ბოლო 24 საათში ბათუმში კორონავირუსის 6 ახალი შემთხვევა დადასტურდა. ამის შესახებ დღეს, პირველ სექტემბერს, განაცხადა ჟურნალისტებთან აჭარის საზოგადოებრივი ჯანდაცვის ცენტრის დირექტორის მოადგილემ, ნონა ეფაძემ.
ინფიცირების ერთი ახალი შემთხვევა საკონდიტრო „დონას“ უკავშირდება, ინფიცირებულია საკონდიტროს თანამშრომელი. ექვსიდან ორი ახალი შემთხვევა საკარანტინო სივრცეს უკავშირდება, ხოლო სამი ინფიცირებული სატვირთო მანქანის მძღოლია.
დღეის მონაცემებით ბათუმის რესპუბლიკურ საავადმყოფოში 25 პაციენტს მკურნალობენ კორონავირუსის დიაგნოზით.
