Batumelebi | იუსტიციის სახლებში კოვიდბარათების გაცემა იწყება – მთავრობა იუსტიციის სახლებში კოვიდბარათების გაცემა იწყება – მთავრობა – Batumelebi
ნეტგაზეთი • RU

იუსტიციის სახლებში კოვიდბარათების გაცემა იწყება – მთავრობა

მთავრობის ცნობით, იუსტიციის სახლები და საზოგადოებრივი ცენტრები კოვიდბარათების გაცემას იწყებენ.

მომხმარებელს კოვიდბარათის მიღება საქართველოს მასშტაბით, ყველა ფილიალში შეეძლება. კოვიდბარათზე პირის სრული ან ნაწილობრივი ვაქცინაციისა და ბოლო PCR-კვლევის შესახებ ინფორმაცია, ასევე აცრის უნიკალური QR კოდი და პირადი მონაცემები იქნება დატანილი, რომელიც იუსტიციის სახლის შტამპით დამოწმდება.

მთავრობის პრესსამსახურის ცნობით, კოვიდბარათზე განცხადების წარდგენა უფასოა და დოკუმენტი განცხადების წარდგენისთანავე, პირადობის დამადასტურებელი მოწმობის საფუძველზე გაიცემა.

იმ შემთხვევაში, თუ მოქალაქეს კოვიდბარათი საქართველოს ფარგლებს გარეთ წარსადგენად, აპოსტილი/ლეგალიზაციით დამოწმებული სჭირდება, აღნიშნული სერვისის მიღება იუსტიციის სახლებსა და საზოგადოებრივ ცენტრებშია შესაძლებელი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com