Batumelebi | კორონავირუსის 80 ახალი შემთხვევა ბათუმში – 24 საათის მონაცემები კორონავირუსის 80 ახალი შემთხვევა ბათუმში – 24 საათის მონაცემები – Batumelebi
RU | GE  

კორონავირუსის 80 ახალი შემთხვევა ბათუმში – 24 საათის მონაცემები

12 სექტემბრის მონაცემებით, ბოლო 24 საათში აჭარაში კორონავირუსის 80 ახალი შემთხვევა დადასტურდა.

თბილისის ინფექციური საავადმყოფოს სამედიცინო დირექტორმა, მარინა ეზუგბაიამ, თავდაპირველად განაცხადა რომ აჭარაში ბოლო 24 საათში კორონავირუსის 87 შემთხვევა დაფიქსირდა. თუმცა მოგვიანებით, აჭარის საზოგადოებრივი ჯანდაცვის ცენტრის დირექტორმა რუსუდან შავიშვილმა თქვა, რომ დადასტურებული მხოლოდ 80 შემთხვევაა, დანარჩენ შემთხვევებზე კი ჯერჯერობით კვლევა მიმდინარეობს.

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, დღეს გამოვლენილი შემთხვევები, მიანიშნებს რომ ბათუმში ეპიდემიის გავრცელება ლოკალიზაციისკენ მიდის.

“ძალიან სწრაფად მოხდა ინფიცირებულების კონტაქტების მოძიება. მათი მყისიერი გამოკვლევა. ამ 158 ინფიცირებულიდან ყველაზე დიდი ოდენობა გახლავთ ბათუმი და ბათუმში თითქმის უკვე ლოკალიზებისკენ მივდივართ. ასეთი სწრაფი კვლევები და დადასტურებული პაციენტების რაოდენობა იმის საშუალებას იძლევა, რომ მათი კონტაქტების იზოლაცია მოვახდინოთ. მყარად შეგვიძლია ვთქვათ, რომ დაავადების გავრცელებას შევწყვეტთ. ბათუმი თითქმის ლოკალიზებულია,” – თქვა მარინა ეზუგბაიამ.

პირველი სექტემბრიდან მოყოლებული აჭარაში კორონავირუსით ინფიცირების მაჩვენებელი იზრდება.

დღეს საქართველოში, ბოლო 24 საათის მონაცემებით, კორონავირუსის 158 ახალი შემთხვევა დადასტურდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com