Batumelebi | ავსტრიის ყოფილ ფინანსთა მინისტრს კორუფციისთვის 8 წელი მიუსაჯეს ავსტრიის ყოფილ ფინანსთა მინისტრს კორუფციისთვის 8 წელი მიუსაჯეს – Batumelebi
RU | GE  

ავსტრიის ყოფილ ფინანსთა მინისტრს კორუფციისთვის 8 წელი მიუსაჯეს

ვენის სასამართლომ ავსტრიის ყოფილი ფინანსთა მინისტრი კარლ-ჰაინც გრასერი დამნაშავედ ცნო თითქმის 10 მილიონი ევროს ქრთამად აღებაში და 8 წლით პატიმრობა მიუსაჯა.

გამოძიების ვერსიით, 2004 წელს გრასერმა, რომელიც მაშინ ქვეყნის ფინანსთა მინისტრი იყო, 60 ათასამდე სახელწიფო ბინის გაყიდვისას კერძო ინვესტორს მნიშვნელოვანი ინფორმაცია მიაწოდა შესყიდვის ფასის შესახებ, რომ ტენდერი სხვა კომპანიას არ მოეგო.

გარიგების მთლიანი თანხა 961 მილიონი ევრო იყო, მინისტრმა კომპანიისგან 9,6 მილიონი ევრო მიიღო ქრთამის სახით.

ამავე საქმეზე 14 ბრალდებული დაჯარიმდა.

საქმეზე გამოძიება 2017 წელს დაიწყო. სასამართლოს წინაშე 165 მოწმე წარსდგა, საქმე 865-გვერდიანი იყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com