მთავარი,სიახლეები

შუახევში მერის არჩევნებს „ოცნების“ კანდიდატი იგებს | წინასწარი

03.10.2021 • 1931
შუახევში მერის არჩევნებს „ოცნების“ კანდიდატი იგებს | წინასწარი

ცესკოს წინასწარი მონაცემებით, 2 ოქტომბრის ადგილობრივი თვითმმართველობის არჩევნებზე შუახევში „ქართული ოცნების“ მერობის კანდიდატი, ომარ ტაკიძე ლიდერობს.

მან შუახევში ამომრჩეველთა ხმების 57.09 პროცენტი მიიღო – 5313 ხმა.

შუახევის მერობის გაერთიანებული ოპოზიციის კანდიდატმა როინ ზოიძემ ამომრჩეველთა ხმების 33.03 % მიიღო – 3074 ხმა.

8.41 პროცენტი, 783 ამომრჩევლის ხმა მიიღო შალვა გოგიტიძემ, პარტია „გახარია – საქართველოსთვის“ კანდიდატმა, ხოლო „პატრიოტთა ალიანსის“ შუახევის მერობის კანდიდატმა, გიორგი ტარიელაძემ 1.46% მიიღო – 136 ხმა.

ცესკოს მონაცემებით, შუახევში 50 უბნიდან 49 უბანია დათვლილი.

ომარ ტაკიძე შუახევის მერი იყო 2 ოქტომბრის არჩევნებამდეც. იგი ერთი წელი მუშაობდა ამ პოზიციაზეა, მანამდე კი მერის მოადგილე იყო.

ცესკოს მონაცემებით, 2 ოქტომბრის არჩევნებზე შუახევში ხმა მისცა 9988-მა მოქალაქემ – რეგისტრირებულ ამომრჩეველთა 66.25%-მა.

გადაბეჭდვის წესი


ასევე: