ბათუმში კორონავირუსის 13 ახალი შემთხვევა დაფიქსირდა, მათ შორის, 9 „დონას“ კლასტერია. გამოვლენილი ახალი შემთხვევებიდან ორი პირის დაინფიცირების წყარო უცნობია.
სამთავრობო ვებსაიტ stopcov.ge-ს ინფორმაციით, გამოჯანმრთელდა 8 ადამიანი და ჯამურმა რაოდენობამ 1 302-ს მიაღწია. კარანტინის რეჟიმში მოთავსებულია 6 020 ადამიანი, სტაციონარში მეთვალყურეობის ქვეშ – 299. კორონავირუსს საქართველოში 19 ადამიანი ემსხვერპლა.
ბოლო 24 საათში გამოვლინდა 25 ახალი შემთხვევა. საქართველოში კორონავირუსი დადასტურებული აქვს 1 621 ადამიანს. როგორც ინფექციური საავადმყოფოს ექიმმა მარინა ენდელაძემ თქვა, ახალი შემთხვევებიდან მხოლოდ ერთის წყაროა უცნობი, დანარჩენების წყარო დადგენილია.