მთავარი,სიახლეები

ბათუმში ახალშობილი, რომელიც დაბადებისას 550 გრამს იწონიდა, კლინიკიდან გაწერეს

10.09.2021 • 7007
ბათუმში ახალშობილი, რომელიც დაბადებისას 550 გრამს იწონიდა, კლინიკიდან გაწერეს

ბათუმში მცირე წონის ჩვილი დაიბადა, რომელიც ექიმებმა გამოაჯანმრთელეს და გუშინ გაწერეს ბათუმის საერთაშორისო ჰოსპიტლიდან.

დაბადებისას ჩვილი 550 გრამს იწონიდა. როგორც კლინიკაში „ბათუმელებს“ უთხრეს, ბავშვების ნაადრევად დაბადების შემთხვევები საკმაოდ ხშირია, თუმცა ასეთი მცირე წონით, იშვიათად იბადებიან. პატარა გოგონა სამი თვის წინ, 25-ე კვირაზე დაიბადა და მან რამდენიმე თვე ახალშობილთა რეანიმაციაში გაატარა.

„გვქონია 600-გრამიანი, 800-გრამიანი ახალშობილების დაბადების პრაქტიკა, თუმცა 550-გრამიანი ახალშობილი პირველად გვყავდა. დაიბადა ძალიან ღრმად დღენაკლი, სამი თვე გაატარა ჩვენთან, ჰქონდა სხვადასხვა სახის პრობლემა, თუმცა ეს პრობლემები ეტაპობრივად დაიძლია,“ – გვითხრეს კლინიკაში.

ნაადრევად დაბადებული ჩვილები სპეციალურ ინკუბატორში თავსდებიან, სადაც  შესაბამისი გარემო და ტემპერატურული რეჟიმია ახალშობილისთვის.

„ადრე არ იყო ტექნოლოგიები განვითარებული და ვერ ხერხდებოდა დღენაკლული ბავშვების გადარჩენა, თუმცა თანამედროვე მედიცინა  გვაძლევს შესაძლებლობას, რომ ასეთი პატარა ახალშობილებიც გადავარჩინოთ. ლივია უკვე თავის მშობლებთან და უფროს და-ძმებთანაა,“ – გვითხრეს კლინიკაში.

___________________________

მთავარი ფოტო: ახალშობილი, რომელიც დაბადებისას 550 გრ იწონიდა/ბაუ

გადაბეჭდვის წესი


ასევე: