მთავარი,სიახლეები

ქვედა კვირიკეში ადიდებულმა მდინარემ ხიდი და გზა დაანგრია

04.10.2023 • 1482
ქვედა კვირიკეში ადიდებულმა მდინარემ ხიდი და გზა დაანგრია

სოფელ ქვედა კვირიკეში ძლიერი წვიმის შედეგად ადიდებულმა მდინარემ სოფლის გზაზე არსებული სახიდე გადასასვლელი და გზა დაანგრია.

3 ოქტომბრიდან გზაზე გადაადგილება შეუძლებელია და მოსახლეობა შემოვლითი გზით სარგებლობს.

ქობულეთის მერიაში არ აკონკრეტებენ, როდის აღადგენენ ხიდს.

„რადგან შემოვლითი გზა არის, რომლითაც შეუძლიათ ოჯახებმა ისარგებლონ, ამიტომ დროებითი ხიდის მოწყობა არ იგეგმება. ზარალი დაითვლება, გაკეთდება ხარჯთაღრიცხვა და შემდეგ მოეწყობა ხიდი“, – უთხრეს „ბათუმელებს“ ქობულეთის მერიის პრესსამსახურში.

დანგრეული გზა და ხიდი სოფელ ქვედა კვირიკეში

3 ოქტომბერს, ძლიერი წვიმის შედეგად დაიტბორა ქალაქ ქობულეთის რამდენიმე უბანიც.

ამ თემაზე:

ძლიერი წვიმის შედეგად ქობულეთი დაიტბორა

გადაბეჭდვის წესი


ასევე: