Batumelebi | მერობის 3 კანდიდატი – ვის აირჩევს ხულო მერობის 3 კანდიდატი – ვის აირჩევს ხულო – Batumelebi
RU | GE  

მერობის 3 კანდიდატი – ვის აირჩევს ხულო

წელს, 2 ოქტომბრის ადგილობრივი თვითმმართველობის არჩევნებზე ხულოს მერობის 3 კანდიდატი ჰყავს. მერობის კანდიდატი ჰყავს ოპოზიციური გაერთიანებას (რომელშიც შედიან: „ერთიანი ნაციონალური მოძრაობა“, „დროა“, „ლელო“ და სხვა ოპოზიციური პარტიები); „ქართულ ოცნებას“ და პარტიას – „გახარია – საქართველოსთვის“.

ვინ იბრძვის ხულოს მერის პოსტის დასაკავებლად? – „ბათუმელები“ მათ ვინაობას გაგაცნობთ.

კანდიდატების ჩამონათვალი მოცემულია საარჩევნო ნომრის მიხედვით.

  • გოგიტა სოლომონიძე – ოპოზიციური ერთობა [საარჩევნო ნომერი 5]

გოგიტა სოლომონიძეს საზღვაო აკადემია აქვს დამთავრებული ინჟინერ-მექანიკოსის სპეციალობით. მერობის კანდიდატობამდე ის აქტიურად ჩნდებოდა ბათუმის „თავისუფლების კვარტალში“.

იგი ახალი სახეა პოლიტიკაში.

გოგიტა სოლომონიძე 31 წლისაა.

გოგიტა სოლომონიძე

  • გია აბულაძე – „გახარია – საქართველოსთვის“ [საარჩევნო ნომერი 25]

გია აბულაძე პროფესიით ექიმია, თუმცა ძირითადად საჯარო სამსახურში მუშაობის გამოცდილება აქვს.

2014 წელს აბულაძე აჭარის უმაღლესი საბჭოს, ფრაქცია ,,ქართული ოცნება აჭარა“ მოწვეული სპეციალისტის პოზიციაზე მუშაობდა, 2015-დან 2021 წლამდე კი ბათუმის მუნიციპალიტეტის საკრებულოს ჯანმრთელობისა და სოციალურ საკითხთა კომისიაში მეორე კატეგორიის უფროსი სპეციალისტი იყო. 

გია აბულაძე

  • ვახტანგ ბერიძე – „ქართული ოცნება“ [საარჩევნო ნომერი 41]

„ოცნების“ კანდიდატი პროფესიით იურისტია, იგი 2019 წლის 10 ივნისიდან უკვე არის ხულოს მუნიციპალიტეტის მერი, მანამდე ხულოს მერის მოადგილე იყო, უფრო ადრე კი – აჭარის პოლიციის დეპარტამენტის ხულოს რაიონული სამმართველოს უფროსი. ჯამში იგი 18 წლის განმავლობაში მუშაობდა პოლიციაში სხვადასხვა პოზიციაზე.

ვახტანგ ბერიძე ხულოს მერის თანამდებობაზე მას შემდეგ აღმოჩნდა, როცა ხულოს არჩეულმა მერმა, გოჩა მელაძემ თანამდებობა დატოვა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com