ბათუმის მერიის ინფორმაციით, 2025 წლის მაისის ბოლომდე საავტომობილო მოძრაობა ორმხრივად შეიზღუდება რუსთაველის ქუჩაზე – ალექსანდრე გრიბოედოვისა და დემეტრე თავდადებულის ქუჩებს შორის მონაკვეთში.
ამავე პერიოდში კი, ორმხრივი სატრანსპორტო მოძრაობა აღდგება ნინოშვილის, გრიბოედოვისა და ჭავჭავაძის ქუჩებზე.
ქალაქის მერიაში „ბათუმელებს“ უთხრეს, რომ რუსთაველის ქუჩის ჩაკეტვა [გრიბოედოვისა და თავდადებულის ქუჩებს შორის მონაკვეთში] ორშაბათიდან, 10 თებერვლიდან იგეგმება.
შესაბამისად, სავარაუდოდ, ასევე 10 თებერვლიდან ორმხრივი მოძრაობა იქნება ნინოშვილის, გრიბოედოვისა და ჭავჭავაძის ქუჩებზეც.
ჭავჭავაძის ქუჩა. ბათუმი/9.02.2025
ტრანსპორტის მოძრაობის ცვლილება და რუსთაველის ქუჩის ჩაკეტვა ამავე ქუჩაზე დაგეგმილ სამუშაოებს უკავშირდება.
ამ თემაზე: რუსთაველის ქუჩაზე მერია ქვაფენილის აყრას და ასფალტის დაგებას გეგმავს.
ამ დროისთვის [9 თებერვალი] აღნიშნულ ტენდერებში გამარჯვებულ[ებ]თან გაფორმებული ხელშეკრულებები შესყიდვების პორტალზე არ იძებნება.
რუსთაველის ქუჩის გადაკეტვის გამო იცვლება ამ მონაკვეთში მოძრავი მუნიციპალური ავტობუსების მოძრაობის მარშრუტიც.
ვრცლად ნახეთ ამ ბმულზე:
ბათუმში ორშაბათიდან რუსთაველის ქუჩაზე მოძრავი ავტობუსების მარშრუტი იცვლება
მთავარი ფოტო: ბათუმი, ჭავჭავაძის ქუჩა/9.02.2025
