Batumelebi | უმაღლეს საბჭოში ერთი ოპოზიციონერი – ირაკლი ჩავლეიშვილი შედის უმაღლეს საბჭოში ერთი ოპოზიციონერი – ირაკლი ჩავლეიშვილი შედის – Batumelebi
RU | GE  

უმაღლეს საბჭოში ერთი ოპოზიციონერი – ირაკლი ჩავლეიშვილი შედის

ირაკლი ჩავლეიშვილი აჭარის უმაღლეს საბჭოში შედის, ამის შესახებ მან ფისბუქის საკუთარ გვერდზე რამდენიმე წუთის წინ დაწერა, მისივე ინფორმაციით ის დროებით იჩერებს „რესპუბლიკური“ პარტიის წევრობას.

„სამწუხაროდ, ჩემი და საქართველოს რესპუბლიკური პარტიის დამოკიდებულება, უმაღლესი საბჭოს ბოიკოტირებასთან დაკავშირებით, რადიკალურად განსხვავდება. ვფიქრობ, დეპუტატის ადგილი პარლამენტშია. ასევე თანავუგრძნობ მომიტინგეებს ქუჩაში, სადაც ჩემი პოლიტიკური ცხოვრების საკმაოდ დიდი ნაწილი გამიტარებია“- წერს ირაკლი ჩავლეიშვილი და იქვე იმედს გამოთქვამს, რომ „ დადგება ის დროც, როდესაც საქართველოში პატივი მიეგება ერთი ადამიანის განსხვავებულ აზრს!“

ირაკლი ჩავლეიშვილის უმაღლეს საბჭოში შესაძლო შესვლაზე დღეს დილიდან ვრცელდებოდა ინფორმაცია, თუმცა ის  მეხუთე მოწვევის უმაღლესი საბჭოს პირველ სხდომაზე დღეს, 15 დეკემბერს, არ გამოჩენილა.

აღსანიშნავია, რომ ირაკლი ჩავლეიშვილს ხელი არც ოპოზიციის მემორანდუმზე მოუწერია, როგორც ეს არჩეულმა 6-მა დეპუტატმა გააკეთა, მათ დააფიქსირეს, რომ უმაღლეს საბჭოში შესვლას არ აპირებენ.

უმაღლეს საბჭოში 21 დეპუტატია, აქედან პროპორციული სიით 11 მანდატი „ქართულმა ოცნებამ“ მოიპოვა, ასევე სამივე მაჟორიტარი დეპუტატი „ქართულ ოცნებას“ ერგო. უმაღლეს საბჭოში 7 ადგილი ერგო „გაერთიანებულ ოპოზიციას“, თუმცა ეს პოლიტიკური სუბიექტი უმაღლეს საბჭოში შესვლაზე უარს ამბობს.

ირაკლი ჩავლეიშვილი „გაერთიანებული ოპოზიციის“ საარჩევნო სიაში მე-6 ნომერი იყო.

ამ თემაზე:

აჭარის უმაღლესი საბჭოს პირველი სხდომა 15 დეკემბერს გაიმართება

ნეტგაზეთის მასალების სხვა გამოცემებში გადაბეჭდვის წესი
ავტორი