა ბრალდებულმა სუპერმარკეტ „იალჩინში“ მდებარე სავალუტო ჯიხურიდან სათამაშო იარაღის მუქარით 8820 ლარი გაიტაცა.

წინასასამართლო სხდომა საქმეზე თებერვალში შედგება. პროკურატურა ჯემალ მ.-ს 179-ე მუხლის პირველი ნაწილის დარღვევას ედავება, რაც ყაჩაღობას გულისხმობს. ბრალის დადასტურების შემთხვევაში, მას 5-დან 7 წლამდე თავისუფლების აღკვეთა ელოდება.

ნეტგაზეთის მასალების სხვა გამოცემებში გადაბეჭდვის წესი
ავტორი