Batumelebi | ბათუმი-ახალციხის საავატომობილო მაგისტრალი ჩაკეტილია ბათუმი-ახალციხის საავატომობილო მაგისტრალი ჩაკეტილია – Batumelebi
RU | GE  

ბათუმი-ახალციხის საავატომობილო მაგისტრალი ჩაკეტილია

ბათუმი-ახალციხის საავტომობილო მაგისტრალი დღეს დილიდან ჩაკეტილია. მეწყერი დაახლოებით დილის 6 საათზე, ქედაში, სოფელ პირველ მაისთან ჩამოწვა. გზების დეპარტამენტის მონაცემით, მოძრაობა მაგისტრალზე დაახლოებით ნახევარ საათში აღდგება.

„გზების დეპარტამენტი დილიდან მუშაობს გზის გაწმენდაზე. დაახლოებით ნახევარ საათში ცალმხრივად აღდგება გზა. დღის განმავლობაში გაგრძელდება მუშაობა და რამდენიმე საათში სრულად გაიწმინდება მაგისტრალის მონაკვეთი, სადაც მეწყერი ჩამოწვა,“ – უთხრა „ბათუმელებს“ საქართველოს საგზაო დეპარტამენტის აჭარის დირექციის დირექტორმა, ზურაბ სიხარულიძემ. მისი ინფორმაციით, მეწყრის შედეგად არავინ დაშავებულა.

ქედის მუნიციპალიტეტის გამგეობის პრესსამსახურის ინფორმაციით, მეწყერი ისევ აქტიურია და ამ ეტაპზე ისინი მხოლოდ გზების დეპარტამენტის მონაცემებს ეყრდნობიან.

ბათუმი-ახალციხის მაგისტრალის მონაკვეთი კურორტ გოდერძიდან  ახალციხის მიმართულებით დიდთოვლობის გამო გაზაფხულამდე ჩაკეტილია. 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.