Batumelebi | ქობულეთში 2 მასწავლებელს და მოსწავლეებს კოვიდი დაუდასტურდათ – სკოლა დაიხურა ქობულეთში 2 მასწავლებელს და მოსწავლეებს კოვიდი დაუდასტურდათ – სკოლა დაიხურა – Batumelebi
RU | GE  

ქობულეთში 2 მასწავლებელს და მოსწავლეებს კოვიდი დაუდასტურდათ – სკოლა დაიხურა

ქობულეთში, წმ. კირიონ მეორის სახელობის სკოლაში ორ მასწავლებელს და ორ მოსწავლეს კორონავირუსი დაუდასტურდა. სკოლა დაიხურა.

საჯარო სკოლებში ამ დროისთვის არდადეგებია გამოცხადებული, თუმცა როგორც აჭარის საზოგადოებრივი ჯანდაცვის ცენტრში „ბათუმელებს“ უთხრეს, აღნიშნულ სკოლაში სასწავლო პროცესი მიმდინარეობდა.

„ეს კერძო სკოლაა და სწავლა გრძელდებოდა. ამ დროისთვის სკოლა დახურულია და მიმდინარეობს ეპიდემიოლოგიური კვლევები. 2 მასწავლებელთან და მოსწავლეებთან კონტაქტში მყოფი პირები თვითიზოლაციაში არიან გადასული,“ – ამბობენ საზოგადოებრივი ჯანდაცვის ცენტრში.

სკოლაში 370 მოსწავლე სწავლობს.

ოფიციალური მონაცემებით, აჭარაში სულ 17 პედაგოგი და ათამდე მოსწავლეა კოვიდით ინფიცირებული.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com