განათლება,მთავარი,სიახლეები

ტესტირების შედეგად აჭარაში 7 პედაგოგს კორონავირუსი დაუდასტურდა

28.01.2021 • 2546
ტესტირების შედეგად აჭარაში 7 პედაგოგს კორონავირუსი დაუდასტურდა

28 იანვრის მონაცემებით, კორონავირუსის რამდენიმე შემთხვევა დადასტურდა სკოლის მასწავლებლებში.

აჭარის საზოგადოებრივი ჯანდაცვის ცენტრში „ბათუმელებს“ უთხრეს, რომ ამ დროისთვის დატესტილია 4 ათასამდე პედაგოგი, კორონავირუსი კი 7 პედაგოგს დაუდასტურდა. ცენტრის ინფორმაციით, სწრაფი ტესტირებით დადასტურებული კორონავირუსის შემთხვევები PCR ტესტით ხელმეორედ გადამოწმდება.

აჭარაში საკლასო ოთახებში სწავლის განახლება პირველ თებერვალს იგეგმება, ამიტომ მასწავლებლების მასობრივი ტესტირება საჯარო და კერძო სკოლებში ორი დღის წინ დაიწყო.

ტესტირება მთელი აჭარის მასშტაბით მიმდინარეობს და კვირას უნდა დასრულდეს. მასწავლებლებს კორონავირუსის გამოსავლენად სწრაფი ტესტირება უტარდებათ.

აჭარის საზოგადოებრივი ჯანდაცვის ცენტრის ინფორმაციით, მთლიანობაში 9000-მდე პედაგოგი და ადმინისტრაციის თანამშრომელი უნდა დაიტესტოს.

გადაბეჭდვის წესი


ასევე: