Batumelebi | 2970 ინფიცირებული და 12 გარდაცვლილი ერთ თვეში – კორონავირუსი აჭარაში 2970 ინფიცირებული და 12 გარდაცვლილი ერთ თვეში – კორონავირუსი აჭარაში – Batumelebi
RU | GE  

2970 ინფიცირებული და 12 გარდაცვლილი ერთ თვეში – კორონავირუსი აჭარაში

სექტემბერში აჭარაში კორონავირუსით ინფიცირების 2970 შემთხვევა დადასტურდა.

სტატისტიკა აჩვენებს, რომ ბათუმში შემთხვევების მკვეთრი მატება დაიწყო სექტემბრის დასაწყისში.  პირველ სექტემბერს – 6, ხოლო 30 სექტემბერს კორონავირუსის 235 ახალი შემთხვევა გამოვლინდა. დღეების მიხედვით სტატისტიკა ასე გამოიყურება:

  • 1 სექტემბერი – 6 ახალი შემთხვევა
  • 2 სექტემბერი – 26 ახალი შემთხვევა
  • 3 სექტემბერი – 6 ახალი შემთხვევა
  • 4 სექტემბერი – 13 ახალი შემთხვევა
  • 5 სექტემბერი – 13 ახალი შემთხვევა
  • 6 სექტემბერი – 12 ახალი შემთხვევა
  • 7 სექტემბერი – 20 ახალი შემთხვევა
  • 8 სექტემბერი – 21 ახალი შემთხვევა 
  • 9 სექტემბერი – 25 ახალი შემთხვევა 
  • 10 სექტემბერი – 27 ახალი შემთხვევა 
  • 11 სექტემბერი – 39 ახალი შემთხვევა 
  • 12 სექტემბერი – 80 ახალი შემთხვევა 
  • 13 სექტემბერი – 88 ახალი შემთხვევა 
  • 14 სექტემბერი – 108 ახალი შემთხვევა 
  • 15 სექტემბერი – 124 ახალი შემთხვევა 
  • 16 სექტემბერი – 144 ახალი შემთხვევა 
  • 17 სექტემბერი – 126 ახალი შემთხვევა 
  • 18 სექტემბერი – 129 ახალი შემთხვევა 
  • 19 სექტემბერი – 116 ახალი შემთხვევა 
  • 20 სექტემბერი – 128 ახალი შემთხვევა 
  • 21 სექტემბერი – 91 ახალი შემთხვევა 
  • 22 სექტემბერი – 137 ახალი შემთხვევა
  • 23 სექტემბერი – 165 ახალი შემთხვევა
  • 24 სექტემბერი – 164 ახალი შემთხვევა
  • 25 სექტემბერი – 168 ახალი შემთხვევა
  • 26 სექტემბერი – 166 ახალი შემთხვევა
  • 27 სექტემბერი – 193 ახალი შემთხვევა
  • 28 სექტემბერი – 175 ახალი შემთხვევა
  • 29 სექტემბერი – 225 ახალი შემთხვევა
  • 30 სექტემბერი – 235 ახალი შემთხვევა

კორონავირუსის ეპიდაფეთქება ბათუმში დაიწყო „დონას კლასტერით“, შემდეგ იყო „ხოფის ბაზრობის“ და სხვა კლასტერები, სექტემბრის შუა რიცხვებში კი აჭარის საზოგადოებრივი ჯანდაცვის ცენტრმა შეწყვიტა კლასტერების დასახელება, რადგან კორონავირუსი დაფიქსირდა ათობით დაწესებულებაში და აჭარის ექვსივე მუნიციპალიტეტში: ბათუმში, ქობულეთში, ხელვაჩაურში, ქედაში, ხულოსა და შუახევში, თუმცა ეპიდაფეთქების ეპიცენტრი ქალაქი ბათუმია სექტემბრის დასაწყისიდან დღემდე.

ერთი თვის განმავლობაში ბათუმში 11 პაციენტი გარდაიცვალა კორონავირუსით, ერთი ბათუმელი პაციენტი კი – ქუთაისში, ამავე დიაგნოზით.

აჭარაში 9 სამედიცინო დაწესებულება იღებს კოვიდინფიცირებულ პაციენტებს, გარდა ამისა, უსიმპტომო პაციენტებისთვის არის ე.წ. კოვიდსასტუმროები და დაიწყო პაციენტების ბინაზე მკურნალობის პროცესი, ოჯახის ექიმების მეთვალყურეობის ქვეშ.

სტატისტიკა აჩვენებს, რომ ინფიცირების მაჩვენებელი თითქმის ყოველ დღე იზრდება, თუმცა დღეს, 30 სექტემბერს, საქართველოს ჯანდაცვის მინისტრმა განაცხადა, რომ ახალი შემთხვევები არ იზრდება გეომეტრიული პროგრესიით და შეინიშნება ეპიდსიტუაციის სტაბილიზაციის ნიშნები.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com