უკრაინაში, 12 ივნისს კრივოი როგზე რუსული სარაკეტო თავდასხმის შედეგად დაზარალებულთა რიცხვი 32-მდე გაიზარდა, მათ შორის 5 ბავშვია.
რუსეთის თავდასხმის შედეგად 9 ადამიანი დაიღუპა.
14 ივნისი ქალაქში გლოვის დღედ გამოცხადდა.
რუსეთმა სარაკეტო დარტყმა დნეპროპეტროვსკის ოლქის ქალაქ კრივოი როგზე გუშინ, 12 ივნისს, საღამოს განახორციელა. სარაკეტო შეტევა ქალაქის დასახლებულ ნაწილზე მოხდა.
კრივოი როგი უკრაინის პრეზიდენტის, ვოლოდიმირ ზელენსკის მშობლიური ქალაქია, რომელიც ხშირად ხდება რუსეთის თავდასხმის სამიზნე.
