ბათუმში, ნავსადგურის მიმდებარედ ჭაჭა თაუერს ანგრევენ.
ბათუმში, გოგებაშვილის ქუჩაზე მდებარე ე.წ. ჭაჭის კოშკის მიმდებარედ არსებული სკვერის კონცეფცია ბათუმის მერიას შპს „ბათუმი რივიერამ“ წარუდგინა. კომპანიის განცხადებით, პარკის კონცეფცია, რომელიც „ქალაქის საკუთრება იქნება“ საკრებულომ მოიწონა. ჭაჭა თაუერის დანგრევას სწორედ ეს კონცეფცია ითვალისწინებს.
ბათუმში ჭაის კოშკის დანგრევა დაიწყეს / 28.08.2024. ფოტოები: გურამ მურვანიძე/„ბათუმელები“
საკრებულოს 2024 წლის 9 აგვისტოს დადგენილების მიხედვით, სკვერის კონცეფცია მოიცავს ე.წ. „ბურუნ-თაბიეს“ ტერიტორიას, რომელიც ერთი მხრიდან ნავსადგომსა და გოგებაშვილის ქუჩას შორის არის მოქცეული, ხოლო მეორე მხრიდან – ბულვარსა და ე.წ. „ჭაჭის კოშკის“ სკვერს შორის.
ბათუმში ჭაის კოშკის დანგრევა დაიწყეს / 28.08.2024.
„ჭაჭის თაუერი“ 2012 წელს აშენდა. მისი მთავარი გუმბათი 25 მეტრი სიმაღლისაა, დანარჩენი 4 გუმბათი კი – 5 მეტრი სიმაღლის. კოშკს გარს აკრავს ოთხი შადრევანი. თითოეულ მათგანზე დამონტაჟებულია ჭაჭის ჩამოსასხმელი, სადაც ჭაჭა, განსაზღვრულ საათებში, სპეციალური სენსორული მოწყობილობის საშუალებით მოედინებოდა.
„ჭაჭის თაუერის“ მშენებლობაში ბათუმის მერიის ბიუჯეტიდან თავის დროზე 810 055 ლარი დაიხარჯა.
ბათუმში ჭაის კოშკის დანგრევა დაიწყეს / 28.08.2024.
ამ თემაზე:
ანგრევენ ჭაჭა თაუერს, რაშიც ბათუმმა 810 000 ლარი დახარჯა – „რივიერას“ კონცეფცია დაუმტკიცეს
