ნეტგაზეთი • RU

ბათუმის მთავარ ნაძვის ხეს წელს ევროპის მოედანზე დადგამენ

ბათუმის მთავარ საახალწლო ნაძვის ხეს წელს ევროპის მოედანზე დადგამენ. შესაბამისად, 31 დეკემბერს მთავარი საახალწლო კონცერტიც ევროპის მოედანზე დამონტაჟებულ სცენაზე გაიმართება – ამის შესახებ ბათუმის მერიის პრესსამსახურში დაგვიდასტურეს.

მერიაში გვითხრეს ისიც, რომ წელს ქალაქის მთავარ ნაძვის ხეს განსხვავებულად მორთავენ და  მას ოქროსფერი ქოლგებით აღარ გააფორმებენ. ახალი ნაძვის ხის კონცეფციაზე მერიაში არ საუბრობენ: „ სიურპრიზად დავტოვოთ“.

საახალწლო ნაძვის ხის გასაფორმებლად 200 მანათობელი „ქოლგა“ 2019 წელს შეისყიდეს, ბოლო ორი წლის განმავლობაში ნაძვის ხეს სწორედ ამ დეკორაციით რთავდნენ.

ბოლო ორი წელია მთავარ საახალწლო ნაძვის ხეს ბათუმის ბულვარში შადრევნებთან დგამდნენ.

საშობაო-საახალწლო დღეებში ბათუმის გაფორმებისთვის ქალაქის ბიუჯეტიდან 699 910 ლარია გამოყოფილი. ამ ტენდერში წინადადებების მიღება დაწყებულია და ხვალ, 10 დეკემბერს, დასრულდება.

გარდა ამისა, ღონისძიებებში, რომელიც ევროპის მოედანზე გაიმართება, ქალაქის ბიუჯეტიდან 433 400 ლარი დაიხარჯება. გალა კონცერტი კი 31 დეკემბერს გაიმართება.

ბათუმის საახალწლოდ მოსართავად 700 ათასი ლარი დაიხარჯება

 

ნეტგაზეთის მასალების სხვა გამოცემებში გადაბეჭდვის წესი
ავტორი