„ხელმისაწვდომი საცხოვრისის“ პროგრამის ბენეფიაციარებისთვის საცხოვრებელი ბინების გადაცემის მიზნით, აპლიკანტი ოჯახების სოციალურ-ეკონომიკურ მდგომარეობას ა[ა]იპ „საქართველოს ახალგაზრდა ეკონომისტთა ასოციაცია“ შეისწავლის. ბათუმის მერიამ ასოციაციასთან ხელშეკრულება 26 500 ლარზე გააფორმა. ანუ ერთი ოჯახის მდგომარეობის შესწავლაში მერია 53 ლარს გადაიხდის.
ტენდერი 48 000 ლარით იყო გამოცხადებული. სხვა პრეტენდენტები მერიას მომსახურებას გაცილებით ძვირად სთავაზობდნენ: ააოპ „სოციალური კვლევისა და ანალიზის ინსტიტუტი“ – 42 300 ლარად, ხოლო შპს „ბი-სი-ჯი კვლევა“ – 38 500 ლარად.
ახალგაზრდა ეკონომისტთა ასოციაციამ უნდა შეისწავლოს როგორც პირველ ეტაპზე შესული განაცხადებიდან შერჩეული აპლიკანტი ოჯახების მდგომარეობა, ასევე მეორე ეტაპზე შერჩეულებისაც – სულ 500 აპლიკანტი.
ასოციაცია მინიმუმ 110 აპლიკანტს მერიის მიერ შესაბამისი ინფორმაციის მიწოდებიდან ორი თვის განმავლობაში შეისწავლის, ხოლო დანარჩენს – დოკუმენტაციის მიწოდებიდან სამი თვის განმავლობაში [მაქსიმუმ 2021 წლის 30 ნოემბრამდე].
განაცხადების მიღების მეორე ეტაპი ახლა მიმდინარეობს. პროგრამის ფარგლებში აშენებულ 4 კორპუსში კი მხოლოდ 80 ბინაა.
—
ბათუმში, ჯავახიშვილის ქუჩაზე, ეგრეთ წოდებულ იაფ სახლში, საცხოვრებელი ბინის 1კვ.მ-ის ფასი 1083 ლარი იქნება:
ვინ როდის მიიღებს ბინას „იაფ სახლში“ – ინტერვიუ ბათუმის მერის მოადგილესთან
