Batumelebi | ავსტრიაში კარანტინი მეორედ ცხადდება ავსტრიაში კარანტინი მეორედ ცხადდება – Batumelebi
RU | GE  

ავსტრიაში კარანტინი მეორედ ცხადდება

ავსტრიაში კორონავირუსის ახალი შემთხვევების მზარდი სტატისტიკის გამო საყოველთაო კარანტინი მეორედ ცხადდება.

კარანტინი ძალაში სამშაბათს შედის, ქუჩაში გადაადგილება შესაძლებელი იქნება მხოლოდ მნიშვნელოვანი მიზეზის გამო, სკოლები დისტანციურ სწავლებაზე გადადიან, იკეტება სილამაზის სალონები, მაღაზიებისა და საწარმოების ნაწილი.

პარასკევს ავსტრიაში კორონავირუსით ინფიცირების 9 ათასზე მეტი ახალი შემთხვევა დადასტურდა, რის გამოც ქვეყნის ხელისუფლებამ მიიღო კარანტინის გამოცხადების გადაწყვეტილება.

კარანტინი ავსტრიაში 6 დეკემბრამდე გასტანს.

15 ნოემბრის მონაცემებით, ავსტრიაში ინფიცირების 198 291 შემთხვევაა დადასტურებული, კორონავირუსით გარდაცვლილია 1746 ადამიანი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com