საქართველოს საავტომობილო გზების დეპარტამენტის ინფორმაციით, დღეს, 14 დეკემბერს, თოვისა და ლიპყინულის გამო, ბათუმი-ახალციხის საავტომობილო გზის კმ 87-კმ 106 მონაკვეთზე ყველა სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა კი თავისუფალია.
ბათუმი-ახალციხის საავტომობილო გზის კმ 87-კმ 106, ეს არის გზის მონაკვეთი ხულოს მუნიციპალიტეტის სოფელ დანისპარაულიდან, კურორტ გოდერძის სათხილამურო ტრასამდე. სათხილამურო ტრასიდან ახალციხის მიმართულებით მაგისტრალი [გოდერძის უღელტეხილი] ჩაკეტილია.
