რუსეთში, როსტოვის ოლქში მდებარე ქალაქ აზოვში დრონების თავდასხმის შედეგად ნავთობით სავსე რეზერვუარები იწვის.
რუსეთის ხელისუფლების ცნობით, რეზერვუარებს ცეცხლი უპილოტო საფრენი აპარატის თავდასხმის შედეგად გაუჩნდა.
რუსული ტელეგრამის არხებზე წერენ, რომ მანამდე ადგილობრივმა მოსახლეობამ 5 აფეთქება გაიგო.
რუსეთის საგანგებო სიტუაციების სამინისტრომ გაავრცელა ინფორმაცია, რომ იწვის 5000 კუბური მეტრი ნავთობპროდუქტი.
