Batumelebi | რატომ დასჭირდა ბუქსირი ახალ ელექტროავტობუსს რატომ დასჭირდა ბუქსირი ახალ ელექტროავტობუსს – Batumelebi
RU | GE  

რატომ დასჭირდა ბუქსირი ახალ ელექტროავტობუსს

ბათუმში რამდენიმე წუთის წინ მუნიციპალური ელექტროავტობუსი გაჩერდა, რომელიც, თვითმხილველის თქმით, მძღოლმა ადგილიდან ვეღარ დაძრა. მისივე თქმით, ელექტროავტობუსი ბუქსირით ძველ, ყვითელ ავტობუსს ჩააბეს. როგორც ერთ-ერთმა მოქალაქემ „ბათუმელებს“ უთხრა, „ჩამქრალ ელექტროავტობუსს ქუჩაში მრავალგზის შეესწრო“.

„ბათუმის ავტოტრანსპორტში“ ბათუმელებს უთხრეს, რომ ასეთი ფაქტი რამდენჯერმე იყო, „თუმცა საგანგაშო არაფერია, ვინაიდან ელექტროავტობუსები ხაზზე ისე გავუშვით, რომ ტესტირება არ გაუვლიათ. შეიძლება ვთქვათ, რომ სატესტო რეჟიმში მუშაობენ. ავტობუსს გადაიტანენ ავტოფარეხში, სადაც მას იმ ქარხნის სპეციალისტი შეამოწმებს, ვისგანაც შევიძინეთ ავტობუსები. ეს სპეციალისტი ბათუმში იმყოფება. ამასთან, ელექტროავტობუსებს აქვთ საგარანტიო ვადა და თუ რაიმე მნიშვნელოვანი ტექნიკური პრობლემა აღმოაჩნდება, ჩანაცვლდება. მძღოლებიც ახლა გადიან გადამზადებას“.

ბათუმში ამ დროისთვის 5 ახალი ელექტროავტობუსია, რომლებიც მეცხრე დღეა [20 ოქტომბრიდან] რაც N13 ხაზზე მოძრაობენ.

ბათუმისთვის 8 ელექტროავტობუსის შესყიდვა ევროპის რეკონსტრუქციისა და განვითარების ბანკის (EBRD) მიერ საერთაშორისო ტენდერის საშუალებით განხორციელდა. ელექტროავტობუსების შესაძენად 3 მილიონ 777 ათასი ევრო დაიხარჯა:

ხვალიდან ბათუმში ელექტროავტობუსები იმოძრავებს

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com