მთავარი,სიახლეები

2 იანვარს რუსეთმა კიევს „შაჰედებითა“ და „კინჯალებით“ შეუტია

02.01.2024 • 770
2 იანვარს რუსეთმა კიევს „შაჰედებითა“ და „კინჯალებით“ შეუტია

2 იანვრის დილას, კიევში თითქმის 6 საათს გაგრძელდა საჰაერო განგაში. რუსეთი უკრაინის დედაქალაქს თავს დაესხა „შაჰედის“ დრონებით, ათეულობით „კინჯალითა“ და რაკეტებით.

უკრაინული მედიის ცნობით, უკრაინის თავდაცვამ ათამდე „კინჯალი“ და სხვადასხვა სახის 60 რაკეტა ჩამოაგდო, თუმცა მასიური სარაკეტო თავდასხმის შედეგად დაზიანდა საცხოვრებელი სახლები, ბოლო ცნობებით დაიღუპა 3 ადამიანი, დაშავდა – 38, მათ შორის ბავშვი.

2 იანვრის დილას რუსულმა ჯარებმა მასობრივი დარტყმა განახორციელეს ხარკოვზეც, სადაც დაარტყეს ქალაქის საცხოვრებელ ზონას. ბოლო ცნობებით, ხარკოვში სარაკეტო დარტყმის შედეგად დაიღუპა ერთი და დაშავდა 40-ზე მეტი ადამიანი.

უკრაინის გენერალური შტაბის ცნობით, ბოლო 24 საათის განმავლობაში ფრონტზე 64 სამხედრო შეტაკება მოხდა.

________________

ფოტო: EPA-EFE/SERGEY DOLZHENKO

გადაბეჭდვის წესი


ასევე: