Batumelebi | რა მარშრუტით იმოძრავებს N13 ელექტროავტობუსი ბათუმში რა მარშრუტით იმოძრავებს N13 ელექტროავტობუსი ბათუმში – Batumelebi
RU | GE  

რა მარშრუტით იმოძრავებს N13 ელექტროავტობუსი ბათუმში

„ბათუმის ავტოტრანსპორტის“ ინფორმაციით, 19 ოქტომბრის მონაცემებით, ბათუმში 5 ელექტროავტობუსია, რომლებიც 20 ოქტომბრიდან N13 ხაზზე შემდეგი მარშრუტით იმოძრავებენ:

ავტობუსი გამოვა ლერმონტოვისა და ორბელიანის ქუჩების კვეთიდან, გაივლის ლერმონტოვის-ბაგრატიონის-შარტავას-გორგილაძის-ბარათაშვილის-ჭავჭავაძის ქუჩებს, ჭავჭავაძის ქუჩაზე [საბაგიროსთან] მობრუნდება და უკან, იმავე მარშრუტით დაბრუნდება ლერმონტოვისა და ორბელიანის ქუჩების კვეთაში.

N13 სამარშრუტო ხაზი მუნიციპალური ელექტროავტობუსებისთვის ბათუმში

ბათუმის ავტოტრანსპორტის ინფორმაციით, ოქტომბრის თვის ბოლომდე ელოდებიან კიდევ 3 ელექტროავტობუსს, რომელთა მიღების შემდეგ ელექტროავტობუსები დამატებით N14 ხაზზეც იმოძრავებენ. N14 ხაზის დაზუსტებულ მარშრუტს აქვე, მოგვიანებით მოგაწვდით.

ბათუმის მუნიციპალური ელექტროავტობუსები / ფოტო: „ბათუმის ავტოტრანსპორტი“

ბათუმის მერიაში აღნიშნავენ, რომ ბათუმი პირველი ქალაქია საქართველოში, სადაც მუნიციპალური ელექტროავტობუსები იმოძრავებენ. ბათუმისთვის 8 ელექტროავტობუსის შესყიდვა ევროპის რეკონსტრუქციისა და განვითარების ბანკის (EBRD) მიერ საერთაშორისო ტენდერის საშუალებით განხორციელდა. ელექტროავტობუსების შეძენისათვის 3 მილიონ 777 ათასი ევრო დაიხარჯა:

ხვალიდან ბათუმში ელექტროავტობუსები იმოძრავებენ

 

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com