Batumelebi | 24 დეკემბრიდან არც სამგზავრო მატარებლები არ იმოძრავებენ 24 დეკემბრიდან არც სამგზავრო მატარებლები არ იმოძრავებენ – Batumelebi
RU | GE  

24 დეკემბრიდან არც სამგზავრო მატარებლები არ იმოძრავებენ

საქართველოს მთავრობის გადაწყვეტილებით, 24 დეკემბრიდან 2 იანვრის ჩათვლით, საქალაქთაშორისო სამგზავრო ტრანსპორტის მოძრაობა არ აღდგება, მათ შორის, არც სამგზავრო მატარებლების.

„მგზავრების გადაყვანა საქალაქთაშორისო ტრანსპორტით – სამარშრუტო ავტობუსებით და მიკროავტობუსებით, ასევე მატარებლით, კვლავ აკრძალული რჩება. მგზავრობა მხოლოდ კერძო ავტომობილებითა და ტაქსით იქნება დაშვებული. შესაბამისი ცვლილება – რომ საქალაქთაშორისო ტრანსპორტის მოძრაობა არ აღდგება 24 დეკემბრიდან 2 იანვრამდე – საქართველოს მთავრობის შესაბამის დადგენილებაში შევა და გამოქვეყნდება,“ – გვითხრეს მთავრობის ცხელ ხაზზე.

„საქართველოს რკინიგზაში“ განაცხადეს, რომ ელოდებიან მთავრობის დადგენილებას და განცხადებას ამის შემდეგ გაავრცელებენ.

რკინიგზამ რამდენიმე დღის წინ განაცხადა, რომ მატარებლით სამგზავრო გადაყვანები, ახალი წლის დღეებში განახლდებოდა 24 დეკემბრიდან 2 იანვრის ჩათვლით. ამასთან, ბილეთების შეძენა ონლაინ 10 დეკემბრიდან იყო შესაძლებელი, ხოლო სალაროები ერთი დღით ადრე, 23 დეკემბერს გაიხსნებოდა.

„ველოდებით მთავრობის დადგენილებას და თუ სამგზავრო მატარებლების მოძრაობა არ აღდგება, მოქალაქეები, ვისაც ბილეთები შეძენილი აქვთ, ამ ბილეთებს ჩვეულებრივად დააბრუნებენ,“ – გვითხრეს საქართველოს რკინიგზაში.

რა იკრძალება და რა არის დაშვებული 24 დეკემბრიდან 2 იანვრამდე პერიოდში, ვრცლად ნახეთ ბმულზე:

რა იკრძალება და რა არის დაშვებული 24 დეკემბრიდან 2 იანვრამდე | მთავრობის გადაწყვეტილება

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com