ნეტგაზეთი • RU

ბათუმში არდაგანის ტბაც დაბინძურებულია

ბათუმში არდაგანის ტბაც დაბინძურებულია. ეს ვიზუალურადაც შესამჩნევია. სპეციალისტის თქმით კი, ტბაში არსებული მდგომარეობა მომავალში შეიძლება ქალქს მნიშვნელოვან პრობლემად ექცეს.

არდაგანის ტბა ბათუმში

არდაგანის ტბა ბათუმში

შავი ზღვის ეკოლოგიური კვლევის ცენტრის სპეციალისტის, არჩილ გუჩმანიძის თქმით, პრობლემა არის ჯავახიშვილის ქუჩის კოლექტორი, შტორმების დროს ზღვა არ იღებს წყალს, ამ დროს ხდება კოლექტორში წყლის დონის მკვეთრი მატება და გადაღვრა ტბაში.

„ბუნებრივია ამ კოლექტორს აქვს მიერთებული საკანალიზაციო წყლებიც, ასევე სამეურნეო ნახმარი წყლები. ეს ყველაფერი ხვდება ტბაში, რაც იწვევს ეკოლოგიური ბალანსის რღვევას. ეს პროცესი არდაგანის ტბაში დიდი ხანია მიმდინარეობს. ჩვენ გვაქვს აღრიცხული ოთხი შემთხვევა იქ თევზების მასობრივი ხუთვის. ტბაში მიმდინარეობს ინტენსიური შხამდაგროვებითი პროცესი. ფსკერისპირა შრეში ანაირობული მასის წარმოქმნა, ჟანგბადის პრობლემები რასაც თან სდევს წყლის ხარისხის გაუარესება და თევზების მასიური ხოცვა. ჩვენ ორჯერ ამ ტბაში გავუშვით თევზი თეთრი ამური. ეს არის თევზი სანიტარი, ბიოლოგიური ფილტრი, ის ითვისებს ამ მასებს საკვების სახით და გარდაქმნის მას ორგანიკად, მაგრამ სამწუხაროდ გაშვებული თევზი მონადირეებმა დაიჭირეს. ამის კონტროლი არ ხდება. პროცესს სჭირდება კვლევა – კვლევის გარეშე კი შემიძლია მხოლოდ ის ვთქვა, რომ ეს ჰგავს ლუჯმწვანე წყალმცენარეების თიანოფიტების ყვავილობას. ესენი არიან ფორმები, რომლებიც ტოქსიკურობით გამოირჩევიან. იმ თევზის საკვებად მიღებაც არ შეიძლება, რომელიც ამით იკვებება. არდაგანის ტბა, ტბური ეკოსისტემა აღარ არსებობს, მოშლილია. საბოლოო ჯამში ჩვენ იქ მივიღებთ ორგანული ნივთიერებებით გაჯერებულ არასასიამოვნო ტბორს. რომელიც მომავალში მნიშვნელოვან პრობლემას შეუქმნის ქალაქს.“ – განმარტა არჩილ გუჩმანიძემ.

ბათუმში, პრობლემები აქვს 6 მაისის პარკში არსებულ ნურიგელის ტბასაც.

1 (2)

არდაგანის ტბა

1 (3)

ფოტო: თორნიკე თავაძე

ფოტო: თორნიკე თავაძე

1 (5)

1 (6)

1 (7)

1 (8)

1 (9)

1 (10)

1 (11)

1 (13)

ნეტგაზეთის მასალების სხვა გამოცემებში გადაბეჭდვის წესი
ავტორი