მთავარი,სიახლეები

ბათუმში კორონავირუსის 193 ახალი შემთხვევა დადასტურდა – 27 სექტემბერი

27.09.2020 • 1636
ბათუმში კორონავირუსის 193 ახალი შემთხვევა დადასტურდა – 27 სექტემბერი

27 სექტემბრის მონაცემებით, ბოლო 24 საათში აჭარაში კორონავირუსის 193 ახალი შემთხვევა დადასტურდა.

აჭარის ჯანდაცვის სამინისტროს მონაცემებით, გასული 24 საათის განმავლობაში აჭარაში 3500 -ზე მეტი PCR ტესტი ჩატარდა.

სამინისტროს ინფორმაცით, დღეის მონაცემებით სტაციონარში მკურნალობს 494 პაციენტი, მათ შორის 41 არასრულწლოვანი და 15 ორსული. რეანიმაციულ განყოფილებაში მოთავსებულია 22 პაციენტი. სტაციონარიდან გამოჯანმრთელდა და გაეწერა 17 პირი.

კოვიდკარანტინში მეთვალყურეობის ქვეშ იმყოფება 949 პაციენტი, მათ შორის 71 არასრულწლოვანი, ხოლო ბინაზე მკურნალობს 350 -ზე მეტი კოვიდდადებითი პაციენტი.

27 სექტემბრის მონაცემებით კოვიდსასტუმროდან ბინაზე გაეწერა 9 პირი. ონლაინ კლინიკების მეშვეობით კონსულტაცია გაეწია – 427პირს

აჭარის ჯანდაცვის სამინისტროს ინფორმაციით აჭარაში კორონავირუსით ინფიცირებული პაციენტების მართვაში ჩართულია 8 სამედიცინო დაწესებულება. მთლიანად რეგიონში კი მობილიზებულია 600 საწოლი კოვიდპაციენტებისათვის.

ბოლო 24 საათში საქართველოში კორონავირუსის 294  ახალი შემთხვევა დაფიქსირდა.

 

გადაბეჭდვის წესი


ასევე: