13 აპრილს აჭარის უმაღლესი საბჭო ოპოზიციის დეპუტატების უფლებამოსილების ვადამდე შეწყვეტას კენჭს უყრის. დეპუტატები სხდომაზე ხვალ, 12 საათზე შეიკრიბებიან.
საუბარია 6 დეპუტატზე, რომლებიც უმაღლეს საბჭოში „გაერთიანებული ოპოზიციის“ პროპორციული სიით მოხვდნენ, თუმცა მათ დეპუტატობაზე უარი თქვეს, რადგან მიაჩნიათ, რომ არჩევნები გაყალბდა.
2020 წლის 21 დეკემბერს, არჩევნების შემდეგ, ექვსმა დეპუტატმა უფლებამოსილების შეწყვეტის მოთხოვნით უმაღლეს საბჭოს მიმართა.
უფლებამოსილების შეწყვეტა „გაერთიანებული ოპოზიციის“ პროპორციული სიიდან მხოლოდ ირაკლი ჩავლეიშვილმა არ მოითხოვა, იგი უმაღლეს საბჭოში შევიდა.
დეპუტატების უფლებამოსილების შეწყვეტაზე უარი თქვა საპარლამენტო უმრავლესობამ. დეპუტატებმა თამარ კორძაიამ და ზურაბ გირჩი ჯაფარიძემ პარლამენტის ეს გადაწყვეტილება საკონსტიტუციო სასამართლოში გაასაჩივრეს.
ამ თემაზე:
რატომ აჭიანურებს უმაღლესი საბჭო ოპოზიციისთვის უფლებამოსილების შეწყვეტას
