Batumelebi | ოპოზიციონერმა დეპუტატებმა უფლებამოსილების შეწყვეტის მოთხოვნით უმაღლეს საბჭოს მიმართეს ოპოზიციონერმა დეპუტატებმა უფლებამოსილების შეწყვეტის მოთხოვნით უმაღლეს საბჭოს მიმართეს – Batumelebi
RU | GE  

ოპოზიციონერმა დეპუტატებმა უფლებამოსილების შეწყვეტის მოთხოვნით უმაღლეს საბჭოს მიმართეს

დღეს, 21 დეკემბერს, გაერთიანებული ოპოზიციის ექვსმა დეპუტატმა აჭარის უმაღლეს საბჭოს მიმართა უმაღლესი საბჭოს წევრის უფლებამოსილების შეწყვეტის მოთხოვნით.

გაერთიანებული ოპოზიციიდან დეპუტატის მანდატზე უარს ამბობენ:

  • ლევან ანთაძე
  • გიორგი კირთაძე
  • გია აბულაძე
  • ელგუჯა ბაგრატიონი
  • მედეა ვასაძე
  • მამული სურმანიძე

„ჩვენ არ ვაპირებ შესვლას უმაღლეს საბჭოში. ჩვენ არ ვაპირებთ ქურდულ ოცნებასთან თანამშრომლობას, ქუჩიდან ვაპირებთ ბრძოლას და აუცილებლად მივალთ გამარჯვებამდე“, – განაცხადა ელგუჯა ბაგრატიონმა განცხადების შეტანის შემდეგ.

ამის მიუხედავად 21-წევრიანი აჭარის უმაღლესი საბჭო მაინც არ იქნება ერთპარტიული. მეხუთე მოწვევის უმაღლეს საბჭოში 15 დეპუტატი იმუშავებს, მათ შორის 14 დეპუტატი მმართველი პარტიიდან, 1 დეპუტატი – ირაკლი ჩავლეიშვილი კი, რომელიც ,,რესპუბლიკური პარტიის” წევრი იყო, როგორც ოპოზიციონერი, ისე იმუშავებს უმაღლეს საბჭოში. მან ამის შესახებ განცხადება ფეისბუქსზე გამოაქვეყნა.

მანდატებზე უარი თქვეს საქართველოს პარლამენტის ოპოზიციონერმა დეპუტატებმაც. შესაბამისად, საქართველოს პარლამენტი იქნება ერთპარტიული.

____

ოპოზიცია არ აღიარებს 31 დეკემბრის არჩევნების შედეგებს. ოპოზიციას მიაჩნია, რომ არჩევნები გაყალბდა.

ნეტგაზეთის მასალების სხვა გამოცემებში გადაბეჭდვის წესი
ავტორი