„ენერგო-პრო ჯორჯიას“ აბონენტებს ივნისის თვეში მოხმარებული დენის გადასახადი ამ დრომდე არ მისვლიათ. როგორც ენერგოკომპანიაში „ბათუმელებს“ უთხრეს, მიმდინარე კვირის ბოლომდე შეტყობინებას ყველა აბონენტი მიიღებს და გადახდას ჩვეულებრივ შეძლებენ, ისევე, როგორც ამ დრომდე იხდიდნენ.
„ივნისის თვეში მოხმარებული ელექტროენერგიის ჩვენებები ყველა მრიცხველიდან აღებულია, მუშავდება ბაზა, სადაც ეს მონაცემები ერთიანად უნდა აისახოს და პროცესი ცოტათი გაგრძელდა. ამიტომ, დაგვიანდა აბონენტებისთვის შეტყობინებების გაგზავნა. ამ კვირის ბოლომდე ყველა აბონენტი მიიღებს შეტყობინებას „ენერგო-პრო ჯორჯიასგან“ და ივნისის თვის გადასახადს გადაიხდიან ისე, როგორც აქამდე იხდიდნენ. რაც შეეხება უკვე ივლისის გადასახადს, ამ თვის მონაცემებს [ქვითარს/შეტყობინებას] აგვისტოში აბონენტები ახალი კომპანიისგან – „ეპ ჯორჯია მიწოდებისგან“ მიიღებენ. თუ რაიმე შეიცვლება გადახდის კუთხით, აბონენტებს ამის შესახებ აგვისტოში ეცოდინებათ“, – გვითხრეს „ენერგო-პრო ჯორჯიაში“.
2021 წლის 1-ლი ივლისიდან „ენერგო-პრო ჯორჯიას“ ნაცვლად დენის მომწოდებელი ახალი სააქციო საზოგადოება „ეპ ჯორჯია მიწოდებაა“, რომელიც „ენერგო-პრო ჯორჯიას“ შვილობილი კომპანიაა.
შეიცვლება თუ არა დენის საფასურის გადახდის მექანიზმი უკვე „ენერგო-პროს“ ყოფილი აბონენტებისთვის? რა ფორმით უნდა გაფორმდეს ახალ კომპანიასთან ხელშეკრულებები? – ამ და სხვა კითხვებზე „ენერგო-პრო ჯორჯიას“ პასუხები შეგიძლიათ ნახოთ ამ ბმულზე:
რატომ ძვირდება დენი ქვეყანაში, ანუ როგორ იქცა საქართველო ბიტკოინების სამოთხედ
