რუსეთის თავდაცვის სამინისტრო აცხადებს, რომ 1 სექტემბერს, ღამით, უკრაინა რუსეთის 15 რეგიონს დაესხა თავს 158 დრონით. სამინისტრო „ტელეგრამზე“ წერს, რომ ყველა დრონი ჩამოაგდეს, თუმცა, ამავე დროს, სოციალურ ქსელებში ვრცელდება ინფორმაცია რუსეთში მრავალ ადგილას მიმდინარე ხანძრების შესახებ.
მედიის ცნობით, ეს იყო დრონების ყველაზე დიდი თავდასხმა რუსეთის ტერიტორიაზე დღემდე.
უკრაინული და რუსული მედია წერს, რომ პირველ სექტემბრის, ღამით, რუსეთში დრონები თავს დაესხნენ ორ, მოსკოვისა და ტვერის სახელმწიფო რაიონულ ელექტროსადგურს და, ასევე, მოსკოვის ნავთობგადამამუშავებელ ქარხანას. „ტელეგრამზე“ ვრცელდება ხანძრის ამსახველი კადრები.
ცეცხლის ჩასაქრობად საგანგებო სიტუაციების სამინისტროს ვერტმფრენები და მოსკოვის ყველა რაიონიდან სახანძრო განყოფილებები მოიყვანეს.
