ბათუმი,მთავარი,სიახლეები

რატომ ვერ აღადგინეს ახალ ბულვარში სანაპირო – პროექტში ბათუმი 15,6 მილიონს ხარჯავს

25.02.2024 • 11054
რატომ ვერ აღადგინეს ახალ ბულვარში სანაპირო – პროექტში ბათუმი 15,6 მილიონს ხარჯავს

ბათუმის ახალ ბულვართან შტორმით დანგრეული სანაპიროს აღდგენის სამუშაოები 2023 წლის დეკემბერში უნდა დასრულებულიყო, თუმცა დღემდე გრძელდება. სამუშაოების დასრულების ვადამდე ერთი თვით ადრე, კერძო კომპანიასა და ბათუმის მერიას შორის დადებულ ხელშეკრულებაში შევიდა ცვლილება და დასრულების ვადა 3 თვით გააგრძელეს.

სანაპიროზე მიმდინარე სამუშაოებში ბათუმის ბიუჯეტიდან 15,6 მილიონი ლარი დაიხარჯება.

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

ბათუმის მერიის საქალაქო ინფრასტრუქტურისა და კეთილმოწყობის სამმართველოსა და ტენდერში გამარჯვებულ კომპანია „გზას“ შორის ხელშეკრულება 15 658 999 ლარზე 2023 წლის 20 ივლისს გაფორმდა. სამუშაოები კი იმავე წლის 21 დეკემბრამდე უნდა დასრულებულიყო.

ახალ ბულვარში დანგრეული პირსიდან აკვაპარკამდე მონაკვეთში სანაპიროს თითქმის ერთკილომეტრიანი ზოლი უნდა გაამაგრონ ფოლადის ხიმინჯებით.

ხელშეკრულების ფარგლებში უნდა აღადგინონ სასეირნო ბილიკიც, საიდანაც პლაჟზე ჩასასვლელად კიბეებს მოაწყობენ.

ამ რკინაბეტონის კონსტრუქციაზე მოეწყობა კიბეები ახალი ბულვარიდან პლაჟზე გადასასვლელად. ფოტოზე ჩანს, რომ მონიშნულია კიბეების და პანდუსის მოსაწყობი ადგილები / 23.02.2024

პროექტში არ იყო გათვალისწინებული პლაჟზე ჩასასვლელები შშმ პირებისთვის, რის გამოც მაშინ „ბათუმელები“ მერიის სამმართველოს დაუკავშირდა.

სამმართველოში მოგვიანებით განაცხადეს, რომ „მშენებლობის დროს შშმ პირებისთვის პლაჟზე ჩასასვლელი პანდუსების მოწყობა აუცილებლად იქნება გათვალისწინებული“.

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

2023 წლის 3 ნოემბერს ხელშეკრულებაში შევიდა ცვლილება და სამუშაოების დასრულების ვადად 2023 წლის 20 დეკემბრის ნაცვლად განისაზღვრა 2024 წლის 29 მარტი.

ხელშეკრულების ცვლილების დოკუმენტში აღნიშნულია კომპანიის პოზიცია, რომ სამუშაოების დაწყების ვადა დაემთხვა ტურისტულ სეზონს; ახალი ბულვარის ლოკაცია კი, სადაც სამუშაოები უნდა დაწყებულიყო „განსაკუთრებით 2023 წლის ზაფხულში წარმოადგენდა ტურისტულად დატვირთულ ზონას.

სამშენებლო ტერიტორიაზე განთავსებული იყო მრავალი სავაჭრო და ტურისტული ობიექტი, გამომდინარე აქედან მიზანშეწონილად არ მივიჩნიეთ დამსვენებელთა ნაკადის შემცირებამდე სამუშაოების დაწყება, რადგან სამუშაოთა სპეციფიკიდან და უსაფრთხოების ნორმებიდან გამომდინარე საჭიროა ახალ ბულვარში შეიზღუდოს ქვეითთა გადაადგილებისთვის განკუთვნილი საფეხმავლო ბილიკი, ველობილიკი და ასევე სანაპირო ზოლი.“

დოკუმენტის მიხედვით, 2023 წლის სექტემბრის თვეში დამსვენებელთა ნაკადი შემცირებულა, რის შემდეგაც „გზამ“ მიმართა ბათუმის მერიის მუნიციპალური ქონების და სერვისების მართვის სამსახურს და ბათუმის ბულვარს, გაეთავისუფლებინათ სამშენებლო ტერიტორია სავაჭრო და ტურისტული ობიექტებისგან.

„სამუშაოები შპს „გზა“-მ დაიწყო სექტემბრის თვის ბოლოს მას შემდეგ, რაც გათავისუფლდა სამშენებლო ტერიტორიის ნაწილი სავაჭრო და ტურისტული ობიექტებისგან ხელშეკრულების გაფორმებიდან ორი თვის შემდეგ. 2023 წლის 2 ოქტომბერს „გზა“-მ წერილობით მოითხოვა სამუშაოების დასრულების ვადის გახანგრძლივება“,- აღნიშნულია დოკუმენტში.

ზემოთ თქმულიდან გამომდინარე, მერიის სამმართველომ „მიზანშეწონილად მიიჩნია სამუშაოების დასრულების ვადის გაზრდა“.

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

სახელმწიფო შესყიდვების პორტალის 2024 წლის 25 თებერვლის მონაცემებით, ბათუმის ბიუჯეტიდან კომპანია „გზას“ უკვე გადაურიცხეს 8 659 000 ლარი [სახელშეკრულებო თანხის 55 პროცენტი].

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

შტორმის დროს დანგრეული სანაპიროს აღდგენა ბათუმის ახალ ბულვართან / 23.02.2024

ზღვამ ახალი ბულვარის სანაპირო ბოლოს 2023 წლის 27 ნოემბერს დაანგრია.

„ახლო მომავალში აუცილებლად უნდა შემუშავდეს [ბათუმის] სანაპიროს ექსპლოატაციის და ზღვისგან დაცვის ახალი სტრატეგია. წინააღმდეგ შემთხვევაში კატასტროფული მოვლენები გარდაუვალია, ვინაიდან ამოწურულია ზღვის სანაპიროს ბუნებრივი დინამიკის აღდგენის ყველა შესაძლებლობა“, – აღნიშნულია დოკუმენტში, რომელიც აჭარის მთავრობის დაკვეთით 2022 წელს მომზადდა.

მიუხედავად ამისა, სანაპიროზე სამუშაოები ისე მიმდინარეობს, რომ არც ბათუმის მერიას, არც აჭარის მთავრობას და არც საქართველოს ხელისუფლებას სანაპირო ზოლის ზღვისგან დაცვის სტრატეგია შემუშავებული არ აქვთ.

ამ თემაზე:

 

გადაბეჭდვის წესი


ასევე: